സ്ത്രീപുരുഷ ലൈംഗികാവയവങ്ങള്‍ മിഥ്യകള്‍ യാഥാര്‍ത്ഥ്യങ്ങള്‍: തുടര്‍ച്ച

അനുദ്ധ്യതമായ ലിംഗത്തിന്റെ വലിപ്പത്തെക്കുറിച്ചും ചിലര്‍ അവകാശവാദമുന്നയിക്കുന്നു. എന്നാല്‍ അനുദ്ധ്യതമായ ലിംഗത്തിന് വലിപ്പമുണ്ടായിട്ടു പ്രത്യേകിച്ചു ഗുണമൊന്നുമില്ലെന്നതാണ് വാസ്തവം. മാസ്റ്റേഴ്‌സും ജോണ്‍സണും ലിംഗവലിപ്പത്തെക്കുറിച്ച് പ്രത്യേക പഠനങ്ങള്‍ നടത്തിയിട്ടുണ്ട്. അനുദ്ധൃതാവസ്ഥയിലെ ലിംഗത്തിന്റെ വലിപ്പവും ഉദ്ധാരണവേളയിലുണ്ടാകുന്ന ദൈര്‍ഘ്യക്കൂടുതലും വിപരീതാനുപാതത്തിലായിരിക്കും എന്നായിരുന്നു അവര്‍ കണ്ടെത്തിയത്. ഉദാഹരണമായി അനുദ്ധ്യതാവസ്ഥയില്‍ മൂന്നര ഇഞ്ചു നീളമുള്ള ഒരു ലിംഗം ഉദ്ധരിക്കുമ്പോള്‍ ആറിഞ്ചു നീളമുള്ളതാകുമെന്നിരിക്കട്ടെ. അതേസമയം അനുദ്ധൃതാവസ്ഥയില്‍ അഞ്ചിഞ്ചു നീളമുള്ള ലിംഗം ഉദ്ധ്യതമാകുമ്പോള്‍ ആറര ഇഞ്ചു നീളമേ ഉണ്ടാകൂ. ചെറിയലിംഗത്തിന് 70% ദൈര്‍ഘ്യവര്‍ദ്ധനവുണ്ടാകുമ്പോള്‍ വലിയ ലിംഗത്തിന് 30% മാത്രമേ വലിപ്പം വര്‍ദ്ധിക്കുന്നുള്ളൂ.

ഉത്തേജിക്കാത്ത യോനിയുടെ ശരാശരി ദൈര്‍ഘ്യം മൂന്നര ഇഞ്ചാണ്. ഉത്തേജിതാവസ്ഥയില്‍ അത് ഒരിഞ്ചോ മറ്റോ കൂടിയെന്നിരിക്കും. അങ്ങനെയെങ്കില്‍ ഉത്തേജിതയോനിയുടെ ശരാശരി ദൈര്‍ഘ്യം നാലര ഇഞ്ചിനോടടുപ്പിച്ചു വരും.

ലിംഗം ഉപയോഗിച്ചുള്ള ഉദ്ദീപനത്തിലൂടെ യോനി പരമാവധി ആറര ഇഞ്ചുവരെ നീളും. അതുകൊണ്ട് പുരുഷലിംഗത്തെ പരമാവധി ആറര ഇഞ്ചുവരെ മാത്രമേ യോനിയിലേക്കു പ്രവേശിപ്പിക്കാനാകൂ.

യോനീനാളത്തിന്റെ ബാഹ്യമായ മൂന്നിലൊന്നു ഭാഗം മാത്രമേ ലൈംഗികമായി സംവേദനക്ഷമമായുള്ളൂ. എന്നാല്‍ അടുത്ത കാലത്തായി ഗര്‍ഭാശയഗളത്തിലും മറ്റും ലൈംഗിക ഉത്തേജനം സൃഷ്ടിക്കാന്‍ കഴിയുമെന്ന് ഒരു വാദഗതിയുണ്ട്. ഗര്‍ഭാശയഗളത്തിലെ Cul-de-sac-ല്‍ ഉദ്ദീപനങ്ങള്‍ ചെലുത്തുന്നതിനെക്കുറിച്ച് ഈ ഗ്രന്ഥത്തിലെ ‘ലൈംഗികോത്തേജനം സ്ത്രീകളില്‍‘ എന്ന അധ്യായത്തില്‍ വിശദീകരിക്കുന്നുണ്ട്. അപ്രകാരം ആന്തരയോനിയില്‍ ഉദ്ദീപനങ്ങള്‍ സൃഷ്ടിക്കാന്‍ കഴിയില്ലെങ്കില്‍ പോലും ബാഹ്യമായ മൂന്നിലൊന്നു ഭാഗത്തെ ഉദ്ദീപനങ്ങള്‍ തന്നെ ഒരുസ്ത്രീയെ തൃപ്തയാക്കാന്‍ ധാരാളം മതിയാകും. കൂടുതല്‍ വൈവിദ്ധ്യവും തീവ്രവുമായ ലൈംഗികസുഖം കാംക്ഷിക്കുന്ന പരീക്ഷണ മനോഭാവമുള്ളവര്‍ മാത്രമേ ഗര്‍ഭാശയഗളത്തിലെയും മറ്റും ലൈംഗികോത്തേജനത്തിനായി തുനിയേണ്ടതുള്ളൂ. ഒരു സ്ത്രീയുടെ യോനിക്ക് ഉദ്ധ്യതാവസ്ഥയില്‍ ആറിഞ്ച് ആഴമുണ്ടായിരുന്നാല്‍പ്പോലും അതിന്റെ ബാഹ്യമായ രണ്ടിഞ്ചു നീളത്തിനേ ലിംഗം ഉളവാക്കുന്ന ലൈംഗികോത്തേജനങ്ങളോട് പ്രതികരിക്കാന്‍ സാധിക്കുകയുള്ളൂ. ഉദ്ധിതാവസ്ഥയില്‍ ഒരു ലിംഗത്തിനു മൂന്നര ഇഞ്ചു നീളമുണ്ടെങ്കില്‍ തന്നെ യോനിയുടെ ഈ ഭാഗത്ത് ഉദ്ദീപനങ്ങള്‍ സൃഷ്ടിക്കുവാന്‍ സാധിക്കുന്നു. ലിംഗത്തിന്റെ മിച്ചംവരുന്ന ഒന്നരഇഞ്ചുനീളം കൊണ്ട് യോനിയുടെ ആന്തരികമായ മറ്റു ഭാഗങ്ങളില്‍ ഉദ്ദീപനങ്ങള്‍ സൃഷ്ടിക്കുവാന്‍ കഴിയും. അതിനാല്‍ ഉദ്ധ്യതാവസ്ഥയില്‍ ലിംഗം ചെറുതായിരിക്കുന്നത് ഒരു വലിയ ലൈംഗികപ്രശ്‌നമായി കണക്കാക്കേണ്ടതില്ല. അനുദ്ധ്യതാവസ്ഥയില്‍ ലിംഗം ചെറുതായിരുന്നാലും വിഷമിക്കേണ്ടതില്ല. യോനിയില്‍ ആവശ്യാനുസരണം ഉദ്ദീപനങ്ങള്‍ സൃഷ്ടിക്കുവാന്‍ ചെറിയ ലിംഗത്തിനും സാധിക്കുന്നു.

ലിംഗവലിപ്പത്തെക്കുറിച്ചുള്ള ആധുനിക കാഴ്ചപ്പാട് ഇപ്രകാരമാണെങ്കിലും ആനുപാതികമായ ലിംഗയോനീ വലിപ്പമുള്ള സ്ത്രീപുരുഷന്മാര്‍ തമ്മിലുള്ള സുരതമാണ് ഉല്‍കൃഷ്ടമെന്നത്രേ ആചാര്യവാത്സ്യായനന്റെ അഭിപ്രായം. സ്ത്രീപുരുഷന്മാരുടെ ഉല്പാദനേന്ദ്രിയങ്ങള്‍ക്ക് യഥാക്രമം ആഴവും വലിപ്പവും സമമാണെങ്കില്‍ അവര്‍തമ്മില്‍ നടക്കുന്ന സുരതത്തെ കാമസൂത്രത്തില്‍ സമരതമെന്നു വിളിക്കുന്നു. യോനിയുടെ ആഴത്തിലുമധികം ദൈര്‍ഘ്യമുള്ള ലിംഗത്തോടുകൂടിയ പുരുഷന്‍ ആഴം കുറഞ്ഞ യോനിയുള്ള സ്ത്രീയുമായി നടത്തുന്ന വേഴ്ചയെ ഉച്ചരതം എന്നു വിളിക്കുന്നു. യോനിക്ക് ആഴം കൂടുകയും ലിംഗത്തിന് അത്രതന്നെ ദൈര്‍ഘ്യമില്ലാതിരിക്കുകയും ചെയ്യുമ്പോള്‍ നീചരതം സംഭവിക്കുന്നു. സമരതമാണ് എന്തുകൊണ്ടും ശ്രേഷ്ഠമെന്നാണ് വാത്സ്യായനന്‍ അഭിപ്രായപ്പെടുന്നത്.

പ്രാചീനവും ആധുനികവുമായ ലൈംഗികശാസ്ത്ര നിലപാടുകളില്‍ രണ്ടിലും കുറെയൊക്കെ വാസ്തവങ്ങള്‍ ഉള്ളതിനാല്‍ നാം ഇതില്‍ ഏതെങ്കിലും ഒന്നിനെ ത്യജിക്കുകയോ മറ്റൊന്നിനെ സ്വീകരിക്കുകയോ ചെയ്യേണ്ടതില്ല. ലിംഗവലിപ്പത്തിന്റെ കാര്യത്തിലും രണ്ടുകൂട്ടരും പറയുന്ന അഭിപ്രായങ്ങളെ മാനിക്കുകയും കാമസൂത്രത്തില്‍ നിര്‍ദ്ദേശിക്കുന്ന വ്യത്യസ്ത ഉല്പാദനേന്ദ്രിയ വലിപ്പമുള്ള സ്ത്രീപുരുഷന്മാര്‍ സ്വീകരിക്കേണ്ട സംഭോഗനിലകള്‍ അനുശീലിക്കുകയും ചെയ്യുന്നതായിരിക്കും നല്ലത്.
രതിമൂര്‍ച്ഛ സമാഗതമാകുന്നതോടുകൂടി ലിംഗയോനി സംവേശം കൂടുതല്‍ ആഴത്തിലായിത്തീരുന്നു. എന്നാല്‍ ചെറിയ ലിംഗമുള്ള പുരുഷന്മാര്‍ക്ക് ആഴത്തില്‍ യോനീ സംവേശനം നടത്താന്‍ സാധിച്ചെന്നിരിക്കില്ല. അത്തരക്കാര്‍ അതില്‍ ഉത്ക്കണ്ഠപ്പെടേണ്ടതില്ല. സുരതവേഗം വര്‍ദ്ധിക്കുന്നതോടെ ശ്രോണീപ്രദേശങ്ങള്‍ അതിശക്തമായി തമ്മില്‍ ഘര്‍ഷണം ചെയ്യപ്പെടുന്നുണ്ട്. ഇത് സുഖാസ്വാദനത്തെ കൂടുതല്‍ ശക്തമാക്കുന്നു. അഗാധമായ ലിംഗപ്രവേശനത്തിന്റെ അനുഭൂതികള്‍ തന്നെ ഇത് ജനിപ്പിക്കുന്നുണ്ട്. മൈഥുനത്തില്‍ ലിംഗത്തിന് സവിശേഷമായ താളക്രമങ്ങളാല്‍ യോനിയിലാസകലം ചലനം സൃഷ്ടിക്കുവാനും സ്ത്രീയ്ക്ക് ലിംഗം യോനിയില്‍ നിറഞ്ഞുനില്‍ക്കുന്നുവെന്ന തോന്നലുളവാക്കാനും സാധിക്കുന്നു.

ആറര ഇഞ്ചുവരെ ആഴമുള്ള ഒരു യോനിയിലേക്ക് ആറിഞ്ചു ദൈര്‍ഘ്യമുള്ള ലിംഗം പൂര്‍ണ്ണമായി ആഴ്ന്നിറങ്ങുന്നത് സ്ത്രീക്ക് സുഖകരമാണ്. അഥവാ ലിംഗദൈര്‍ഘ്യം ഏറിയവരാണെങ്കില്‍പ്പോലും വേഴ്ചയുടെ വിസ്മൃതിയില്‍ അവര്‍ക്ക് വേദന അനുഭവപ്പെടുന്നില്ല. എന്നാല്‍ ലിംഗദൈര്‍ഘ്യം ഏഴിഞ്ചായാല്‍ സ്ത്രീയെ സംബന്ധിച്ചിടത്തോളം ആ വേഴ്ച തികച്ചും അവിസ്മരണീയമായ ഒരനുഭവമായിരിക്കും! ആ പുരുഷന്റെ സാമീപ്യം പോലും സ്ത്രീയില്‍ ഭയമുണര്‍ത്തിയെന്നിരിക്കും. എഴിഞ്ചില്‍ കൂടുതല്‍ ലിംഗദൈര്‍ഘ്യമുള്ള പുരുഷനുമായുള്ള സംഭോഗം സ്ത്രീക്ക് വേദനാജനകമായ ഒരനുഭവമായതിനാല്‍ അത്തരം ലിംഗദൈര്‍ഘ്യമുള്ളവര്‍ ലിംഗം യോനിയിലേക്ക് പൂര്‍ണ്ണമായും പ്രവേശിപ്പിക്കാതിരിക്കുകയാകും ദാമ്പത്യജീവിതത്തിന്റെ ഭദ്രതയ്ക്കു നല്ലത്! ലിംഗത്തിന്റെ വലിപ്പം മൈഥുനാനന്ദത്തിന് അനിവാര്യമാണെന്ന വിശ്വാസത്തിന് കാര്യമായ ഒരു ശാസ്ത്രീയാടിസ്ഥാനവുമില്ല.

ലിംഗത്തിന്റെ വലിപ്പക്കുറവിനെച്ചൊല്ലി വ്യാകുലരായി കഴിയുന്ന ഒട്ടേറെപ്പേര്‍ നമ്മുടെ നാട്ടിലുണ്ട്. അതിനാല്‍ തന്നെ അതില്‍നിന്നു മുതലെടുക്കുന്ന മുറിവൈദ്യന്മാരും കുറവല്ല. ചിലരൊക്കെ മനഃശാസ്ത്രജ്ഞരോട് ലിംഗവലിപ്പക്കുറവിനെക്കുറിച്ച് പരാതികളും സംശയങ്ങളുമുന്നയിച്ച് ആയുസ് പാഴാക്കുന്നു. ഇക്കാര്യത്തില്‍ ‘വിദഗ്‌ദ്ധോപദേശം’ നല്‍കുന്ന ചില വ്യാജലൈംഗിക ഗ്രന്ഥങ്ങളും വിരളമല്ല. എന്നാല്‍ പണ്ടുകാലം മുതല്‍ക്കേ ലിംഗവലിപ്പം കൂട്ടുവാനായി പല വിദ്യകളും പലരും പ്രയോഗിച്ചുനോക്കിയിട്ടുണ്ടെങ്കിലും ആരും തന്നെ അതില്‍ വിജയിച്ചതായി കേട്ടിട്ടില്ല. ലിംഗത്തിന്റെ വലിപ്പം കൃത്രിമമായി വര്‍ദ്ധിപ്പിക്കാനാകില്ലെന്നു പറയുവാന്‍ ശാസ്ത്രീയമായ ചില കാരണങ്ങളുണ്ട്. ലിംഗം ഉദ്ധാരകകലകളാല്‍ നിര്‍മ്മിക്കപ്പെട്ട ഒരവയവമാണ്. ഉദ്ധാരകകലകള്‍ വര്‍ദ്ധിക്കുന്ന സ്വഭാവമുള്ളവയല്ല. അതിനാല്‍ ലിംഗത്തിലെ രക്തക്കുഴലുകള്‍ക്കും നാഡികള്‍ക്കും വലിപ്പം കൂടുകയെന്നതും ശാസ്ത്രീയമായി അസംഭവ്യമായ കാര്യമാണ്. ലിംഗത്തെ ലിംഗമാക്കുന്നത് അതിന്റെ ഇലാസ്തിക സ്വഭാവമാണ്. റബ്ബര്‍പോലെ വലിയുന്ന ഈ സ്വഭാവം നിലനില്‍ക്കുന്നിടത്തോളം കാലം ലിംഗത്തിന്റെ ദൈര്‍ഘ്യം സ്ഥിരമായി വലുതാക്കുവാന്‍ സാധിക്കുകയില്ല.

ലിംഗവലിപ്പമെന്നത് ലൈംഗികശക്തിയുടെ മാനദണ്ഡമാണെന്ന തെറ്റിദ്ധാരണ നിലനിന്നതിനാല്‍ കാലാകാലങ്ങളിലായി പല നാട്ടുകാരും അതിനായി പല പൊടിക്കൈകളും പ്രയോഗിച്ചു നോക്കിയിട്ടുണ്ട്. ഇന്ത്യാക്കാര്‍ കാമസൂത്രത്തില്‍ നിര്‍ദ്ദേശിച്ചിരുന്ന ചില തൈലങ്ങളും മറ്റും പരീക്ഷിച്ചുനോക്കി. താല്‍ക്കാലികമായി ചില ഫലങ്ങള്‍ കണ്ടില്ലെന്നു പറയാനാവില്ലെങ്കിലും ശാശ്വതമായ ഒരു ലിംഗദൈര്‍ഘ്യം ആരും കൈവരിച്ചതായി രേഖപ്പെടുത്തപ്പെട്ടിട്ടില്ല. തെറ്റിദ്ധാരണയില്‍ കുടുങ്ങിയ ചില പാരാചീന ശാസ്ത്രജ്ഞന്മാര്‍ പോലും ലിംഗവലിപ്പത്തിനുള്ള പരീക്ഷണങ്ങള്‍ നടത്തിനോക്കിയതായി പറയപ്പെടുന്നു.

ജപ്പാന്‍കാര്‍ ലിംഗവലിപ്പത്തിനായി പ്രയോഗിച്ചുനോക്കിയിരുന്ന പൊടിക്കൈ രസാവഹവും തെല്ലു ഭയാനകവുമാണ്. നടുവില്‍ തുളയുള്ള ഒരു ചുടുകല്ല് ചൂടാക്കിയശേഷം ലിംഗം കല്ലില്‍ സ്പര്‍ശിക്കാതെ ആ തുളയില്‍ വയ്ക്കുകയായിരുന്നു അവരുടെ രീതി. ലിംഗത്തിന്റെ വണ്ണം കൂട്ടുവാനുള്ള ഈ വ്യയാമം ഒരു മണിക്കൂര്‍ തുടര്‍ച്ചയായി ആഴ്ചയില്‍ രണ്ടുമൂന്നുദിവസം ചെയ്യണമത്രേ. മൂന്നാഴ്ചത്തെ പ്രയോഗം കൊണ്ട് ചിലര്‍ക്ക് ലിംഗത്തിന്റെ വലിപ്പം താല്‍ക്കാലികമായി വര്‍ദ്ധിച്ചു. എന്നാല്‍ അധികമായി ലഭിച്ച വണ്ണം ചികിത്സ നിര്‍ത്തി ഒരാഴ്ചക്കകം നഷ്ടപ്പെട്ടു. ആറുമാസം തുടര്‍ച്ചയായി ഇഷ്ടികപ്രയോഗം ചെയ്ത ഒരാളുടെ ലിംഗത്തിന് അല്പം വണ്ണക്കുടുതലുണ്ടായി എന്നാല്‍ ചികിത്സ നിര്‍ത്തി ഒരാഴ്ചയ്ക്കകം വണ്ണം വീണ്ടും കുറഞ്ഞു. എന്നാല്‍ അര ഇഞ്ചു വണ്ണം നഷ്ടപ്പെടാതെ ഇരുന്നു. സാമാന്യബുദ്ധി ഉപയോഗിച്ച് പരിശോധിച്ചാല്‍ തന്നെ ലിംഗത്തിന് അര ഇഞ്ച് നീളം കൂടുമെന്നുകരുതി ഇത്തരം ‘തീക്കളികള്‍’ നടത്തുന്നത് എത്ര അപകടകരമാണെന്നു മനസ്സിലാകും.

ഭാരം കെട്ടിത്തൂക്കി ലിംഗത്തിന്റെ വലിപ്പം കൂട്ടുകയെന്നതായിരുന്നു ചില ആഫ്രിക്കന്‍ ഗോത്രവര്‍ഗ്ഗക്കാരുടെ രീതി. ലിംഗത്തില്‍ ഘടിപ്പിക്കാവുന്ന കൂടുകള്‍ തീര്‍പ്പിച്ച് അവയില്‍ ഭാരക്കട്ടകള്‍ കെട്ടിത്തൂക്കുന്നു. ആദ്യത്തെ ആഴ്ച ഒരു പൗണ്ട് തൊട്ടടുത്ത ആഴ്ച രണ്ട് പൗണ്ട്. അങ്ങനെ ഭാരം കൂട്ടിക്കൊണ്ടിരിക്കും. ഇതിനെ അനുകരിച്ച് ചില ശാസ്ത്രജ്ഞന്മാര്‍ ലിംഗദൈര്‍ഘ്യപരീക്ഷണം നടത്തുവാന്‍ തുനിഞ്ഞു. മൂന്നാമത്തെ പരീക്ഷണം കൊണ്ട് ആകെ ആറുപേരില്‍ ഒരാള്‍ക്ക് അര ഇഞ്ച് ലിംഗദൈര്‍ഘ്യം സംഭവിച്ചു!

ലിംഗത്തിന്റെ വലിപ്പക്കുറവിനെ ഒരു ലൈംഗികപരാധീനതയായി കൊണ്ടുനടക്കുന്നത് ശുദ്ധമായ ഭാഷയില്‍ പറഞ്ഞാല്‍ അസംബന്ധമാണ്. മറ്റു ശാരീരികാവയവങ്ങളുടെ വലിപ്പം പോലെ തന്നെ ജന്മസിദ്ധമാണ് ഈ പ്രത്യുല്പാദനാവയവത്തിന്റെയും വലിപ്പം തങ്ങള്‍ക്കു സിദ്ധമായ ലിംഗവലിപ്പം കൊണ്ടുതന്നെ തൃപ്തരായി അര്‍ത്ഥശൂന്യമായ ആകാംക്ഷചിന്തകള്‍ ഒഴിവാക്കി ആനന്ദപൂര്‍ണ്ണമായ ലൈംഗികജീവിതം ആസ്വദിക്കുകയാണ് വേണ്ടത്. അഥവാ ലിംഗത്തിന് ഒരല്പം വലിപ്പക്കുറവുണ്ടെങ്കില്‍പ്പോലും ഉചിതമായ മൈഥുനനിലകള്‍ സ്വീകരിച്ചുകൊണ്ട് അതിനെ വിജയകരമായി അതിജീവിക്കാവുന്നതേയുള്ളൂ.

തങ്ങളുടെ ലിംഗം കൂടുതലായി വളഞ്ഞിരിക്കുന്നുവെന്ന പരാതിയുമായി മനഃശാസ്ത്ര പംക്തികളിലേക്കെഴുതുന്ന ഒട്ടേറെ യുവാക്കളുണ്ട്. എല്ലാ ലിംഗങ്ങള്‍ക്കും ഒരല്പം വളവ് സഹജമത്രേ. യോനിയുടെ ആന്തരിക ഭാഗത്തിനും അല്പം വളവുള്ളതിനാല്‍ സംഭോഗത്തെ ഇത് സുഗമമാക്കുകയാണ് ചെയ്യുന്നത്.

ലംബതലവുമായി 20 മുതല്‍ 40 ഡിഗ്രിവരെയുള്ള ഒരു കോണ്‍ സൃഷ്ടിച്ചായിരിക്കും ലിംഗം ഉദ്ധരിക്കപ്പെടുക. ഇത് യോനിയുടെ കോണിന് സമമായതിനാല്‍ യോനീ സംവേശനത്തെ അനായാസകരമാക്കുന്നു. എന്നാല്‍ ചിലരില്‍ ലിംഗം അസാധാരണമാം വിധം വളഞ്ഞിരിക്കും. വക്രലിംഗതയെന്നോ (Peyrohies disease) വളഞ്ഞ ആണിരോഗമെന്നോ (Bend Nail Syndrome) ആണ് ഈ അവസ്ഥ അറിയപ്പെടുന്നത്. ലിംഗകോണിലെ വ്യത്യാസംമൂലം ഈ രോഗത്തില്‍ ലിംഗം വളഞ്ഞിരിക്കും. ലിംഗകലകള്‍ക്കുണ്ടാകുന്ന നാശം മൂലമാണ് ഈ രോഗം ഉണ്ടാകുന്നത്. എന്തുകൊണ്ടാണ് ലിംഗകലകള്‍ക്ക് ഇപ്രകാരം നാശം സംഭവിക്കുന്നതെന്നതിന്റെ കാരണം വൈദ്യശാസ്ത്രത്തിന് ഇനിയും അജ്ഞാതമാണ്. വക്രലിംഗമുള്ള രോഗികളില്‍ ഉദ്ധാരണം നടക്കുമ്പോള്‍ ലിംഗതനു (ശിശ്‌നദണ്ഡം) ഇടത്തോട്ട് തിരിഞ്ഞിരിക്കുകയാണെങ്കില്‍ ലിംഗശീര്‍ഷം (ശിശ്‌നമണി) വലത്തോട്ട് തിരിഞ്ഞിരിക്കും. ഈ അവസ്ഥ സംഭോഗത്തിന് കാര്യമായ തടസ്സം സൃഷ്ടിക്കുന്നില്ലെങ്കിലും മാനസികമായ പിരിമുറുക്കവും ആകാംക്ഷയും ഉളവാക്കിയേക്കാം. സങ്കീര്‍ണ്ണമായ ചില ചികിത്സാവിധികള്‍ ഇതിനു നിര്‍ദ്ദേശിക്കപ്പെട്ടിട്ടുണ്ടെങ്കിലും അവ കാര്യമായ ഫലപ്രാപ്തി നല്‍കാത്തതായാണ് കണ്ടുവരുന്നത്. ലിംഗവലിപ്പക്കുറവിനെക്കുറിച്ചുള്ള അമിതാകാംക്ഷപോലെതന്നെ ഇക്കാര്യത്തിലും അനാവശ്യമായ ഉത്ക്കണ്ഠ ഒഴിവാക്കുകയാണ് വേണ്ടത്.

പ്രായമാകുംതോറും ഉദ്ധൃതലിംഗത്തിന്റെ കോണ്‍ കൂടിക്കൊണ്ടിരിക്കുന്നതായി കാണാം. മധ്യവയസ്‌ക്കരായ മിക്ക പുരുഷന്മാരിലും ഉദ്ധൃതലിംഗത്തിന്റെ കോണ്‍ ഏതാണ്ട് 90% ആയിരിക്കും. അമ്പത്തഞ്ചു വയസ്സുകഴിയുന്നതോടെ ഉദ്ധൃതലിംഗം തീര്‍ത്തും തിരശ്ചീനമായിത്തന്നെ നില്‍ക്കുന്നു. എന്നാല്‍ ലൈംഗികവേഴ്ചയെ ഇത് ഒരു തരത്തിലും ബാധിക്കാറില്ല.

രതിവിജ്ഞാനം:അധ്യായം -4 സ്ത്രീപുരുഷ ലൈംഗികാവയവങ്ങള്‍ മിഥ്യകള്‍ യാഥാര്‍ത്ഥ്യങ്ങള്‍

അധ്യായം -4
സ്ത്രീപുരുഷ ലൈംഗികാവയവങ്ങള്‍ മിഥ്യകള്‍ യാഥാര്‍ത്ഥ്യങ്ങള്‍

ലൈംഗികാവയവങ്ങളെക്കുറിച്ചുള്ള അജ്ഞത കുമാരീകുമാരന്മാരിലും പ്രായപൂര്‍ത്തിയായവരില്‍പ്പോലും കണ്ടുവരുന്ന ഒരു പ്രതിഭാസമാണ്. ലൈംഗികാവയവങ്ങളുടെ ഘടനയെയും പ്രവര്‍ത്തനരീതികളെയും കുറിച്ച് പ്രായപൂര്‍ത്തിയായ ഒരാള്‍ സാമാന്യമായ അറിവെങ്കിലും ആര്‍ജ്ജിച്ചിരിക്കേണ്ടതാണ്. ലൈംഗികശരീരശാസ്ത്രത്തില്‍ (Sexual Anatomy) ഡോക്ടറേറ്റ് ഒന്നും നേടിയില്ലെങ്കില്‍പ്പോലും തന്റെ ലൈംഗികജീവിതത്തിന്റെ നെടുന്തൂണുകളായ അവയവങ്ങളെക്കുറിച്ച് ആവശ്യം വേണ്ട ജ്ഞാനമെങ്കിലും നേടേണ്ടത് അനിവാര്യമത്രേ. എന്നാല്‍ നമ്മുടെ നാട്ടില്‍ ലൈംഗിക വിദ്യാഭ്യാസമെന്നത് എന്തോ അപകടകരമായ ഒരു ആശയമാണെന്ന ധാരണയാണ് വിദ്യാസമ്പന്നര്‍ പോലും വെച്ചുപുലര്‍ത്തുന്നത്. മുതിര്‍ന്ന ക്ലാസുകളിലെ പാഠപുസ്തകങ്ങളില്‍ ലൈംഗികാവയവങ്ങളുടെ ഘടന പ്രതിപാദിക്കുന്നുണ്ടെങ്കിലും അതേക്കുറിച്ച് കാര്യമായ ഒരു ചര്‍ച്ച ക്ലാസ് മുറികളില്‍ നടന്നുകാണാറില്ല. രക്ഷിതാക്കളും അധ്യാപകരും ലൈംഗികാവയവങ്ങളെക്കുറിച്ചുള്ള സംശയങ്ങല്‍ ദുരീകരിക്കുന്നതിന് ആരോഗ്യകരമായ ഒരന്തരീക്ഷം വിദ്യാഭ്യാസരംഗത്തു നിലനിര്‍ത്താത്തതിനാല്‍ പല മിഥ്യാധാരണകളിലേക്കും ഭയാശങ്കകളിലേക്കും കൗമാരപ്രായക്കാര്‍ വഴുതിവീഴുക സ്വാഭാവികം മാത്രം. അല്പവിഭവന്മാരായ ചില മുതിര്‍ന്നവരും അശാസ്ത്രീയമായ ചില ഗ്രന്ഥങ്ങളും ഈ അവസ്ഥയെ കൂടുതല്‍ സങ്കീര്‍ണ്ണമാക്കുന്നു. ലൈംഗികാവയവങ്ങളുടെ വലിപ്പത്തെയും പ്രവര്‍ത്തനരീതികളെയും കുറിച്ചുള്ള ഉത്ക്കണ്ഠകള്‍ അതിരുകടക്കുന്നത് മാനസികരോഗങ്ങള്‍ക്കുപോലും വഴിയൊരുക്കുന്നു.

പെണ്‍കുട്ടികളെ അപേക്ഷിച്ച് ആണ്‍കുട്ടികളിലാണ് ലൈംഗികാവയവങ്ങളുടെ വലിപ്പത്തെയും പ്രവര്‍ത്തനരീതികളെയും കുറിച്ചുള്ള അമിതോല്‍ക്കണ്ഠ കണ്ടുവരാറുള്ളത്. കൗമാരാരംഭത്തില്‍ കണ്ടുവരുന്ന ശാരീരിക മാറ്റങ്ങളെ വേണ്ടത്ര മനസ്സിലാക്കുവാന്‍ കുമാരികുമാരന്മാരില്‍ പലര്‍ക്കും കഴിയാതെ പോകുന്നു. കൗമാരത്തില്‍ ലിംഗത്തിന്റെ വലിപ്പത്തെയും ശുക്ലവും ആരോഗ്യവുമായുള്ള ബന്ധത്തെയും കുറിച്ചൊക്കെ സന്ദേശങ്ങള്‍ കണ്ടുവരാറുള്ളത് പതിവാണ്. ലിംഗത്തിന്റെ ശരാശരി വലിപ്പത്തെക്കുറിച്ച് അതിശയോക്തിപരമായ പല കഥകളും നമ്മുടെ നാട്ടില്‍ പ്രചരിപ്പിക്കപ്പെട്ടിട്ടുണ്ട്. വലിയ ലിംഗമുള്ളവര്‍ക്ക് ലൈംഗികശക്തി കൂടുതലായിരിക്കുമെന്ന് ചിലരെങ്കിലും ധരിച്ചുവച്ചിട്ടുമുണ്ട്. ശുക്ലം രക്തത്തില്‍ നിന്ന് ഉണ്ടായതായതിനാല്‍ ശുക്ലനഷ്ടം ധാതുക്ഷയത്തിന് ഇടയാക്കുമെന്ന് മറ്റൊരു വിഭാഗം കരുതുന്നു. സ്വയംഭോഗത്തെ ഒരു മഹാപാപമായിക്കരുതി അതില്‍നിന്നുണ്ടാകുന്ന കുറ്റബോധത്തില്‍ മനമുരുകിക്കഴിയുന്ന കുമാരന്മാരും കുറവല്ല. കുമാരിമാരില്‍ ചിലരിലും സ്വയംഭോഗം കുറ്റബോധമുളവാക്കുന്നു. എന്നാല്‍ അവരില്‍ ആര്‍ത്തവത്തെയും ഗര്‍ഭധാരണത്തെയും കുറിച്ചുള്ള അജ്ഞതകളാണ് പ്രബലം.

ഏതായാലും കൗമാരകാലത്തുളവാകുന്ന ലൈംഗിക പ്രശ്‌നങ്ങള്‍ യഥാവസരത്തില്‍ പരിഹരിക്കപ്പെട്ടില്ലെങ്കില്‍ അത് ഭാവിയില്‍ ദാമ്പത്യ ജീവിതത്തെത്തന്നെ പ്രശ്‌നസങ്കീര്‍ണ്ണമാക്കിയേക്കാം. ലിംഗത്തിന്റെ വലിപ്പക്കുറവിനെക്കുറിച്ചുള്ള തെറ്റിദ്ധാരണ മൂലം ലൈംഗികബന്ധ ഭീതി (Intercourse fear) സംഭവിച്ചിട്ടുള്ള കേസുകള്‍ മനശാസ്ത്രജ്ഞന്മാരുടെ ഡയറികളിലും മറ്റും കാണാം.

പുരുഷന്റെ ലൈംഗികാവയവങ്ങള്‍
ലിംഗത്തിന്റെ വലിപ്പത്തെക്കുറിച്ച് കൗമാരാരംഭത്തിലാണ് ഒരാള്‍ ബോധവാനായിത്തീരുന്നത്. മുതിര്‍ന്നവരുടെ ലിംഗം യാദൃശ്ചികമായി കാണാനിടവരുന്ന ഒരു കൗമാരപ്രായക്കാരന്‍ സ്വാഭാവികമായിത്തന്നെ തന്റേതുമായി അതിനെ താരതമ്യപ്പെടുത്തുന്നു. തനിക്കും അതുപോലെ വലിപ്പമുള്ള ഒരു ലിംഗം ഉണ്ടായിരുന്നെങ്കില്‍ എന്ന് അവന്‍ ആഗ്രഹിക്കുന്നു. തന്റെ ലിംഗത്തിന് അല്പം കൂടി വലിപ്പമുണ്ടായിരുന്നെങ്കില്‍ എന്ന് ആഗ്രഹിക്കാത്ത കുമാരന്മാര്‍ വിരളമാകും. പ്രായപൂര്‍ത്തിയാകുന്നതോടെ തന്റെ ശരീരപ്രകൃതത്തിനനുസൃതമായ ലിംഗവളര്‍ച്ച തനിക്കുണ്ടായാലും ചെറുപ്പകാലത്തു കണ്ട ആ ലിംഗം അവനെ വ്യാമോഹിപ്പിച്ചുകൊണ്ടിരിക്കും. ചില മനഃശാസ്ത്രജ്ഞന്മാര്‍ പുരുഷന്‍ നഗ്നത മറയ്ക്കുവാനുള്ള പ്രധാനകാരണം തന്റെ ചെറിയ ലിംഗം പുറത്തുകാണിക്കുന്നതിലുള്ള മടിയാണെന്നുപോലും വ്യാഖ്യാനിച്ചിട്ടുണ്ട്.

വലിപ്പമേറിയ ലിംഗമുള്ളവര്‍ പോലും തങ്ങളുടെ ലിംഗത്തിന് അല്പം കൂടി നീളമുണ്ടായിരുന്നെങ്കില്‍ എന്ന് ആഗ്രഹിക്കാറുണ്ട്. എന്നാല്‍ സ്വയം തൃപ്തനാകുന്നതിലും സ്ത്രീയെ സംതൃപ്തയാക്കുന്നതിലും ലിംഗത്തിന്റെ വലിപ്പച്ചെറുപ്പങ്ങള്‍ ഒരു മാനദണ്ഡമേയല്ലെന്നതാണു സത്യം. ഒരു പുരുഷന്റെ ശരീരപ്രകൃതിയനുസരിച്ചായിരിക്കും അയാളുടെ ലിംഗത്തിന്റെ വലിപ്പച്ചെറുപ്പങ്ങളെങ്കിലും മെലിഞ്ഞ ശരീരപ്രകൃതിയുള്ളവരില്‍ വലിപ്പം കൂടിയ ലിംഗവും സ്ഥൂലഗാത്രന്മാരില്‍ വലിപ്പം കുറഞ്ഞ ലിംഗവും കാണപ്പെടുന്നത് അപൂര്‍വ്വമല്ല. ഒരാളുടെ ലിംഗത്തിന് എത്ര വലിപ്പം വേണമെന്ന കാര്യത്തില്‍ പ്രത്യേക നിഷ്‌കര്‍ഷകളൊന്നും വയ്ക്കാനാവില്ല. സംഭോഗസുഖത്തെ ലിംഗവലിപ്പം ഒരു വിധത്തിലും ബാധിക്കുന്നില്ല. ഇക്കാര്യത്തില്‍ യാഥാര്‍ത്ഥ്യബോധത്തിലധിഷ്ഠിതമായ ഒരു വീക്ഷണമാണ് പുലര്‍ത്തേണ്ടത്. ആരോഗ്യവാനായ ഒരു പുരുഷന്റെ ലിംഗത്തിന് ശുക്ലത്തെ യോനിയില്‍ നിക്ഷേപിക്കാനാവശ്യമായ ദൈര്‍ഘ്യം വേണമെന്നു പറയാവുന്നതാണ്. യോനിയിലേക്കു കടക്കാന്‍ ആവശ്യമായ നീളമില്ലാത്ത ലിംഗത്തോടുകൂടിയ പുരുഷന്മാര്‍ ഇല്ലെന്നുവേണം പറയുവാന്‍.

ലിംഗദൈര്‍ഘ്യത്തെപ്പറ്റി ലൈംഗികശാസ്ത്രജ്ഞന്‍മാര്‍ വിപുലമായ പഠനങ്ങള്‍ തന്നെ നടത്തിയിട്ടുണ്ട്. ഉദ്ധരിക്കാത്ത അവസ്ഥയില്‍ സാമാന്യം ചെറുതെന്നു തോന്നുന്ന ലിംഗങ്ങള്‍ക്കുപോലും ഉദ്ധ്യതാവസ്ഥയില്‍ വേണ്ടത്ര ദൈര്‍ഘ്യമുണ്ടാകുന്നതായി കാണാം. ആളുകളുടെ മുഖച്ഛായ വ്യത്യസ്തമായിരിക്കുന്നതുപോലെ ലിംഗത്തിന്റെ വലിപ്പവും വ്യത്യസ്തമായിരിക്കും. കുറിയവരായ പലര്‍ക്കും നീളം കൂടിയ ലിംഗം കാണപ്പെടാറുണ്ട്. നീണ്ട് ഒത്ത ശരീരപ്രകൃതമുള്ളവരുടെ ലിംഗം ചെറുതും ക്ഷീണിതവുമായിരുന്നാലും അത്ഭുതപ്പെടേണ്ടതില്ല. ദീര്‍ഘമായ ലിംഗമുള്ള ചിലരിലാകട്ടെ ഉദ്ധ്യതാവസ്ഥയില്‍ അത് ആദ്യമുള്ളതിന്റെ മുക്കാല്‍ഭാഗം കൂടിയോ വലുതാകുന്നുള്ളൂ.
ഉത്ക്കണ്ഠകള്‍ അതിരുകടക്കുന്നത് മാനസികരോഗങ്ങള്‍ക്കുപോലും വഴിയൊരുക്കുന്നു.

പെണ്‍കുട്ടികളെ അപേക്ഷിച്ച് ആണ്‍കുട്ടികളിലാണ് ലൈംഗികാവയവങ്ങളുടെ വലിപ്പത്തെയും പ്രവര്‍ത്തനരീതികളെയും കുറിച്ചുള്ള അമിതോല്‍ക്കണ്ഠ കണ്ടുവരാറുള്ളത്. കൗമാരാരംഭത്തില്‍ കണ്ടുവരുന്ന ശാരീരിക മാറ്റങ്ങളെ വേണ്ടത്ര മനസ്സിലാക്കുവാന്‍ കുമാരികുമാരന്മാരില്‍ പലര്‍ക്കും കഴിയാതെ പോകുന്നു. കൗമാരത്തില്‍ ലിംഗത്തിന്റെ വലിപ്പത്തെയും ശുക്ലവും ആരോഗ്യവുമായുള്ള ബന്ധത്തെയും കുറിച്ചൊക്കെ സന്ദേശങ്ങള്‍ കണ്ടുവരാറുള്ളത് പതിവാണ്. ലിംഗത്തിന്റെ ശരാശരി വലിപ്പത്തെക്കുറിച്ച് അതിശയോക്തിപരമായ പല കഥകളും നമ്മുടെ നാട്ടില്‍ പ്രചരിപ്പിക്കപ്പെട്ടിട്ടുണ്ട്. വലിയ ലിംഗമുള്ളവര്‍ക്ക് ലൈംഗികശക്തി കൂടുതലായിരിക്കുമെന്ന് ചിലരെങ്കിലും ധരിച്ചുവച്ചിട്ടുമുണ്ട്. ശുക്ലം രക്തത്തില്‍ നിന്ന് ഉണ്ടായതായതിനാല്‍ ശുക്ലനഷ്ടം ധാതുക്ഷയത്തിന് ഇടയാക്കുമെന്ന് മറ്റൊരു വിഭാഗം കരുതുന്നു. സ്വയംഭോഗത്തെ ഒരു മഹാപാപമായിക്കരുതി അതില്‍നിന്നുണ്ടാകുന്ന കുറ്റബോധത്തില്‍ മനമുരുകിക്കഴിയുന്ന കുമാരന്മാരും കുറവല്ല. കുമാരിമാരില്‍ ചിലരിലും സ്വയംഭോഗം കുറ്റബോധമുളവാക്കുന്നു. എന്നാല്‍ അവരില്‍ ആര്‍ത്തവത്തെയും ഗര്‍ഭധാരണത്തെയും കുറിച്ചുള്ള അജ്ഞതകളാണ് പ്രബലം.

ഏതായാലും കൗമാരകാലത്തുളവാകുന്ന ലൈംഗിക പ്രശ്‌നങ്ങള്‍ യഥാവസരത്തില്‍ പരിഹരിക്കപ്പെട്ടില്ലെങ്കില്‍ അത് ഭാവിയില്‍ ദാമ്പത്യ ജീവിതത്തെത്തന്നെ പ്രശ്‌നസങ്കീര്‍ണ്ണമാക്കിയേക്കാം. ലിംഗത്തിന്റെ വലിപ്പക്കുറവിനെക്കുറിച്ചുള്ള തെറ്റിദ്ധാരണ മൂലം ലൈംഗികബന്ധ ഭീതി (Intercourse fear) സംഭവിച്ചിട്ടുള്ള കേസുകള്‍ മനശാസ്ത്രജ്ഞന്മാരുടെ ഡയറികളിലും മറ്റും കാണാം.

പുരുഷന്റെ ലൈംഗികാവയവങ്ങള്‍
ലിംഗത്തിന്റെ വലിപ്പത്തെക്കുറിച്ച് കൗമാരാരംഭത്തിലാണ് ഒരാള്‍ ബോധവാനായിത്തീരുന്നത്. മുതിര്‍ന്നവരുടെ ലിംഗം യാദൃശ്ചികമായി കാണാനിടവരുന്ന ഒരു കൗമാരപ്രായക്കാരന്‍ സ്വാഭാവികമായിത്തന്നെ തന്റേതുമായി അതിനെ താരതമ്യപ്പെടുത്തുന്നു. തനിക്കും അതുപോലെ വലിപ്പമുള്ള ഒരു ലിംഗം ഉണ്ടായിരുന്നെങ്കില്‍ എന്ന് അവന്‍ ആഗ്രഹിക്കുന്നു. തന്റെ ലിംഗത്തിന് അല്പം കൂടി വലിപ്പമുണ്ടായിരുന്നെങ്കില്‍ എന്ന് ആഗ്രഹിക്കാത്ത കുമാരന്മാര്‍ വിരളമാകും. പ്രായപൂര്‍ത്തിയാകുന്നതോടെ തന്റെ ശരീരപ്രകൃതത്തിനനുസൃതമായ ലിംഗവളര്‍ച്ച തനിക്കുണ്ടായാലും ചെറുപ്പകാലത്തു കണ്ട ആ ലിംഗം അവനെ വ്യാമോഹിപ്പിച്ചുകൊണ്ടിരിക്കും. ചില മനഃശാസ്ത്രജ്ഞന്മാര്‍ പുരുഷന്‍ നഗ്നത മറയ്ക്കുവാനുള്ള പ്രധാനകാരണം തന്റെ ചെറിയ ലിംഗം പുറത്തുകാണിക്കുന്നതിലുള്ള മടിയാണെന്നുപോലും വ്യാഖ്യാനിച്ചിട്ടുണ്ട്.

വലിപ്പമേറിയ ലിംഗമുള്ളവര്‍ പോലും തങ്ങളുടെ ലിംഗത്തിന് അല്പം കൂടി നീളമുണ്ടായിരുന്നെങ്കില്‍ എന്ന് ആഗ്രഹിക്കാറുണ്ട്. എന്നാല്‍ സ്വയം തൃപ്തനാകുന്നതിലും സ്ത്രീയെ സംതൃപ്തയാക്കുന്നതിലും ലിംഗത്തിന്റെ വലിപ്പച്ചെറുപ്പങ്ങള്‍ ഒരു മാനദണ്ഡമേയല്ലെന്നതാണു സത്യം. ഒരു പുരുഷന്റെ ശരീരപ്രകൃതിയനുസരിച്ചായിരിക്കും അയാളുടെ ലിംഗത്തിന്റെ വലിപ്പച്ചെറുപ്പങ്ങളെങ്കിലും മെലിഞ്ഞ ശരീരപ്രകൃതിയുള്ളവരില്‍ വലിപ്പം കൂടിയ ലിംഗവും സ്ഥൂലഗാത്രന്മാരില്‍ വലിപ്പം കുറഞ്ഞ ലിംഗവും കാണപ്പെടുന്നത് അപൂര്‍വ്വമല്ല. ഒരാളുടെ ലിംഗത്തിന് എത്ര വലിപ്പം വേണമെന്ന കാര്യത്തില്‍ പ്രത്യേക നിഷ്‌കര്‍ഷകളൊന്നും വയ്ക്കാനാവില്ല. സംഭോഗസുഖത്തെ ലിംഗവലിപ്പം ഒരു വിധത്തിലും ബാധിക്കുന്നില്ല. ഇക്കാര്യത്തില്‍ യാഥാര്‍ത്ഥ്യബോധത്തിലധിഷ്ഠിതമായ ഒരു വീക്ഷണമാണ് പുലര്‍ത്തേണ്ടത്. ആരോഗ്യവാനായ ഒരു പുരുഷന്റെ ലിംഗത്തിന് ശുക്ലത്തെ യോനിയില്‍ നിക്ഷേപിക്കാനാവശ്യമായ ദൈര്‍ഘ്യം വേണമെന്നു പറയാവുന്നതാണ്. യോനിയിലേക്കു കടക്കാന്‍ ആവശ്യമായ നീളമില്ലാത്ത ലിംഗത്തോടുകൂടിയ പുരുഷന്മാര്‍ ഇല്ലെന്നുവേണം പറയുവാന്‍.

ലിംഗദൈര്‍ഘ്യത്തെപ്പറ്റി ലൈംഗികശാസ്ത്രജ്ഞന്‍മാര്‍ വിപുലമായ പഠനങ്ങള്‍ തന്നെ നടത്തിയിട്ടുണ്ട്. ഉദ്ധരിക്കാത്ത അവസ്ഥയില്‍ സാമാന്യം ചെറുതെന്നു തോന്നുന്ന ലിംഗങ്ങള്‍ക്കുപോലും ഉദ്ധ്യതാവസ്ഥയില്‍ വേണ്ടത്ര ദൈര്‍ഘ്യമുണ്ടാകുന്നതായി കാണാം. ആളുകളുടെ മുഖച്ഛായ വ്യത്യസ്തമായിരിക്കുന്നതുപോലെ ലിംഗത്തിന്റെ വലിപ്പവും വ്യത്യസ്തമായിരിക്കും. കുറിയവരായ പലര്‍ക്കും നീളം കൂടിയ ലിംഗം കാണപ്പെടാറുണ്ട്. നീണ്ട് ഒത്ത ശരീരപ്രകൃതമുള്ളവരുടെ ലിംഗം ചെറുതും ക്ഷീണിതവുമായിരുന്നാലും അത്ഭുതപ്പെടേണ്ടതില്ല. ദീര്‍ഘമായ ലിംഗമുള്ള ചിലരിലാകട്ടെ ഉദ്ധ്യതാവസ്ഥയില്‍ അത് ആദ്യമുള്ളതിന്റെ മുക്കാല്‍ഭാഗം കൂടിയോ വലുതാകുന്നുള്ളൂ. ഒരാളുടെ ശരീരപുഷ്ടി നോക്കി ലിംഗപുഷ്ടി നിര്‍ണ്ണയിക്കാനാവില്ല. ഉത്തേജിതമല്ലാത്ത ലിംഗത്തിന്റെ വലിപ്പം സാധാരണഗതിയില്‍ 7 സെന്റീമീറ്ററിനും 11 സെന്റിമീറ്ററിനും മധ്യേയായിരിക്കും. ശരാശരി ലിംഗത്തിന്റെ ദൈര്‍ഘ്യം 9.5 സെന്റിമീറ്ററിനു താഴെയായിരിക്കും. ലിംഗത്തിലെ ധമനികളിലേക്കു രക്തപ്രവാഹം കൂടുതലാകുമ്പോള്‍ അതിന്റെ വലിപ്പവും വ്യാസവും വര്‍ദ്ധിക്കുന്നു. ഒരാളുടെ ഉദ്ധൃതലിംഗത്തിന്റെ വലിപ്പം എല്ലായ്‌പോഴും ഒരുപോലെ ആയിരിക്കണമെന്നില്ല. സാധാരണയായി ശരാശരി 16 സെന്റിമീറ്ററായിരിക്കും ഉദ്ധൃതമായ ഒരു ലിംഗത്തിന്റെ വലിപ്പം. എന്നാല്‍ ഇത് ചിലപ്പോള്‍ 14 സെന്റിമീറ്ററോ 18 സെന്റിമീറ്ററോ ആയി വ്യത്യാസപ്പെട്ടെന്നുമിരിക്കാം. വളരെയധികം സങ്കോചവികാസങ്ങള്‍ക്ക് വിധേയമാകുന്ന ഒരവയവമാണ് ലിംഗം. 20 സെന്റീമീറ്റര്‍ നീളമുള്ള ലിംഗം സര്‍വ്വസാധാരണമല്ല. 14 ഇഞ്ചു ദൈര്‍ഘ്യവും മൂന്നിഞ്ചു വ്യാസവുമുള്ള ലിംഗവും റിപ്പോര്‍ട്ടു ചെയ്യപ്പെട്ടിട്ടുണ്ട്.

ചിലരില്‍ അനുദ്ധൃതാവസ്ഥയില്‍പ്പോലും ഉദ്ധ്യതലിംഗത്തിന്റെ വലിപ്പം കണ്ടേക്കാം. എന്നാല്‍ ഉദ്ധൃതാവസ്ഥയില്‍ അനുക്രമമായ വലിപ്പവ്യത്യാസം അവയ്ക്കുണ്ടാകുന്നില്ല. ചെറിയ ലിംഗങ്ങള്‍ക്ക് ഉദ്ധൃതാവസ്ഥയില്‍ ഉണ്ടാകുന്ന വലിപ്പത്തേക്കാള്‍ കുറവാണ് വലിയ ലിംഗങ്ങള്‍ക്ക് ഉദ്ധൃതാവസ്ഥയില്‍ ഉണ്ടാകുന്നത്. അതിനാല്‍ ചെറിയ ലിംഗവും വലിയ ലിംഗവും ഉദ്ധ്യതാവസ്ഥയില്‍ ഏതാണ്ട് തുല്യവലിപ്പം തന്നെ ആര്‍ജിക്കുന്നു. ദൈര്‍ഘ്യമേറിയ ലിംഗമുള്ള ഒരാള്‍ മൈഥുനത്തില്‍ ഒരു വിദഗ്ധനായിക്കൊള്ളണമെന്നില്ല. ചെറിയ ലിംഗമുള്ളവര്‍ ലൈംഗികവേഴ്ചയില്‍ അസമര്‍ത്ഥരാകുന്നുമില്ല.

സ്ത്രീയെ രതസംതൃപ്തയാക്കുവാന്‍ വേണ്ട ചോദനകള്‍ സൃഷ്ടിക്കേണ്ടത് ഭഗശിശ്‌നിക, ഭഗോഷ്ഠങ്ങള്‍ ഇവയിലും അവയോടു ബന്ധപ്പെട്ട ഭാഗങ്ങളിലുമാണ്. യോനീനാളത്തിന്റെ ആന്തരികമായ മൂന്നിലൊന്നു നീളം മാത്രമേ കാര്യമായ ഉദ്ദീപനങ്ങളുടെ വേദിയായിത്തീരുന്നുള്ളൂ. പ്രായപൂര്‍ത്തിയായ ഏതൊരു പുരുഷനും ഇത്രത്തോളം ആഴത്തില്‍ യോനീസംവേശനം നടത്താനുള്ള ലിംഗദൈര്‍ഘ്യം ഉണ്ടായിരിക്കും. സുരതക്രിയയില്‍ ജനനേന്ദ്രിയ വലിപ്പത്തിനല്ല മാനസികവും ശാരീരികവുമായ ഉത്തേജനത്തിനാണ് പ്രഥമസ്ഥാനം.

ലിംഗത്തിന്റെ വലിപ്പക്കുറവിനെ കുറിച്ചുള്ള പരാതികളുമായി ഡോക്ടര്‍മാരെ സമീപിക്കുന്നവരും അതിനു ധൈര്യമില്ലാതെ അതിനെ ചൊല്ലി എരിതീ തിന്നു കഴിയുന്നവരും നിരവധിയുണ്ട്. ലിംഗത്തിന് എട്ടും ഒന്‍പതും ഇഞ്ചു നീളമുള്ളവര്‍പോലും ഇക്കൂട്ടത്തിലുണ്ടെന്നത് അത്ഭുതകരമത്രേ ! പലര്‍ക്കും ലിംഗദൈര്‍ഘ്യക്കുറവായതിനാല്‍ ഇണയെ തൃപ്തിപ്പെടുത്താനാവില്ലെന്നോ സ്വയം തൃപ്തരാകാന്‍ സാധിക്കുകയില്ലെന്നോ അല്ല പരാതി. സുഹൃത്തുക്കളുടേതുമായി താരതമ്യം ചെയ്യുമ്പോള്‍ തങ്ങളുടേതിന് വലിപ്പം തീരെപ്പോരെന്നാണ്. കാര്യം ഒരു ‘പ്രസ്റ്റീജ് ഇഷ്യൂ ‘ ആണെന്നര്‍ത്ഥം!

ലിംഗത്തിന്റെ വലിപ്പം പൗരുഷത്തിന്റെ മാനദണ്ഡമാണെന്ന സങ്കല്‍പ്പത്തിന് മാനവരാശിയോളം തന്നെ പഴക്കമുണ്ട്. നൂറ്റാണ്ടുകളായിത്തന്നെ ലിംഗദൈര്‍ഘ്യവും വ്യത്യാസവും ലൈംഗികോര്‍ജ്ജത്തിന്റെ അളവുകോലായി പരിഗണിച്ചുപോന്നു. അതുപോലെ തന്നെ കൂടുതല്‍ ശുക്ലം സ്ഖലിപ്പിക്കാന്‍ കഴിയുന്നതും എത്ര ദൂരത്തേക്ക് അത് വിക്ഷേപിക്കാം എന്നതുമൊക്കെ ലൈംഗിക ശക്തിയുടെ മാനദണ്ഡമായി കണക്കാക്കപ്പെട്ടിരുന്നു. സ്ഖലിക്കുന്ന ശുക്ലത്തിന്റെ അളവ് ജനിക്കുന്ന കുട്ടിയുടെ പുഷ്ടിയുടെയും ആരോഗ്യത്തിന്റെയും മാനദണ്ഡമായി ഗണിക്കപ്പെട്ടിരുന്നതാണ് ഒരു കാലഘട്ടത്തിലെ ഏറ്റവും വലിയ തെറ്റിദ്ധാരണ. പുരുഷ ബീജങ്ങളെക്കുറിച്ച് നേരത്തേതന്നെ അറിവുണ്ടായിരുന്നെങ്കിലും 1856-ല്‍ ജര്‍മ്മന്‍ ശാസ്ത്രജ്ഞനായ പ്രിംങ്ഷിം (Pringsheim) വെളിപ്പെടുത്തുന്നതുവരെ അതിന്റെ ധര്‍മ്മത്തെക്കുറിച്ച് ശാസ്ത്ര ലോകത്തിന് അറിവില്ലായിരുന്നു. പ്രാചീന ക്ഷേത്രങ്ങളിലെ രതിശില്പങ്ങളില്‍ വലിയ ലിംഗമുള്ള പുരുഷന്മാരെയാണ് ചിത്രീകരിച്ചിരിക്കുന്നത്. ലിംഗവലിപ്പം സുരതസാമര്‍ത്ഥ്യത്തെ സൂചിപ്പിക്കുന്നുവെന്നൊരു തെറ്റിദ്ധാരണ ആധുനിക മനുഷ്യരില്‍ വേരൂന്നുവാന്‍ ഇതൊക്കെയും കാരണമായി.

ലിംഗത്തിന് എട്ടിഞ്ചും ഒന്‍പതിഞ്ചുമൊക്കെ നീളമുണ്ടെന്ന് അവകാശപ്പെടുന്ന ചിലരുണ്ട്. എന്നാല്‍ തെറ്റായി അളവെടുക്കുന്നതാണ് ഇത്തരം ഗീര്‍വാണത്തിനു വഴി ഒരുക്കുന്നത്. ലിംഗത്തിന്റെ നീളം അളക്കേണ്ടത് ഭഗാസ്ഥിയില്‍ (Public bone) നിന്നും ലിംഗാഗ്രം വരെയാണ്. വശങ്ങളില്‍ നിന്നോ കീഴ്ഭാഗത്തുനിന്നോ അളന്നാല്‍ ലിംഗത്തിന് ദൈര്‍ഘ്യം കൂടുതല്‍ കാണും. അതിനാല്‍ ലിംഗത്തിന്റെ മുകള്‍വശം വേണം അളക്കുവാന്‍. അതുപോലെ തന്നെ ലിംഗത്തിന്റെ വണ്ണം അളക്കുന്നത് ലിംഗശീര്‍ഷത്തിന് ഒരിഞ്ചു പിന്നിലായി ലിംഗതനുവിനു ചുറ്റുമാകണം.

രതിവിജ്ഞാനം : പുരുഷന്റെ ലൈംഗികാവയവങ്ങള്‍

 പുരുഷന്റെ ലൈംഗികാവയവങ്ങള്‍

ലൈംഗികജീവിതത്തിലേക്കു കടക്കുന്ന ഏതൊരു പുരുഷനും തന്റെ ലൈംഗികാവയവങ്ങളുടെ ഘടനയേയും പ്രവര്‍ത്തനരീതികളെയും കുറിച്ച് സാമാന്യജ്ഞാനം ഉണ്ടായിരിക്കേണ്ടതാണ്.

ബാഹ്യദൃഷ്ടിയില്‍, ലിംഗവും (Penis) രണ്ടു വൃഷണങ്ങളും (Testis)അടങ്ങിയതാണ് പുരുഷന്റെ ജനനേന്ദ്രിയം. വൃഷ്ണസഞ്ചിയിലാണ് (Scrotum) വൃഷ്ണങ്ങള്‍ സ്ഥിതിചെയ്യുന്നത്. സ്‌പോഞ്ചുപോലുള്ള കോശങ്ങളാല്‍ നിര്‍മ്മിതമാണ് ലിംഗം. ലൈംഗികോത്തേജനമുണ്ടാകുമ്പോള്‍ ലിംഗത്തിലേക്ക് രക്തം ഇരച്ചുകയറി ഈ കോശങ്ങള്‍ നിറയുന്നു. അതോടെ ലിംഗം ഉദ്ധരിക്കപ്പെടുന്നു. ശാരീരികവും മാനസികവുമായ നിരവധി പ്രതികരണങ്ങള്‍ ലിംഗോദ്ധാരണ സമയത്ത് സംഭവിക്കുന്നു. മസ്തിഷ്‌കത്തില്‍ പല രാസപദാര്‍ത്ഥങ്ങളും ശരീരത്തില്‍ ഹോര്‍മോണുകളും ഉല്പാദിപ്പിക്കപ്പെടുന്നു. ഉല്പാദിപ്പിക്കപ്പെടുന്നത്. ഓരോ വൃഷണത്തിന്റെയും മുകളില്‍ പിന്‍പുറത്തായി ചുരുണ്ടു കിടക്കുന്ന അധിവൃഷണനാളിയിലാണ് (Epididymus) ബീജങ്ങള്‍ ശേഖരിക്കപ്പെടുന്നത്. ഇതില്‍ ശേഖരിക്കപ്പെടുന്ന ബീജങ്ങള്‍ 70 ദീവസം വരെ കേടുകൂടാതെ നിലനില്‍ക്കുന്നു. അധിവൃഷണനാളിയില്‍ നിന്ന് വേസ്‌ഡെഫറന്‍സ് (Vasdeferens) എന്ന മറ്റൊരു നാളത്തിലൂടെ ബീജങ്ങള്‍ മൂത്രാശയത്തിന്റെ (Bladder) പിന്‍പുറം വഴി പൗരുഷഗ്രന്ഥിയിലേക്ക് (Prostate gland) പ്രവേശിച്ച് മൂത്രനാളത്തില്‍ (Urethra) നിക്ഷേപിക്കപ്പെടുന്നു. അങ്ങനെ അധിവൃഷണനാളിയും മൂത്രനാളവും ബീജങ്ങളുടെ വാസസ്ഥലങ്ങളായി തീരുന്നു. 10 ഇഞ്ചോളം നീളം വരുന്ന മൂത്രനാളത്തിലൂടെയാണ് ശുക്ലവും മൂത്രവും ലിംഗാഗ്രംവരെയെത്തുന്നത്. മൂത്രാശയത്തിന്റെ കവാടമടയുമ്പോള്‍ ശുക്ലവും കവാടം തുറക്കുമ്പോള്‍ മൂത്രവും പുറത്തുവരുന്നു. മൂത്രനാളം മൂത്രാശയവുമായി ചേരുന്നിടത്താണ് പൗരുഷഗ്രന്ഥി സ്ഥിതി ചെയ്യുന്നത്.

മൂത്രാശയത്തില്‍നിന്ന് മൂത്രത്തെ ലിംഗത്തിലെത്തിക്കുക, ബീജങ്ങളടങ്ങിയ ശുക്ലത്തെ ലിംഗാഗ്രത്തിലേക്കു നയിക്കുക എന്നിങ്ങനെ രണ്ടുധര്‍മ്മങ്ങളാണ് മൂത്രനാളം നിര്‍വ്വഹിക്കുന്നത്. സംഭോഗത്തിനിടയില്‍ മൂത്രാശയത്തില്‍ നിന്ന് മൂത്രം വരുന്ന കവാടം സ്വയം അടഞ്ഞു പോകുന്നു.

പ്രോസ്റ്റേറ്റ് ഗ്രന്ഥി ഉല്‍പ്പാദിപ്പിക്കുന്ന ശുക്ലം എന്ന ദ്രവവസ്തുവാണ് ബീജങ്ങള്‍ക്ക് ചലനാത്മകത നല്‍കി അതിനെ സംരക്ഷിക്കുന്നത്. പ്രോസ്റ്റേറ്റ് ഗ്രന്ഥിക്ക് ഇരുവശത്തുമായി ശുക്ലവസ്തിനി (Seminal Vesicle) സ്ഥിതി ചെയ്യുന്നു. ലൈംഗികാഭിനിവേശം ഉളവാകുമ്പോള്‍ അവയില്‍ നിന്ന് അല്പം മഞച്ചു കൊഴുത്ത ഒരു ദ്രാവകം പ്രസരിക്കുന്നു.

പൗരുഷഗ്രന്ഥിക്കു താഴെയായി സ്ഥിതിചെയ്യുന്ന കന്ദ-മൂത്രപഥ ഗ്രന്ഥികള്‍ (Cowpers gland), ലിറ്റേഴ്‌സ് ഗ്രന്ഥികള്‍ (Litters gland) എന്നിവ ലൈംഗികകേളിക്കിടയില്‍ ലിംഗത്തിന് വഴുവഴുപ്പുണ്ടാക്കാന്‍ സഹായിക്കുന്ന ദ്രവങ്ങള്‍ സ്രവിപ്പിക്കുന്നു. ഈ സ്രവങ്ങള്‍ മൂത്രത്തിന്റെ അമ്ലത്വത്തെ (Acidity) നിയന്ത്രിക്കുകയും ബീജങ്ങളെ സംരക്ഷിക്കുകയും ചെയ്യുന്നു.

പുരുഷന്റെ ഉല്പാദനാവയവങ്ങളുടെ ഒരേകദേശ വിവരണമാണ് മുകളില്‍ നല്‍കിയിരിക്കുന്നത്. ലൈംഗികാവയവങ്ങളില്‍ പലതിന്റെയും ഇംഗ്ലീഷ് നാമം ഉപയോഗിക്കുന്നതാണ് ഉചിതമെങ്കിലും മലയാളനാമം കൂടി മനസ്സിലാക്കുന്നതിനാണ് അവയും നല്‍കിയിരിക്കുന്നത്. ഇനി പുരുഷന്റെ ലൈംഗികാവയവങ്ങളുടെ ഘടന വെവ്വേറെ നമുക്ക് പരിശോധിക്കാം.

ലിംഗം (ശിശ്‌നം - Penis)
പുരുഷന്റെ ഏറ്റവും പ്രധാനപ്പെട്ട ലൈംഗികാവയവമാണ് ലിംഗം. സുരതക്രിയയില്‍ ഏര്‍പ്പെടുന്ന ഒരു പുരുഷന്‍ തന്റെ ലിംഗത്തിലൂടെയാണ് ലൈംഗികാസ്വാദനവും സംതൃപ്തിയും നിറവേറ്റപ്പെടുന്നത്. പുരുഷന്റെ ശാരീരികാവയവങ്ങളിലെ തന്നെ പ്രഥമഗണനീയവും സങ്കീര്‍ണ്ണവുമായ ഒരവയവമാണ് ഇതെന്നു പറയാം. അതുകൊണ്ടുതന്നെ പ്രായപൂര്‍ത്തിയായ ഒരു പുരുഷന്‍ തന്റെ ശാരീരികാവയവങ്ങളില്‍ മഹനീയമായ ഒന്നായി ലിംഗത്തെ വീക്ഷിക്കുന്നു.

രണ്ട് പ്രധാനധര്‍മ്മങ്ങളാണ് ലിംഗം നിര്‍വ്വഹിക്കുന്നത്. പുരുഷന്റെ സംഭോഗാവയവമാണത്. (Copulatory organ) മൂത്രവിസര്‍ജ്ജനത്തിനുള്ള അവയവും പുരുഷനില്‍ ലിംഗമാണ്. ലിംഗത്തില്‍ ഉളവാകുന്ന ഉദ്ദീപനങ്ങളാണ് പുരുഷനെ ലൈംഗികാവേശത്തിലേക്കു നയിക്കുന്നത്. മൈഥുനാസക്തി ഉളവാകുമ്പോള്‍ ഉത്തേജിതമാകുന്ന അവയവും ലിംഗം തന്നെ. അംഗനയെ രസസമ്പൂര്‍ത്തിയിലേക്കു നയിക്കുവാനായി അവളുടെ ഉപസ്ഥത്തില്‍ ഏറ്റവുമധികം ഉദ്ദീപനങ്ങള്‍ ഉളവാക്കുന്നതും ലിംഗമാണ്. ലിംഗത്തെ ബാഹ്യലൈംഗിക അവയവമായാണ് പരിഗണിക്കുന്നതെങ്കിലും അതിന്റെ ഒരു ഭാഗം ശരീരത്തിനുള്ളിലും സ്ഥിതിചെയ്യുന്നുണ്ട്. സന്താനോല്‍പ്പാദനത്തിനായി ബീജത്തെ യോനിയുടെ ആഴങ്ങളില്‍ നിക്ഷേപിക്കുവാനും ലിംഗം സഹായിക്കുന്നു.

മൂന്നു ഭാഗങ്ങള്‍ ചേര്‍ന്നതാണ് ലിംഗം. ലിംഗശീര്‍ഷം (ശിശ്‌നമണി-Glans of the penis), ലിംഗതനു (ശിശ്‌നദണ്ഡം-(Shaft of the penis), ലിംഗമൂലം (Root of the penis) എന്നിവയാണവ. ഉദ്ധാരകകലകളാല്‍ നിര്‍മ്മിക്കപ്പെട്ടവയാണ് ഇവ മൂന്നും. മൂന്നു പാളികളായാണ് ലിംഗത്തിലെ ഉദ്ധാരകകലാകോശങ്ങള്‍ ഇതില്‍ രണ്ടു പാളികള്‍ ലിംഗത്തിന്റെ ഇരുവശങ്ങളിലായും ഒന്ന് മധ്യഭാഗത്ത് ചുവട്ടിലായും കാണപ്പെടുന്നു. വശങ്ങളിലുള്ള ഉദ്ധാരകകോശ വ്യൂഹത്തെ കോര്‍പ്പൊറാ കാവര്‍ണോസ (Corpora Cavernosa) എന്നും മധ്യത്തില്‍ താഴെയുള്ള ഉദ്ധാരകകോശങ്ങളുടെ പാളിയെ കോര്‍പ്പസ് സ്‌പോന്‍ജിയോസം (Corpus Spongiosum) എന്നും വിളിക്കുന്നു. ലിംഗമൂലത്തില്‍ നിന്ന് ആരംഭിക്കുന്ന ഈ മൂന്നു പാളികളും ശിശ്‌നദണ്ഡത്തില്‍ ഉടനീളം വ്യാപിച്ചു കിടക്കുന്നുണ്ട്. കോര്‍പ്പസ് സ്‌പോണ്‍ജിയോസം ശിശനദണ്ഡും കഴിഞ്ഞ് ശിശ്‌നമണിയുടെ നിര്‍മ്മിതിയിലും ഉള്‍ച്ചേര്‍ന്നിട്ടുണ്ട്. ഈ കോശവ്യഹത്തിന്റെ മധ്യത്തിലൂടെ സഞ്ചരിച്ചാണ് മൂത്രനാളി ലിംഗാഗ്രത്തില്‍ തുറക്കുന്നത്.

ലിംഗമൂലം ശരീരത്തിനുള്ളിലാണ് സ്ഥിതിചെയ്യുന്നത്. ശിശ്‌നമണിയും ശിശ്‌നദണ്ഡവും പുറമേ കാണാം. ലിംഗമെന്നു സാധാരണയായി പറയുന്നത് ഈ ബാഹ്യഭാഗങ്ങളെയാണെങ്കിലും ശരീരശാസ്ത്രപരമായി ലിംഗമൂലം കൂടി ചേര്‍ന്നതാണ് പൂര്‍ണ്ണരൂപത്തിലുള്ള ലിംഗം. ശിശ്‌നമണിയും ശിശ്‌നദണ്ഡവും ചര്‍മ്മത്താല്‍ ആവൃതമാണ്. അയഞ്ഞ രീതിയിലുള്ളതാണ് ലിംഗത്തിന്റെ അഗ്രചര്‍മ്മം. ഇലാസ്തികതയും നേര്‍മ്മയേറിയതുമാണിത്. ശിശ്‌നമണിയെ പൊതിയുന്ന ചര്‍മ്മം ഇരട്ടപ്പാളിയുള്ളതാണ്. ശിശ്‌നദണ്ഡവും ശിശ്‌നമണിയുമായി ചേരുന്നിടത്തുവച്ചാണ് ഇത് രണ്ടായി വേര്‍പിരിയുന്നത്. ശിശ്‌നമണിയെ പൊതിയുന്ന ചര്‍മ്മത്തെ അഗ്രചര്‍മ്മം എന്നു വിളിക്കുന്നു. സുന്നത്ത് അനുഷ്ഠിക്കുന്നവര്‍ ഈ അഗ്രചര്‍മ്മത്തെയാണ് മുറിച്ചുമാറ്റുന്നത്.

ഇതര അവയവങ്ങളെ അപേക്ഷിച്ച് ലിംഗം കൂടുതല്‍ സംവേദനാത്മകമാണ്. ലിംഗത്തെ ആവരണം ചെയ്തിരിക്കുന്ന ചര്‍മ്മത്തില്‍ സ്പര്‍ശനവേദികളായ ഒട്ടനേകം നാഡികള്‍ സന്ധിക്കുന്നതിനാലാണിത്. ശിശ്‌നമണിക്കാണ് സംവേദനാത്മക കൂടുതല്‍.

ഉപസ്ഥഭാഗത്ത് വൃഷണസഞ്ചിക്കു മുന്നിലായി തളര്‍ന്നുകിടക്കുന്ന രീതിയിലാണ് ലിംഗത്തിന്റെ സ്വാഭാവികനില. ശിശ്‌നമണിയെ പൂര്‍ണ്ണമായും മറയ്ക്കുന്ന രീതിയിലായിരിക്കും അഗ്രചര്‍മ്മം. എന്നാല്‍ ലൈംഗികോദ്ദീപനം ആരംഭിക്കുന്നതോടെ ലിംഗത്തിന്റെ വലിപ്പവും ദൃഢതയും വര്‍ദ്ധിച്ചുവരുന്നു. ഉദ്ധ്യതമായ ലിംഗം അല്പം മുകളിലേക്ക് ഉയരുന്നു. ലിംഗത്തിന് വളവുണ്ടെങ്കില്‍ അത് വളഞ്ഞ നിലയില്‍ ഉദ്ധ്യതമാകുന്നു ഉദ്ധാരണമുണ്ടാകുന്നതോടെ അഗ്രചര്‍മ്മം പിന്നോട്ടു വലിയുകയും ശിശ്‌നമണി ദൃഢമാകുകയും ചെയ്യുന്നു. ശിശ്‌നമണി പൂര്‍ണ്ണമായും ദൃഢമായില്ലെങ്കില്‍ ഇലാസ്തികമായ ലിംഗചര്‍മ്മത്തെ വിരല്‍കൊണ്ട് പിന്‍പോട്ട് വലിക്കുന്ന പക്ഷം അത് വ്യക്തമാകുന്നതാണ്. ലിംഗത്തിലെ സ്‌പോഞ്ചുപോലുള്ള ഉദ്ധാരണകലകളാണ് ഉദ്ധാരണം സാധ്യമാക്കുന്നത്.

ശിശ്‌നമണി (ലിംഗശീര്‍ഷം - Glans of the penis)
ലിംഗമൂലവും ശിശ്‌നദണ്ഡവും നിര്‍മ്മിക്കപ്പെട്ടിരിക്കുന്ന കോര്‍പ്പസ് സ്‌പോന്‍ജിയോസം ശിശ്‌നദണ്ഡിന്റെ അഗ്രഭാഗത്തായി കോണാകൃതിയിലുള്ള ഒരു പിണ്ഡമായിത്തീരുന്നു. ഇതാണ് ലിംഗശീര്‍ഷം അഥവാ ശിശ്‌നമണി. ലിംഗദണ്ഡിനെയും ലിംഗശീര്‍ഷത്തെയും വേര്‍തിരിക്കുന്ന ചാലുപോലുള്ള ഒരു പന്ഥാവ് ലിംഗത്തെ ചുറ്റി കാണപ്പെടുന്നുണ്ട്. മകുടപരിഖ (Coronal Sulcus) എന്നാണിതിനു പേര്. അഗ്രചര്‍മ്മഗ്രന്ഥികള്‍ (Preputial glands) എന്നു വിളിക്കുന്ന ഒട്ടനവധി ചെറുഗ്രന്ഥികള്‍ ഉള്‍ച്ചേര്‍ന്നതാണ് മകുടപരിഖ. അഗ്രചര്‍മ്മഗ്രന്ഥികള്‍ രോഗാണുനാശന ശക്തിയുള്ള അഗ്രചര്‍മ്മസ്രാവം (Smegma) എന്നറിയപ്പെടുന്ന ഒരു ദ്രവം സ്രവിപ്പിക്കുന്നുണ്ട്. ഒരു പ്രത്യേകഗന്ധമുള്ളതാണിത്. എന്നാല്‍ ലിംഗശീര്‍ഷം ഇടയ്ക്കിടയ്ക്ക് വൃത്തിയാക്കിയില്ലെങ്കില്‍ അവിടെ ഈ ദ്രാവകം അടിഞ്ഞുകൂടി ചൊറിച്ചിലും മറ്റും ഉണ്ടാകാനിടയുണ്ട്. മകുടപരിഖയുടെ പശ്ചിമഭാഗത്ത് കോര്‍പ്പൊറാ കാവര്‍ണോസ അവസാനിക്കുന്നു.

അഗ്രചര്‍മ്മത്തിന്റെ ഉള്ളിലെ പാളി ശ്ലേഷ്മസ്തരമാണ്. ഈ സ്തരത്തിന്റെ തുടര്‍ച്ചയായാണ് ശിശ്‌നമണിയെ മൂടുന്ന ചര്‍മ്മം രൂപം കൊണ്ടിരിക്കുന്നത്. ശിശ്‌നമണിയുടെ ചര്‍മ്മം കീഴ്ഭാഗത്ത് മടക്കി തയ്ച്ച രീതിയിലാണ് അഗ്രചര്‍മ്മവുമായി സംയോജിക്കുന്നത്. ഇതിനെ അഗ്രചര്‍മ്മ സീവനി (Frenum of prepuce) എന്നു വിളിക്കുന്നു. മകുടപരിഖയ്ക്കു തൊട്ടു മുന്നിലായി ലിംഗശീര്‍ഷം അല്പം പിന്‍പോട്ട് ഉന്തിനില്‍ക്കുന്നുണ്ട്. മകുടം (Coronal ridge) എന്നാണതിനു പേര്.

വൃഷണസഞ്ചി (വൃഷണകോശം - Scrotum)
പുറമേയ്ക്കു കാണപ്പെടുന്ന മറ്റൊരു പുരുഷ ഉല്‍പ്പാദനാവയവമാണ് വൃഷണസഞ്ചി അഥവാ വൃഷണകോശം. ലിംഗത്തിനടിയില്‍ ലിംഗമൂലവുമായി ബന്ധപ്പെട്ടാണ് വൃഷണസഞ്ചി സ്ഥിതിചെയ്യുന്നത്. വൃഷണസഞ്ചിയിലാണ് വൃഷണങ്ങള്‍ സ്ഥിതിചെയ്യുന്നത്. നേര്‍ത്ത മാംസപേശികളാല്‍ ആവരണം ചെയ്യപ്പെട്ടിരിക്കുന്ന ഒരു ചര്‍മ്മസഞ്ചിയാണ് വൃഷണകോശം. മടക്കുകളുള്ള ഘനമാര്‍ന്ന ചര്‍മ്മത്താല്‍ ഇത് ബാഹ്യമായി പൊതിഞ്ഞിരിക്കുന്നു. ഇടതും വലതും രണ്ടറകളായി തിരിക്കപ്പെട്ടിരിക്കുന്ന വൃഷണസഞ്ചിയുടെ ഉള്‍ഭാഗത്ത് ഓരോ സഞ്ചിയിലുമായി വൃഷണം സ്ഥിതി ചെയ്യുന്നു. സങ്കോചവികാസക്ഷമതയാര്‍ന്നതാണ് വൃഷണസഞ്ചി. ഉദാഹരണമായി ശൈത്യകാലത്ത് വൃഷണസഞ്ചി സങ്കോചിക്കുകയും ഉപസ്ഥഭാഗത്തേയ്ക്ക് കൂടുതല്‍ അടുക്കുകയും ചെയ്യുന്നു. ഗ്രീഷ്മത്തില്‍ വൃഷണസഞ്ചി അയഞ്ഞ് വൃഷണങ്ങള്‍ താഴ്ന്നിറങ്ങുന്നു. വൃഷണങ്ങള്‍ താങ്ങേണ്ടിവരുന്ന ഊഷ്മാവ് ക്രമീകരിക്കുന്നതിനാണ് പ്രകൃതിയുടെ ഈ സംവിധാനരീതി.

വൃഷണങ്ങള്‍ (Testes)
പുരുഷബീജങ്ങളും പുരുഷാന്തര്‍സ്രാവങ്ങളായ (Male hormone) ടെസ്റ്റോസ്റ്റീറോണും ഉല്‍പ്പാദിപ്പിക്കുന്ന അണ്ഡാകൃതിയാര്‍ന്ന ഒരവയവമാണിത്. അഞ്ചു സെന്റിമീറ്റര്‍ വരെ ദൈര്‍ഘ്യവും രണ്ടര സെന്റിമീറ്റര്‍ ഘനവുമുണ്ട് ഓരോ വൃഷണത്തിനും. വൃഷണത്തിന്റെ വശങ്ങള്‍ അല്പം പരന്നിരിക്കും. സാധാരണയായി ഇടത്തേ വൃഷണംവലത്തേതിനേക്കാള്‍ അല്പം താഴ്ന്നു കിടക്കുന്നു. വൃഷണത്തിന്റെ വലിപ്പത്തില്‍ വ്യക്തിഗതമായ വ്യത്യാസങ്ങള്‍ കണ്ടേക്കാം.

വലപോലുള്ള രണ്ട് ആവരണങ്ങളാല്‍ പൊതിയപ്പെട്ടാണ് വൃഷണങ്ങള്‍ കിടക്കുന്നത്. ഇവയെ വൃഷണ കഞ്ചുകങ്ങള്‍ എന്നു വിളിക്കുന്നു. ബാഹ്യകഞ്ചുകവും (Tunica Vaginalis Propia) ആന്തരകഞ്ചുകവും (Tunica Vaginalis Internus) അടങ്ങുന്നതാണ് വൃഷണ കഞ്ചുകങ്ങള്‍. ആന്തരകഞ്ചുകത്തിനുള്ളില്‍ മറ്റൊരു തന്തുകലയും വൃഷണങ്ങളെ ആവരണം ചെയ്യുന്നുണ്ട്. ഈ ആവരണങ്ങള്‍ വൃഷണ മധ്യത്തിലേക്ക് വ്യാപിച്ച് ഓരോ വൃഷണത്തെയും 250-ഓളം അറകളായി തിരിക്കുന്നു. ഈ അറകളില്‍ ഓരോന്നിലും കാണുന്ന രണ്ടുമുതല്‍ നാലുവരെ എണ്ണം വരുന്ന, കെട്ടുപിണഞ്ഞ നേര്‍ത്ത കുഴലുകളാണ് പുരുഷബീജങ്ങള്‍ ഉല്പാദിപ്പിക്കുന്നത്. അവയെ ബീജ ജനനികള്‍ (Seminiferous tubules) എന്നുവിളിക്കുന്നു. വൃഷണത്തിന്റെ മുകള്‍ഭാഗത്ത് കാണുന്ന വൃഷണപുച്ഛത്തിന് (Appendix testis) പ്രത്യേക ധര്‍മ്മമൊന്നും നിര്‍വ്വഹിക്കാനില്ല.

ബീജജനനികള്‍ കെട്ടുപിണഞ്ഞുകിടക്കുന്ന അധിവൃഷണനാളിയിലേക്കു തുറക്കുന്നു (Epididymis) . അര്‍ദ്ധവിരാമചിഹ്നത്തിന്റെ ആകൃതിയില്‍ വൃഷണത്തിനു മുകളിലായി പറ്റിപ്പിടിച്ചിരിക്കുന്ന ഒരു നാളിയാണിത്. ഇതിനു ശീര്‍ഷം, പുച്ഛം, ശരീരം എന്നിങ്ങനെ മൂന്നു ഭാഗങ്ങളുണ്ട്. ഇവ നിവര്‍ത്തിനോക്കിയാല്‍ 20 അടിയോളം നീളം വരുമത്രേ. വൃഷണങ്ങള്‍ ഉല്‍പ്പാദിപ്പിക്കുന്ന ബീജങ്ങള്‍ അപ്പോള്‍ത്തന്നെ അധിവൃഷണനാളിയിലെത്തിച്ചേരുന്നു. ഒരാഴ്ചക്കാലം അവിടെ കഴിച്ചുകൂട്ടുന്നതോടെ ബീജങ്ങളുടെ വളര്‍ച്ച പൂര്‍ത്തിയാകുന്നു.

അധിവൃഷണനാളിയുടെ വാലറ്റം ബീജനാളിയായി മാറുന്നു. തുടര്‍ന്ന് ഇത് ശ്രോണീഗുഹയില്‍ കടന്ന് മൂത്രാശയത്തിനു മുകളിലൂടെ നീങ്ങി പ്രോസ്റ്റേറ്റ് ഗ്രന്ഥിയില്‍ എത്തിച്ചേരുന്നു. ബീജനാളി നാഡികളുമായും രക്തക്കുഴലുകളുമായും ചേര്‍ന്ന് ഒരൊറ്റക്കുഴലെന്ന പോലെയാണ് ശ്രോണീ ഗുഹയിലേക്കു പോകുന്നത്. ഒന്നായി പൊതിയപ്പെട്ട ഈ കുഴലിനെ ബീജവാഹിനി (Spermatic cord) എന്നുവിളിക്കുന്നു.

ബീജനാളി പ്രോസ്റ്റേറ്റ് ഗ്രന്ഥിയിലെത്തിച്ചേരുന്നതിനു മുന്‍പ് ശുക്ലപുടികയുമായി സംയോജിക്കുന്നുണ്ട്. തുടര്‍ന്ന് ഈ നാളികള്‍ മധ്യത്തു യോജിച്ച് സ്ഖലനനാളിയായി (Ejaculatory duct) മാറുന്നു. പ്രോസ്റ്റേറ്റ് ഗ്രന്ഥിയിലൂടെ കടന്നുപോകുന്ന ഈ സ്ഖലനനാളി അതിലൂടെ കടന്നുപോകുന്ന മൂത്രനാളിയുമായി ചേരുന്നു. മൂത്രനാളി ശിശ്‌നദണ്ഡത്തിലെ കോര്‍പ്പസ് സ്‌പോന്‍ജിയോസത്തിന്റെ മധ്യത്തിലൂടെ സഞ്ചരിച്ച് ലിംഗാഗ്രത്തില്‍ പുറത്തേക്കു തുറക്കുന്നു.

ശുക്ലപുടിക (Seminal Vesicle)
സഞ്ചിയോടു സമാനമായ, കൃത്യമായ ഒരാകൃതിയില്ലാത്ത അവയവങ്ങളാണ് ശുക്ലപുടികകള്‍. ഓരോ വശത്തും ഓരോ ശുക്ലപുടികയുണ്ട്. അഞ്ചു സെന്റിമീറ്ററോളം നീളം വരുന്ന ഇവ മൂത്രാശയത്തിനു (Urinary Bladder) താഴെയായി ബീജനാളിയുമായി പറ്റിച്ചേര്‍ന്നുകിടക്കുന്നു. ശുക്ലത്തിന്റെ അളവും കൊഴുപ്പും വര്‍ദ്ധിപ്പിക്കാനുതകുന്ന ഒരു ദ്രാവകം ശുക്ലപുടികകള്‍ പുറപ്പെടുവിക്കുന്നു. ഈ ദ്രാവകത്തില്‍ ധാരാളമായി അടങ്ങിയിരിക്കുന്ന ഫ്രക്‌ടോസ് (Fructose) എന്ന ഒരിനം പഞ്ചസാര ബീജങ്ങള്‍ക്ക് ആവശ്യമായ ഊര്‍ജ്ജം പ്രദാനം ചെയ്യുന്നു.പ്രോസ്റ്റേറ്റ് ഗ്രന്ഥി ( പൗരുഷഗ്രന്ഥി - Prostate Gland)
ശുക്ലസ്ഖലനത്തില്‍ നിര്‍ണ്ണായക പങ്കുവഹിക്കുന്ന പ്രോസ്റ്റേറ്റ് ഗ്രന്ഥി അതുകൊണ്ടു തന്നെ പുരുഷന്റെ ലൈംഗികാവയവങ്ങളില്‍ പ്രധാനപ്പെട്ടതത്രേ. മൂത്രവസ്തിക്കു തൊട്ടുതാഴെ, മലാശയത്തിനു മുന്നിലായാണ് ഈ ഗ്രന്ഥി സ്ഥിതിചെയ്യുന്നത്. മൂത്രനാളി ഈ ഗ്രന്ഥിയിലൂടെയാണ് കടന്നുപോകുന്നത്. പാലുപോലെ നേര്‍ത്ത ക്ഷാരഗുണമുള്ള ഒരു സ്രാവം ഈ ഗ്രന്ഥി ഉല്പാദിപ്പിക്കുന്നുണ്ട്. സ്ഖലനസമയത്ത് ഈ ഗ്രന്ഥി സങ്കോചിക്കുകയും ഈ സ്രാവം ശുക്ലത്തില്‍ കലരുകയും ചെയ്യുന്നു. ഈ സ്രാവം യോനിയില്‍ കണ്ടേക്കാവുന്ന അമ്ലത നശിപ്പിക്കുകയും ബീജങ്ങളും അണ്ഡവുമായി സംയോജിക്കുവാനുള്ള സാധ്യത വര്‍ദ്ധിപ്പിക്കുകയും ചെയ്യുന്നു. സ്ഖലനാനന്തരം ശുക്ലത്തെ കൂടുതല്‍ ദ്രാവകരൂപത്തിലാക്കുവാനുതകുന്ന ഘടകങ്ങള്‍ അടങ്ങിയതാണീ ദ്രാവകം.

പ്രത്യുല്പാദനാവയവങ്ങളില്‍ പ്രധാന സ്ഥാനം വഹിക്കുന്നതിനാല്‍ ശാരീരികവും ലൈംഗികവുമായ ആരോഗ്യത്തില്‍ പ്രോസ്റ്റേറ്റ് ഗ്രന്ഥി നിര്‍ണ്ണായകമായ പങ്കുവഹിക്കുന്നുണ്ട്. പ്രോസ്റ്റേറ്റ് ഗ്രന്ഥിയുടെ വീക്കം (Prostatitis) മധ്യവയസ്‌കരായ പുരുഷന്മാരില്‍ കാണപ്പെടുന്ന ഒരു പ്രതിഭാസമാണ്.

പ്രോസ്റ്റേറ്റ് ഗ്രന്ഥിക്കുണ്ടാകുന്ന അണുബാധയും മറ്റും മൂത്രതടസ്സത്തിനു കാരണമാകാറുണ്ട്. പ്രോസ്റ്റേറ്റ് ഗ്രന്ഥിയുടെ വീക്കം ലൈംഗിക ബലഹീനതയ്ക്കും വഴിയൊരുക്കുന്നു. ഇതുമൂലം മലബന്ധവുമുണ്ടാകാം. പ്രോസ്റ്റാറ്റെക്‌റ്റൊമി (Prostatectomy) എന്നറിയപ്പെടുന്ന ശസ്ത്രക്രിയയിലൂടെ രോഗബാധിതമായ പ്രോസ്റ്റേറ്റ് ഗ്രന്ഥി നീക്കം ചെയ്യാറുണ്ട്.

മൂത്രനാളി (Urethra)
വസ്തി മുതല്‍ ലിംഗാഗ്രം വരെ നീണ്ടുകിടക്കുന്ന കുഴലാണ് മൂത്രനാളി. മൂത്രവിസര്‍ജ്ജനമാണ് ഇതിന്റെ പ്രധാന ധര്‍മ്മം. എന്നാല്‍ പുരുഷന്മാരില്‍ ഇത് പ്രത്യുല്‍പ്പാദന ധര്‍മ്മം കൂടി നിര്‍വ്വഹിക്കുന്നു. ബീജനാളി പ്രോസ്റ്റേറ്റ് ഗ്രന്ഥിയിലേക്ക് പ്രവേശിക്കുന്നതോടെ സ്ഖലനനാളിയായി മാറുകയും അത് മൂത്രനാളിയിലേക്ക് അവിടെവച്ചു തന്നെ തുറക്കുകയും ചെയ്യുന്നതായി മുന്‍പ് സൂചിപ്പിച്ചുവല്ലോ. അങ്ങനെ ശുക്ലത്തിന്റെ ഗതി മൂത്രനാളിയിലൂടെ ആയിത്തീരുന്നു.

ലിംഗമൂലഗ്രന്ഥികള്‍ (Cowper’s gland)
ലിംഗമൂലത്തിനു സമീപം സ്ഥിതിചെയ്യുന്ന ചെറുഗ്രന്ഥികളാണിവ. രണ്ടുവശത്തായി സ്ഥിതിചെയ്യുന്ന ഇവയുടെ കുഴലുകള്‍ മൂത്രനാളത്തിലേക്ക് തുറക്കുന്നു. ഒരുതരം സ്രാവം ഇവ ഉല്പാദിപ്പിക്കുന്നുണ്ട്. മൂത്രത്തിന് അമ്ലഗുണമുള്ളതിനാല്‍ മൂത്രനാളിയില്‍ അമ്ലഗുണമുണ്ടായിരിക്കും. ഈ അമ്ലത പുരുഷബീജങ്ങളെ നശിപ്പിക്കുന്നു. മൂത്രനാളിയിലെ അമ്ലത ഇല്ലാതാക്കി ബീജത്തെ സംരക്ഷിക്കുവാന്‍ ലിംഗമൂലഗ്രന്ഥികളുടെ സ്രാവം സഹായിക്കുന്നു. ലിംഗം ഉദ്ധരിക്കുന്നതോടെ ഈ സ്രാവം മൂത്രനാളത്തിലെത്തിച്ചേരുന്നു.

രതിവിജ്ഞാനം :അദ്ധ്യായം-3 സ്ത്രീപുരുഷ ലൈംഗികാവയവങ്ങള്‍

അദ്ധ്യായം-3
സ്ത്രീപുരുഷ ലൈംഗികാവയവങ്ങള്‍

ഈ ആധുനികകാലത്തും തങ്ങളുടെ ലൈംഗികാവയവങ്ങളുടെ ശരീരഘടനാശാസ്ത്രത്തെ (Anatomy) കുറിച്ച് അജ്ഞരായ ഒട്ടേറെപ്പേരുണ്ട്. ലൈംഗികാവയവങ്ങളോട് നിഗൂഢവും പാപാത്മകവുമായ ഒരു സമീപനം വച്ചുപുലര്‍ത്തുവാന്‍ ബാല്യകാലം മുതല്‍ക്കേ പ്രേരിതരായിത്തീരുന്നതിനാലാണിത്. സദാ വസ്ത്രങ്ങളാല്‍ മൂടപ്പെട്ടിരിക്കുന്ന ലൈംഗികാവയവങ്ങളില്‍ സ്പര്‍ശിക്കുന്നത് ഒരു കുറ്റകൃത്യമെന്നപോലെ കുട്ടിക്കാലം മുതല്‍ക്കേ പഠിപ്പിക്കുന്നു. പല അപരനാമങ്ങളിലും അറിയപ്പെടുന്ന ലൈംഗികാവയവങ്ങളുടെ യഥാര്‍ത്ഥനാമം മിക്കപ്പോഴും നാം ഗ്രഹിക്കുന്നത് കൗമാരത്തോടെയായിരിക്കും. ഇക്കാലത്ത് ദൃശ്യമാധ്യമങ്ങളിലും മറ്റും ലൈംഗികചേഷ്ടകള്‍ നിറഞ്ഞ ഗാനനൃത്തരംഗങ്ങളും ലൈംഗികാവയവങ്ങളുടെ ഭാഗികവും ഏതാണ്ട് പൂര്‍ണ്ണവുമായ പ്രദര്‍ശനവും സുലഭമാണെങ്കിലും ലൈംഗികാവയവങ്ങളുടെ പ്രവര്‍ത്തനരീതിയും പേരുകളും മറ്റും കൗമാരപ്രായം തികഞ്ഞവര്‍ക്കുപോലും വെളിപ്പെടുത്തുന്നതില്‍ പല രക്ഷിതാക്കള്‍ക്കും മടിയാണ്. ഫാഷന്‍ ചാനല്‍ പോലുള്ള ടി.വി.പരിപാടികളില്‍ ലൈംഗികാവയവങ്ങള്‍ അതിന്റെ എല്ലാ മാദകത്വത്തോടെയും ഇന്നു പ്രദര്‍ശിപ്പിക്കുന്നുണ്ട്. പല കുട്ടികളും ഏതോ മഹാപാപം ചെയ്യുന്ന മട്ടില്‍ ഒളിഞ്ഞും പാത്തുമൊക്കെ അത് ആസ്വദിക്കുന്നുമുണ്ട്. അര്‍ദ്ധരാത്രിയോടടുക്കുമ്പോള്‍ നഗ്നനൃത്തങ്ങള്‍ നിസ്സങ്കോചം പ്രദര്‍ശിപ്പിക്കുന്ന ഒട്ടേറെ ഇന്ത്യന്‍ ചാനലുകളുമുണ്ട്. ബാലകന്മാര്‍ക്ക് അതൊക്കെ ആസ്വദിക്കുവാന്‍ വലിയ തടസ്സങ്ങളൊന്നുമില്ലെങ്കിലും ലൈംഗികാവയവങ്ങളെയയും ലൈംഗികശാസ്ത്രത്തെയും കുറിച്ചുള്ള അവബോധം അവര്‍ക്ക് ഗൃഹാന്തരീക്ഷത്തില്‍ നിന്ന് ആര്‍ജ്ജിക്കാനാവുന്നില്ല. അതുകൊണ്ടുതന്നെ ലൈംഗിക ശരീരഘടനാശാസ്ത്രമെന്നത് കുട്ടികളില്‍ ഭയവും കുറ്റബോധവും ആകാംക്ഷയുമെല്ലാമുണര്‍ത്തുന്ന ഒരു പ്രതിഭാസമായി അവശേഷിക്കുന്നു.

ലൈംഗികാവയവങ്ങളെക്കുറിച്ചും ലൈംഗികശാസ്ത്രത്തെക്കുറിച്ചും ഗൃഹാന്തരീക്ഷത്തില്‍നിന്ന് അറിവ് ലഭിക്കാത്തതിനാല്‍ അശ്ലീലസാഹിത്യത്തെയും അപക്വമതികളായ സുഹൃത്തുക്കളെയും ബാലകന്മാര്‍ക്ക് ആശ്രയിക്കേണ്ടിവരുന്നു. വീട്ടുജോലിക്കാരും മുതിര്‍ന്ന കുട്ടികളും അവരുടെ ലൈംഗിക അധ്യാപകരായിത്തീരുന്നു. ഇത് കുട്ടികളില്‍ തെറ്റായ ലൈംഗികാവബോധം വളര്‍ത്തുകയും ഒട്ടേറെ അനാശാസ്യപ്രവണതകള്‍ക്ക് വഴി ഒരുക്കുകയും ചെയ്യുന്നു. നമ്മുടെ നാട്ടിലെ ഒരു ബാലന്‍ ലൈംഗികാവയവങ്ങളുടെ യഥാര്‍ത്ഥ നാമത്തിനുപകരം ആദ്യം ഗ്രഹിക്കുന്നത് അതിന്റെ വൈകൃതനാമമായിരിക്കും. ലൈംഗിക പ്രക്രീയയുടെ അശാസ്ത്രീയമായ വിവരണങ്ങളായിരിക്കും അവര്‍ക്ക് മിക്കപ്പോഴും ലഭിക്കുക. വളരുന്തോറും ലൈംഗികതയെക്കുറിച്ചറിയാനുള്ള ആകാംക്ഷയും വര്‍ദ്ധിക്കുന്നതിനാല്‍ ആദ്യം ഇക്കാര്യം ഓതിക്കൊടുക്കുന്ന വ്യക്തിയെ കുട്ടി ഗുരുനാഥനായി കാണുന്നു. പ്രായപൂര്‍ത്തിയാകുന്നതോടെ ലൈംഗികജീവിതത്തില്‍ ഗുരുതരമായ പ്രത്യാഘാതങ്ങള്‍ സൃഷ്ടിക്കുവാന്‍ ഈ അപക്വലൈംഗികവിദ്യാഭ്യാസം വഴിയൊരുക്കുന്നു. ഇന്റര്‍നെറ്റിന്റെ ഉപയോഗം വ്യാപകമായിരിക്കവേ, അതിലെ ലൈംഗിക പോര്‍ട്ടലുകള്‍ കുട്ടികള്‍ എത്രത്തോളം ദുരുപയോഗപ്പെടുത്തുന്നുവെന്നതിനെക്കുറിച്ച് കാര്യമായ പഠനങ്ങള്‍ ഉണ്ടായിട്ടില്ല.

ജനനേന്ദ്രിയങ്ങളുടെ വലിപ്പത്തെയും മറ്റും സംബന്ധിച്ച് ഒട്ടേറെ തെറ്റിദ്ധാരണകള്‍ ഇന്നും നമ്മുടെ നാട്ടില്‍ നിലനില്‍ക്കുന്നു. ലിംഗത്തിന്റെ വലിപ്പവും ലൈംഗിക സംതൃപ്തിയും തമ്മില്‍ എന്തെങ്കിലും ബന്ധമുണ്ടോ? ആരോഗ്യകരമായ ലൈംഗികജീവിതം നയിക്കാന്‍ ലിംഗത്തിനുണ്ടായിരിക്കേണ്ട വലിപ്പമെത്രയാണ്? വലിയ സ്തനങ്ങള്‍ ലൈംഗികാസക്തി കൂടിയതിന്റെ സൂചനയാണോ? സ്തനങ്ങള്‍ക്ക് വലിപ്പചെറുപ്പമുണ്ടാകുന്നതില്‍ കുഴപ്പമുണ്ടോ? ഒരു വൃഷണം മറ്റൊരു വൃഷണത്തേക്കാള്‍ താഴ്ന്നു കിടക്കുന്നതില്‍ കുഴപ്പമുണ്ടോ? കൃസരി എന്നുപറയുന്നത് എന്താണ്? എവിടെയാണ് അത് സ്ഥിതി ചെയ്യുന്നത്? ഈ സംശയങ്ങളെല്ലാം തന്നെ വര്‍ഷങ്ങളായി പല ആനുകാലികങ്ങളിലും പ്രസിദ്ധീകരിച്ചുവരുന്ന ഡോക്ടറോടു ചോദിക്കുക പോലുള്ള പംക്തികളില്‍ ആവര്‍ത്തിച്ചു പ്രത്യക്ഷപ്പെടുന്നതായി കാണാം. തീര്‍ത്തും ലളിതമെങ്കിലും ഇന്നും പലര്‍ക്കും അജ്ഞാതങ്ങളായ ഇത്തരം സംശയങ്ങള്‍ക്കെല്ലാം ശരിയായ നിവാരണമുണ്ടാകണമെങ്കില്‍ സ്ത്രീ പുരുഷ ലൈംഗികാവയവങ്ങളുടെ ഘടനയും പ്രവര്‍ത്തന രീതികളും ശരിയായി മനസ്സിലാക്കേണ്ടതുണ്ട്. വിജയകരമായ ദാമ്പത്യബന്ധത്തിന് പുരുഷന്റെയും സ്ത്രീയുടെയും ലൈംഗികാവയവങ്ങളെക്കുറിച്ച് സാമാന്യമായ ധാരണ ഇണകള്‍ക്കുണ്ടായിരിക്കണം. എന്നാല്‍ ആരോഗ്യകരമായ ലൈംഗികജീവിതം നയിക്കുന്നതിന് ഒരാള്‍ വലിയ ഗൈനക്കോളജിസ്റ്റ് ഒന്നും ആയിരിക്കേണ്ടതില്ലെന്ന വസ്തുതയും ഇവിടെ ഓര്‍മ്മിക്കേണ്ടതുണ്ട്.

സ്ത്രീയുടെ ലൈംഗികാവയവങ്ങള്‍
സ്ത്രീയുടെ ജനനേന്ദ്രിയത്തെ ബാഹ്യമെന്നും (Internal Sex Organs) ആഭ്യന്തരമെന്നും (Externa; Sex Organs) രണ്ടായി തിരിക്കാം. പുറമേ കാണാവുന്ന ജനനേന്ദ്രിയഭാഗങ്ങളാണ് ബാഹ്യലൈംഗികാവയവങ്ങള്‍. സ്ത്രീയുടെ ബാഹ്യജനനേന്ദ്രിയത്തെ മൊത്തത്തില്‍ സ്ത്രീഭഗം (Vulva) എന്നാണ് വിളിക്കുന്നത്. ബൃഹത് ഭഗോഷ്ഠങ്ങള്‍ (Labia Majora Outer Lips) ലഘുഭഗോഷ്ഠങ്ങള്‍ (Labia Minora inner Lips) , കൃസരി (Clitoris) , കന്യാസ്തരം (Maiden head) എന്നിവയാണ് സ്ത്രീഭഗത്തിന്റെ മുഖ്യഭാഗങ്ങള്‍.

ഗര്‍ഭാശയം (Uterus) അണ്ഡവാഹിനികള്‍ (Fallopain Tubes) , അണ്ഡാശയങ്ങള്‍ (Ovary) , യോനി (Vagina) ഇവയാണ് സ്ത്രീ ജനനേന്ദ്രിയത്തിലെ ആന്തരികാവയവങ്ങള്‍.

സ്ത്രീയുടെ ബാഹ്യലൈംഗികാവയവങ്ങള്‍ അഥവാ ജനനേന്ദ്രിയങ്ങള്‍ ആഭ്യന്തര ജനനേന്ദ്രിയങ്ങള്‍ക്ക് സംരക്ഷണം നല്‍കുന്നു. അത്യന്തം ലൈംഗികോദ്ദീപനപരമായ അവയവങ്ങള്‍ ആണവ ലൈംഗികപ്രതികരണങ്ങളുടെ ആസ്ഥാനമാണ് അവയെന്നു പറയാം.

ബാഹ്യജനനേന്ദ്രിയങ്ങള്‍
ഗുഹ്യശൈലം (Mons Veneris)

ഭഗപ്രദേശത്ത് ഭഗസന്ധിയുടെ തൊട്ടുമുമ്പിലായി ( ഇരുപാര്‍ശ്വത്തെയും ഭഗാസ്ഥികള്‍ മുമ്പില്‍ ഒന്നുചേരുന്ന സന്ധിയാണ് ഭഗസന്ധി - Public Symphysis) ഉയര്‍ന്നു നില്‍ക്കുന്ന ത്രികോണാകൃതിയില്‍ കാണുന്ന രോമാവൃത പ്രദേശമാണ് ഗുഹ്യശൈലം. മേദസ് കൂടുതലുള്ളതിനാല്‍ ഈ ഭാഗം ഒരു ശൈലം പോലെ ഉയര്‍ന്നു നില്‍ക്കുന്നു. ഗുഹ്യശൈലത്തിന്റെ തുടര്‍ച്ചയായിട്ടാണ് സ്ത്രീയുടെ മറ്റു ബാഹ്യലൈംഗികാവയവങ്ങള്‍ സ്ഥിതിചെയ്യുന്നത്. ഗുഹ്യശൈലത്തില്‍ കാണപ്പെടുന്ന രോമങ്ങളെ ഗുഹ്യരോമങ്ങള്‍ (Public hair) എന്നുവിളിക്കുന്നു. ഗുഹ്യരോമങ്ങള്‍ ദ്വിതീയ ലൈംഗികസ്വഭാവങ്ങളുടെ (Secondary sexual characters) ഗണത്തില്‍പ്പെടുന്നതാണ്. പ്രായപൂര്‍ത്തിയോടടുക്കുമ്പോഴാണ് (Puberty) ഈ രോമങ്ങള്‍ പ്രത്യക്ഷപ്പെടുന്നത്. പ്യൂബസെന്റ് (Pubescent) എന്ന പദത്തിന് രോമനിബിഡം എന്നാണര്‍ത്ഥം. അങ്ങനെ പ്രായപൂര്‍ത്തിയാകലും രോമരാജികള്‍ പ്രത്യക്ഷപ്പെടുന്നതും തമ്മില്‍ ബന്ധമുള്ളതായി കാണാം

ബൃഹത് ഭഗോഷ്ഠങ്ങള്‍ (ബാഹ്യയോനീദളങ്ങള്‍ - Labia majora, Outer lips)
ഗുഹ്യശൈലത്തിന് മധ്യത്തിലായാണ് ഭഗദ്വാരം (Vagina Opening) സ്ഥിതിചെയ്യുന്നത്. ഭഗദ്വാരത്തിന് ഇരുവശത്തുമായി തുടരുന്ന ഗുഹ്യശൈലത്തിന്റെ തടിച്ച മടക്കുകളെയാണ് ബൃഹത് ഭഗോഷ്ഠങ്ങള്‍ അഥവാ ബാഹ്യയോനീദളങ്ങള്‍ എന്നു പറയുന്നത്. മറ്റ് ബാഹ്യലൈംഗികാവയവങ്ങള്‍ക്ക് വലയം സൃഷ്ടിച്ചുകൊണ്ടാണ് ഇത് സ്ഥിതിചെയ്യുന്നത്. ഇതിനുപുറമെയും ഭഗരോമങ്ങളുടെ തുടര്‍ച്ച കാണാം. ലോലമായ ഇത്തരം ബാഹ്യലൈംഗികാവയവങ്ങളെ രക്ഷിക്കുകയെന്നതാണ് ബൃഹത് ഭഗോഷ്ഠങ്ങളുടെ പ്രധാന ധര്‍മ്മം പ്രസവിച്ചിട്ടില്ലാത്ത യുവതികളില്‍, പ്രത്യേകിച്ചും ലഘു ഭഗോഷ്ഠങ്ങള്‍ തീരെ ചെറുതാണെങ്കില്‍, ബൃഹത് ഭഗോഷ്ഠങ്ങള്‍ മധ്യഭാഗത്ത് തമ്മില്‍ മുട്ടിയിരിക്കുന്നതിനാല്‍ ഇതര ബാഹ്യലൈംഗികാവയവങ്ങള്‍ കാണുവാന്‍ പ്രയാസമായിരിക്കും. ബൃഹത് ഭഗോഷ്ഠങ്ങളെ വശങ്ങളിലേക്കു മാറ്റിയാല്‍ മാത്രമേ തരുണിമാരുടെ ഇതര ബാഹ്യലൈംഗികാവയവങ്ങള്‍ ദൃശ്യമാകൂ. ഗര്‍ഭം, പ്രസവം, പ്രായാധിക്യം ഇവകൊണ്ട് ബൃഹത് ഭഗോഷ്ഠങ്ങളുടെ ആകാരത്തിന് മാറ്റം വരികയും, അവ മധ്യത്തില്‍ തമ്മില്‍ സ്പര്‍ശിക്കാതെ അല്പം അകന്നുനില്‍ക്കുകയും ചെയ്യും. ഇത്തരം അവസ്ഥയില്‍ ബൃഹത് ഭഗോഷ്ഠങ്ങളെ വശത്തോട്ട് മാറ്റാതെ തന്നെ ഇതരഭാഗങ്ങള്‍ കാണാന്‍ കഴിയും.

ലഘു ഭഗോഷ്ഠങ്ങള്‍ (അന്തര്‍യോനീദളങ്ങള്‍ - Labia minora, Inner Lips)
ബൃഹത് ഭഗോഷ്ഠങ്ങള്‍ വശങ്ങളിലേക്കു മാറ്റിയാല്‍ ലഘു ഭഗോഷ്ഠങ്ങള്‍ ദൃശ്യമാകും. ബൃഹത് ഭഗോഷ്ഠങ്ങള്‍ക്കു സമാന്തരമായി ഭഗദ്വാരത്തിന്റെ ശീര്‍ഷഭാഗത്തു നിന്നും ഇവ ആരംഭിക്കുന്നു. ‘V’ എന്ന അക്ഷരത്തിന്റെ ആകൃതിയാണ് ലഘു ഭഗോഷ്ഠങ്ങള്‍ക്ക്. ചില സ്ത്രീകളില്‍ ഇതിന്റെ വലിപ്പം നാമമാത്രമായിരിക്കും. മറ്റു ചിലരില്‍ ഇത് വിടര്‍ന്ന് വലുതായിരിക്കുന്നതിനാല്‍ യോനീകവാടവും മറ്റും ദൃശ്യമാകുന്നതിന് ഇവ വിടര്‍ത്തിനോക്കേണ്ടിവരും. ലഘു ഭഗോഷ്ഠങ്ങളുടെ വീതിയുടെ കാര്യത്തിലും വ്യത്യാസങ്ങളുണ്ട്. കാലിഞ്ചു മുതല്‍ രണ്ടരയിഞ്ചുവരെ ഇതിനു വീതിയുണ്ടാകാം.

ലഘുഭഗോഷ്ഠത്തിന്റെ ബാഹ്യതലം കട്ടിയുള്ള ആവരണം കൊണ്ട് മൂടിയിരിക്കുന്നു. എന്നാല്‍ അവയുടെ അന്തര്‍ഭാഗം നേര്‍ത്തതും സംവേദനക്ഷമതയേറിയതുമായ പാടയാല്‍ മൂടിയിരിക്കും. ലഘുഭഗോഷ്ഠങ്ങളില്‍ ധാരാളം രക്തചക്കുഴലുകളും നാഡീ അഗ്രങ്ങളും ഇലാസ്തിക തന്തുക്കളം ഉള്‍ച്ചേര്‍ന്നിരിക്കുന്നതിനാല്‍ ഉദ്ദീപനങ്ങളോട് പ്രതികരിക്കുവാന്‍ ഇവയ്ക്കു കഴിയുന്നു. ഉത്തേജിതമാകുന്നതോടെ രക്തം ഇരച്ചുകയറുന്നതിനാല്‍ ഇത് വിങ്ങിവീര്‍ക്കുകയും ദൃഢമാകുകയും ചെയ്യുന്നു. ലഘു ഭഗോഷ്ഠങ്ങളുടെ ശീര്‍ഷഭാഗം ഭഗശിശ്‌നികയ്ക്കു മുകളില്‍ യോജിച്ച് ഭഗശിശ്‌നികയുടെ അഗ്രചര്‍മ്മമായി മാറുന്നു. ഈ അഗ്രചര്‍മ്മത്തെ ശിശ്‌നികാഛദം (Clitorial hood) എന്നു വിളിക്കുന്നു.

ഭഗശിശ്‌നിക (കൃസരി-Clitoris)
സ്ത്രീകളിലെ ഏറ്റവും ഉദ്ദീപനാത്മകമായ ലൈംഗികാവയവ ഭാഗമാണ് ഭഗശിശ്‌നിക എന്നു കരുതപ്പെടുന്നു. പ്രാചീന ലൈംഗികാചാര്യന്മാര്‍ മുതല്‍ ഫ്രോയിഡും ഹാവ്‌ലോക് എല്ലിസും കിന്‍സിയും വരെയുള്ള മനഃശാസ്ത്ര വിശാരദന്മാര്‍ വരെ ഈ രതിപീഠത്തിന്റെ മാഹാത്മ്യത്തെ വാഴ്ത്തിയിട്ടുണ്ട്. സ്ത്രീയുടെ രതിമൂര്‍ച്ഛാകേന്ദ്രങ്ങളില്‍ ഏറ്റവും പ്രധാനപ്പെട്ടതാണത്.

ഭഗദ്വാരത്തിന്റെ മുകളറ്റത്തെ കോണിലായി ഇരുഭാഗത്തെയും ലഘു ഭഗോഷ്ഠങ്ങള്‍ തമ്മില്‍ സന്ധിക്കുന്നിടത്താണ് ഭഗശിശ്‌നിക സ്ഥിതിചെയ്യുന്നത്. പുരുഷന്റെ ലിംഗവുമായി ചില സാദൃശ്യങ്ങളുള്ള കാലിഞ്ചോളം വരുന്ന അത്യന്തം ഉദ്ദീപനാത്മകമായ ഒരവയവമാണിത്. മുഖ്യമായും ഉദ്ധാരക കലകള്‍കൊണ്ട് (Erective Tissues) നിര്‍മ്മിച്ചിരിക്കുന്ന ഇതിന്റെ അഗ്രം സാധാരണയായി ഇരുണ്ടിരിക്കും. രതിമൂര്‍ച്ഛയില്‍ നിര്‍ണ്ണായകമായ പങ്കുവഹിക്കുന്ന ഇതില്‍ ഒട്ടനേകം നാഡീ അഗ്രങ്ങള്‍ സന്ധിക്കുന്നു.

ഭഗശിശ്‌നികയുടെ വലിപ്പവും വ്യക്തിനിരപേക്ഷമത്രേ. ചില സ്ത്രീകളില്‍ ഇങ്ങനെ ഒരവയവം ഉണ്ടെന്നുപോലും തോന്നുകയില്ല. വലിപ്പം കുറഞ്ഞും ശിശ്‌നികാച്ഛദത്താല്‍ മൂടപ്പെട്ടുമിരിക്കുന്നതിനാലാണിത്. വലിയ കൃസരിയുള്ള അംഗനമാര്‍ കാമോന്മാദിനികളായിരിക്കുമെന്നും അവരുടെ രത്യാവേശം ശമിപ്പിക്കാനാവില്ലെന്നും ചില മിഥ്യാധാരണകള്‍ നിലവിലുണ്ടെങ്കിലും അതിനൊന്നും ഒരു ശാസ്ത്രീയ അടിത്തറയുമില്ല. കൃസരിയുടെ വലിപ്പവും ലൈംഗികോര്‍ജ്ജവുമായി ഒരു ബന്ധവുമില്ല. അതുപോലെ തന്നെ ഒരു സ്ത്രീയുടെ ശരീരത്തിന്റെ വലിപ്പത്തിനനുസൃതമായിരിക്കും ഭഗശിശ്‌നികയുടെ വലിപ്പമെന്നു പറയുന്നതിലും കഴമ്പില്ല.

ലൈംഗികചോദനയില്‍ മുഖ്യസ്ഥാനം കല്‍പ്പിക്കപ്പെട്ടിരിക്കുന്ന ഒരവയവമാണ് കൃസരി. കൃസരിയില്‍ മാത്രം ചെലുത്തുന്ന ഉദ്ദീപനങ്ങള്‍ക്ക് ഒരു സ്ത്രീയെ രതിമൂര്‍ച്ഛയിലെത്തിക്കാനാകും. പുരുഷലിംഗം പോലെ തന്നെ ഉത്തേജിതമാകുന്ന ഒരവയവമാണ് കൃസരിയും. എന്നാല്‍ വലിപ്പക്കുറവുമൂലം അത് പ്രകടമായി അനുഭവപ്പെടാറില്ലെന്നു മാത്രം.

മൂത്രദ്വാരം
കൃസരിക്കു തൊട്ടുതാഴെയായി മൂത്രനാളി പുറത്തേയ്ക്കു തുറക്കുന്നതാണ് മൂത്രദ്വാരം. മൂത്രദ്വാരം ഒരു വിസര്‍ജ്ജനാവയവമാണെങ്കിലും ജനനേന്ദ്രിയത്തില്‍ സ്ഥിതി ചെയ്യുന്നതിനാല്‍ ധാരാളം നാഡികള്‍ ഇതിനുചുറ്റും ഉണ്ട്. പുരുഷന്മാരുടെ മൂത്രനാളി ദൈര്‍ഘ്യമേറിയതാണെങ്കിലും സ്ത്രീകളുടേത് വളരെ ഹ്രസ്വമാണ്. ഒന്നരമുതല്‍ രണ്ടിഞ്ചുവരെയാണ് ഇതിന്റെ നീളം. മൂത്രനാളിക്കു ലൈംഗികധര്‍മ്മങ്ങളൊന്നും തന്നെയില്ലെങ്കിലും ചില സ്ത്രീകള്‍ ഇതില്‍ വിരല്‍ കടത്തി സ്വയംഭോഗം ചെയ്യാറുണ്ട്.

കന്യാചര്‍മ്മം
മൂത്രദ്വാരത്തിനു താഴെയായി കാണപ്പെടുന്ന യോനീദ്വാര (Vaginal Orifice) ത്തിലാണ് കന്യാചര്‍മ്മം സ്ഥിതിചെയ്യുന്നത്. കന്യാചര്‍മ്മം യോനീദ്വാരത്തെ ഭാഗികമായി മൂടുന്നു. സാധാരണയായി അര്‍ദ്ധവൃത്താകാരത്തില്‍ യോനിയുടെ ആദ്യപകുതിയെ മറച്ചുകൊണ്ടാണിത് നില്‍ക്കുന്നത്. എന്നാല്‍ ചിലരില്‍ അത് യോനീദ്വാരത്തെ പൂര്‍ണ്ണമായും വലയം ചെയ്തു നില്‍ക്കുന്നതായും കാണാം. എന്നാല്‍ കന്യകയില്‍പ്പോലും സാധാരണഗതിയില്‍ യോനീദ്വാരം കന്യാചര്‍മ്മത്താല്‍ പൂര്‍ണ്ണമായും മറയ്ക്കപ്പെടുന്നില്ല എന്നതാണു സത്യം. എവിടെയെങ്കിലും ഒരു ചെറു സുഷിരമെങ്കിലും ഉണ്ടായിരിക്കും. ഇതിലൂടെ ചെറുവിരല്‍ കടത്താവുന്നതുമാണ്. ഈ ദ്വാരം ചിലപ്പോള്‍ തീരെ ചെറുതോ വളരെ വലിയതോ ആയെന്നിരിക്കാം.

കന്യാചര്‍മ്മത്തിന്റെ ജീവശാസ്ത്രധര്‍മ്മം ഇനിയും വ്യക്തമായിട്ടില്ല. കന്യകാത്വവുമായി ഇതിനു ബന്ധമില്ലെന്നതാണ് ആധുനിക വീഷണം. ലൈംഗികബന്ധത്തിന്റെ ആസ്വാദ്യതയ്ക്ക് ഇതിന്റെ ആവശ്യവുമില്ല. എന്നാല്‍ അടുത്തിടെ കന്യകാത്വലക്ഷണമായി കന്യാചര്‍മ്മത്തെ പരിഗണിക്കാമെന്ന നിലപാട് ചിലര്‍ സ്വീകരിച്ചിരുന്നതായി കാണപ്പെടുന്നു. ശാരീരികാധ്വാനം, അപകടങ്ങള്‍, എന്നിവമൂലം കന്യാചര്‍മ്മത്തിന് ക്ഷതം സംഭവിക്കാമെന്നാണ് പൊതുധാരണ എന്നാല്‍ അത് അത്രവേഗം കേടുസംഭവിക്കുന്ന ഒന്നല്ലെന്നും സംഭോഗത്തിനോ സ്വയംഭോഗത്തിനോ മാത്രമേ അതിനെ നശിപ്പിക്കാനാകൂ എന്നും ചിന്തിക്കുന്നവരുമുണ്ട്.
രക്തസ്രാവത്തോടെയോ അല്ലാതെയോ കന്യാചര്‍മ്മം ഛേദിക്കപ്പെടാം. എന്നാല്‍ ഇലാസ്തികത ഏറെയുള്ള കന്യാചര്‍മ്മം പൊട്ടുമ്പോള്‍ ഏറെ രക്തസ്രാവമുണ്ടാകണമെന്നില്ല. കട്ടികൂടിയ കന്യാചര്‍മ്മങ്ങള്‍ പൊട്ടുമ്പോഴാണ് രക്തസ്രാവമുണ്ടാകുന്നത്. ചില കന്യാചര്‍മ്മങ്ങള്‍ ശസ്ത്രക്രിയ മൂലവും ഭേദിക്കേണ്ടി വന്നേക്കാം.

ഭഗഗുദമധ്യദേശം (Perineum)
ജഘനങ്ങള്‍ക്കിടയില്‍ യോനീദ്വാരത്തിനും ഗുദത്തിനും മധ്യേയുള്ള ഭാഗമാണ് ഭഗഗുദമധ്യദേശം. ജനനേന്ദ്രിയത്തെ യഥാസ്ഥാനത്ത് നിലനിര്‍ത്തുന്നതില്‍ പങ്കുവഹിക്കുന്ന ഭഗഗുദമധ്യദേശത്തിനു#ൂ ഏകദേശം രണ്ടിഞ്ചോളം നീളം വരും. പ്രസവസമയത്ത് യോനീകവാടം വേണ്ടവണ്ണം വികസിച്ചില്ലെങ്കില്‍ ഭഗഗുദമധ്യദേശം കീറിപ്പോകാനിടയുണ്ട്. എപ്പിസിയോട്ടമി (Episiotomy) എന്ന പേരില്‍ അറിയപ്പെടുന്ന ഒരു ശസ്ത്രക്രിയയിലൂടെ ഇത് ഒഴിവാക്കാനാകും. യോനീമുഖം വലുതാകത്തക്കവണ്ണം ഒരു കീറല്‍ ഉണ്ടാക്കുകയാണ് ഇതില്‍ ചെയ്യുന്നത്. ഭഗദുധമധ്യദേശം നെടുകേ കീറി ഭഗവും ഗുദവും ഒന്നാവുകയെന്ന അപകടം ഒഴിവാക്കാന്‍ ഇതുവഴി സാധിക്കുന്നു.

ബാര്‍തോലിന്‍ ഗ്രന്ഥികള്‍
യോനീദ്വാരത്തിനിരുവശത്തുമായി സ്ഥിതിചെയ്യുന്ന രണ്ടു ചെറു ഗ്രന്ഥികളാണിവ. ഒരു നേര്‍ത്തദ്രാവകം ഇവ സ്രവിപ്പിക്കുന്നുണ്ട്. എന്നാല്‍ യോനിയെ മുഴുവനായി ആര്‍ദ്രമാക്കാന്‍ ഈ സ്രാവത്തിനു കഴിയുകയില്ല. ലിംഗസംവേശനത്തിനായി യോനിയെ ആര്‍ദ്രമാക്കുന്നത് ബാര്‍ത്തോലിന്‍ ഗ്രന്ഥികളാണ് എന്നായിരുന്നു അടുത്തിടവരെയുള്ള ധാരണ. ഗര്‍ഭാശയ, ബാഹ്യലൈംഗികാവയവങ്ങള്‍, ഭഗദ്വാരം, യോനി എന്നിവിടങ്ങളില്‍ നിന്നും സ്രാവങ്ങളുണ്ടാകാം.

ആന്തരജനനേന്ദ്രിയങ്ങള്‍ (Internal genital organs)

യോനി (ശ്രോണി-Vagina)
വജൈന എന്ന ലാറ്റിന്‍ വാക്കിന് വാളുറ എന്നാണര്‍ത്ഥം. മൈഥുനത്തില്‍ ലിംഗമാകുന്ന ഖഡ്ഗത്തിന് ഉറപോലെ വര്‍ത്തിക്കുന്നതിനാലാകാം ഈ അവയവത്തിന് വജൈന എന്ന പേരു സിദ്ധിച്ചത്.

യോനീദ്വാരത്തിനു തുടര്‍ച്ചയായി ആന്തരികമായി സ്ഥിതി ചെയ്യുന്ന പേശികള്‍ ഉള്‍ച്ചേര്‍ന്ന നാളിയാണ് യോനി. സ്ത്രീയുടെ സംഭോഗാവയവമായ യോനി മൈഥുനവേളയില്‍ ലിംഗത്തെ സ്വീകരിക്കുന്നു.

ഛേദതലത്തില്‍ യോനിക്കു മുന്നിലായി മൂത്രാശയം, മൂത്രനാളി എന്നിവയും പിന്നിലായി ഗുദവും സ്ഥിതിചെയ്യുന്നു.

ശരീരത്തിന്റെ ലംബനിലയില്‍നിന്ന് പിന്നോക്കം ചരിഞ്ഞാണ് യോനി നിലകൊള്ളുന്നത്. യോനിയുടെ മുന്‍ഭിത്തിക്ക് ഉദ്ദേശം 9 സെന്റിമീറ്ററും പിന്‍ഭിത്തിക്ക് 14 സെന്റിമീറ്ററും നീളമുണ്ടായിരിക്കും. ഏകദേശം 10 സെന്റിമീറ്ററാണ് യോനിയുടെ ശരാശരി നീളം. യോനിയുടെ മുകളറ്റത്തില്‍ ഗര്‍ഭാശയത്തിന്റെ കഴുത്ത് (ഗര്‍ഭാശയഗ്രീവ) യോജിപ്പിച്ചിരിക്കുന്നു. ഗര്‍ഭാശയഗ്രീവ യോനിയിലേക്കുന്തി നില്‍ക്കുന്നതുമൂലം ഗര്‍ഭാശയഗുഹയ്ക്കു ചുറ്റുമുള്ള ഇടുക്കിനെ ഗ്രൈവേയഗുഹ (Fornix) എന്നു വിളിക്കുന്നു. ഈ ഗുഹയ്ക്ക് പുരോഭാഗം, പശ്ചിമഭാഗം, രണ്ടു പാര്‍ശ്വഭാഗങ്ങള്‍ എന്നിങ്ങനെ നാലുവിഭാഗങ്ങളുണ്ട് (Anterior, Posterior and Lateral fornix)

യോനീദ്വാരത്തില്‍നിന്നു പിന്നിലേക്ക് പോകുന്തോറും യോനീനാളത്തിന്റെ വ്യാസം കൂടിക്കൂടി വരുന്നു. ഗര്‍ഭാശയഗ്രീവയോട് അടുക്കുമ്പോള്‍ ഇത് ഏറ്റവും കൂടുതലാകുന്നു. വ്യാസം കുറവായ ആദ്യഭാഗത്തെ യോനീസുരംഗം (Vaginal barrel) എന്നും തുടര്‍ന്ന് വ്യാസമേറിയ ഭാഗത്തെ വ്യാസിത യോനി (Vaginal vault) എന്നും പറയുന്നു. സാധാരണഗതിയില്‍ യോനി സങ്കോചിച്ചിരിക്കുകയാല്‍ അതിനുള്ളിലെ ദ്വാരം പുറമേക്കു കാണുകയില്ല. സംഭോഗം, പ്രസവം എന്നീ സന്ദര്‍ഭങ്ങളില്‍ യോനീഭിത്തികള്‍ വികസിച്ച് യോനിയില്‍ ഇടം (Spacet) ഉണ്ടാകുന്നു.

പ്രായപൂര്‍ത്തിയായ ഒരു സ്ത്രീയുടെ യോനിയുടെ അന്തര്‍ഭാഗം കട്ടിയുള്ള പാളിയാല്‍ ആവരണം ചെയ്യപ്പെട്ടിരിക്കും. ലൈംഗികക്ഷമമായ കാലഘട്ടം വരെ ഇത് നേര്‍മ്മയേറിയതായിരിക്കും. ആര്‍ത്തവ വിരാമത്തിനു ശേഷവും ഇതിന് കട്ടികുറയുന്നുണ്ട്. കൗമാരത്തിലും യൗവ്വനത്തിലും യോനി അമ്ലസ്വഭാവമുള്ളതായിരിക്കും. എന്നാല്‍ ബാല്യത്തിലും വാര്‍ദ്ധക്യത്തിലും അത് ക്ഷാരഗുണമാര്‍ന്നതായിരിക്കും.

യോനിയുടെ ഉള്‍വശം സ്പര്‍ശിച്ചു നോക്കിയാല്‍ ചെറിയതരുതരുപ്പ് അനുഭവപ്പെടും. ഒട്ടേറെ ചുളിവുകളും മടക്കുകളും ഉള്ളതിനാലാണിത്. യോനിയുടെ അന്തര്‍ഭാഗത്തെ ആവരണം ചെയ്യുന്ന ശ്ലേഷ്മകലയിലാണ് (Mucous membrane) ഈ ചുളിവുകള്‍ ഉള്ളത്. യോനിയുടെ പുറംഭിത്തിയില്‍ കൂടുതലായി കാണപ്പെടുന്ന ഈ ചുളിവുകള്‍ പ്രസവാനന്തരവും പ്രായമാവുന്നതോടെയും മറ്റും അല്പാല്പം അപ്രത്യക്ഷമായി യോനിഭിത്തികള്‍ മിനുസമേറിയതായി തീരും.

യോനി നിര്‍മ്മിക്കപ്പെട്ടിരിക്കുന്ന പേശികളെ യോനീപേശികള്‍ (Vagina muscles) എന്നു വിളിക്കുന്നു. യോനിക്ക് അമിതമായ അയവു സംഭവിക്കുകയും യോനിയെയും ഗര്‍ഭാശയത്തെയും താങ്ങിനിര്‍ത്തുന്ന സ്‌നായുക്കളും പേശികളും ദുര്‍ബലമാകുകയും ചെയ്താല്‍ മൂത്രാശയമോ ഗര്‍ഭാശയമോ യോനിയിലൂടെ പുറത്തേക്കുന്തിവരാം. ഈ അവസ്ഥ ബൃഹദ് യോനി (Prolapse) എന്നറിയപ്പെടുന്നു.

ഗര്‍ഭാശയം (ഗര്‍ഭപാത്രം - Uterus)
സ്ത്രീയുടെ ആന്തരിക ലൈംഗികാവയവങ്ങളില്‍ സുപ്രധാനമായതാണ് ഗര്‍ഭാശയം. മൂത്രാശയത്തിനും മലാശയത്തിനും മധ്യേയാണ് ഇത് സ്ഥിതിചെയ്യുന്നത്. വ്യത്യസ്ത പ്രായക്കാരില്‍ ഗര്‍ഭാശയത്തിന്റെ വലിപ്പവും വ്യത്യസ്തമായിരിക്കും. കന്യകയുടെ ഗര്‍ഭാശയത്തിന് അവളുടെ മുഷ്ടിയോളമേ വലിപ്പമുണ്ടാകൂ. സാധാരണയായി 8 സെന്റിമീറ്റര്‍ നീളവും 5 സെ.മീറ്റര്‍ വീതിയും 2.2 സെ.മീറ്റര്‍ വ്യാസവുമാണ് പ്രായപൂര്‍ത്തിയായ ഒരു സ്ത്രീയുടെ ഗര്‍ഭാശയത്തിനുള്ളത്. ഏതാണ്ട് ഒരു ഏറുപമ്പരത്തിന്റെ ആകൃതിയാണ് ഗര്‍ഭാശയത്തിന്. ശ്രോണീ ഗുഹയില്‍ സ്‌നായുക്കളുടെ സഹായത്തോടെ ഇത് യഥാസ്ഥാനത്ത് നിര്‍ത്തിയിരിക്കുന്നു. സ്‌നായുക്കളാണ് ഗര്‍ഭാശയത്തെ ചരിഞ്ഞുപോകാതെ വലിച്ചുമുറുക്കി നിര്‍ത്തുന്നത്.

ഗര്‍ഭാശയത്തെ ഗര്‍ഭാശയതുംബി (Fundus), ഗര്‍ഭാശയശരീരം (Body of the Uterus) ഗര്‍ഭാശയഗളം (ഗര്‍ഭാശയത്തിന്റെ കഴുത്ത് - Cervix of the Uterus) എന്നിങ്ങനെ മൂന്നുഭാഗങ്ങളായി തിരിക്കാം. ഗര്‍ഭാശയശരീരം ഒന്നോ രണ്ടോ സെ.മീറ്റര്‍ കനമുള്ള പേശികളാലാണ് നിര്‍മ്മിച്ചിരിക്കുന്നത്. ഈ ഭിത്തികള്‍ക്കുള്ളിലായി എഴെട്ടു സെ.മീറ്റര്‍ വിസ്തൃതിയില്‍ ത്രികോണാകൃതിയില്‍ കാണുന്ന ഗുഹയിലാണ് ഗര്‍ഭസ്ഥശിശു ശയിക്കുന്നത്. ഗര്‍ഭം വളര്‍ച്ച പ്രാപിക്കുന്നതോടെ ഗര്‍ഭാശയഭിത്തികള്‍ വികസിച്ചുകൊടുക്കുന്നു. പ്രസവവേളയില്‍ ഗര്‍ഭാശയഭിത്തികള്‍ ഒരു പ്രത്യേകരീതിയില്‍ സങ്കോചിച്ച് ഗര്‍ഭസ്ഥശിശുവിനെ പുറന്തള്ളാന്‍ സഹായിക്കുന്നു. ഗര്‍ഭാശയഭിത്തികളുടെ അന്തര്‍ഭാഗത്തെ ആവരണം ചെയ്യുന്ന ഗര്‍ഭാശയസ്തരം (Endometrium) ശ്ലേഷ്മകലാമയമാണ്. അനേകം ഗ്രന്ഥികളും രക്തവാഹിനികളുമുള്ള ഈ കല ആര്‍ത്തവരക്തത്തോടൊപ്പം പുറന്തള്ളപ്പെടുന്നുണ്ട്. ഇതിന് രണ്ട് മീറ്റര്‍ കനമേയുള്ളൂ. ഗര്‍ഭാശയത്തെ ബാഹ്യമായി ഒരു താന്തവസ്തരം (Serous coat) ആവരണം ചെയ്യുന്നു.

അണ്ഡാശയം
അണ്ഡാകാരമാര്‍ന്ന രണ്ടു പിണ്ഡങ്ങളാണ് അണ്ഡാശയങ്ങള്‍. ഗര്‍ഭാശയത്തിനു തൊട്ടുതാഴെ അതിനിരുവശത്തുമായാണ് അണ്ഡാശയങ്ങള്‍ നിലകൊള്ളുന്നത്. ഓരോന്നിനും ഉദ്ദേശം 5 സെ.മീറ്റര്‍ നീളം വരും. ഗര്‍ഭാശയത്തെ യഥാസ്ഥാനത്തു നിര്‍ത്തുന്ന പക്ഷബന്ധിനീ സ്‌നായു (Broad ligament) വിന്റെ പിന്‍ഭാഗത്തായാണ് ഇവ ഉറപ്പിക്കപ്പെട്ടിരിക്കുന്നത്. പക്ഷബന്ധിനിയുടെ തന്നെ ഒരു മടക്കും (Mesovarian) ഗര്‍ഭാശയവുമായി ഇതിനെ ബന്ധിപ്പിക്കുന്ന അണ്ഡാശയ സ്‌നായുവും (Ovarian ligament) അണ്ഡാശയത്തെ സ്വസ്ഥാനത്ത് നിര്‍ത്തുന്നു. അണ്ഡാശയങ്ങള്‍ വളരെ താഴ്ന്നിരുന്നാല്‍ സംഭോഗാവസരത്തില്‍ വേദനയുണ്ടാകാം.

സ്ത്രീബീജമായ അണ്ഡം (Ovum) ഉല്പാദിപ്പിക്കുകയാണ് അണ്ഡാശയത്തിന്റെ മുഖ്യധര്‍മ്മം. പുരുഷന്റെ വൃഷണത്തിന് സമാനമാണ് സ്ത്രീയുടെ അണ്ഡാശയം. കൂടാതെ സ്‌ത്രൈണാന്തര്‍ സ്രാവങ്ങളായ ഈസ്ട്രജനും പ്രോജസ്റ്ററോണും ഇവ ഉല്പാദിപ്പിക്കുന്നുണ്ട്. ഒരു പെണ്‍കുട്ടി ജനിക്കുമ്പോള്‍ത്തന്നെ അവളുടെ ജീവിതകാലത്തേക്കാവശ്യമായ അണ്ഡം മുഴുവന്‍ അവളുടെ അണ്ഡാശയങ്ങളിലുണ്ടായിരിക്കും. ഏതാണ്ട് രണ്ടുകോടി അണ്ഡകോശങ്ങളാണ് ജനനസമയത്ത് അണ്ഡാശയങ്ങളില്‍ ഉണ്ടായിരിക്കുക. തുടര്‍ന്ന് അവയില്‍ പലതും നശിക്കുകയും യൗവ്വനാരംഭത്തോടു കൂടി മൂന്നുലക്ഷത്തോളം അണ്ഡകോശങ്ങള്‍ അവശേഷിക്കുകയും ചെയ്യുന്നു. ഈ അണ്ഡകോശങ്ങളില്‍ ഓരോന്നുവീതം പ്രതിമാസം പൂര്‍ണ്ണവളര്‍ച്ചയെത്തി അണ്ഡാശയഭിത്തി ഭേദിച്ച് പുറത്തുകടക്കുന്നു. ഒരു അണ്ഡം പ്രായപൂര്‍ത്തിയാകുന്നതോടുകൂടി ഒട്ടനവധി അണ്ഡകോശങ്ങള്‍ നശിക്കുന്നുണ്ട്.

സ്ത്രീയുടെ ശരാശരി ഉത്പാദന ക്ഷമതാകാലം മുപ്പത്തിയഞ്ചു വര്‍ഷമാണ്. അതായത് നാനൂറ്റമ്പതോളം അണ്ഡങ്ങളേ പൂര്‍ണ്ണവളര്‍ച്ച പ്രാപിക്കുന്നുള്ളൂ. രണ്ട് അണ്ഡാശയങ്ങള്‍ ഉണ്ടെങ്കിലും ഓരോ മാസവും ഓരോ അണ്ഡം വീതമേ പ്രായപൂര്‍ത്തിയാകുന്നുള്ളൂ. അതിനാല്‍ ഒരുമാസം ഇടത്തേ അണ്ഡാശയത്തില്‍ അണ്ഡം പക്വമായാല്‍ അടുത്തമാസം വലത്തേ അണ്ഡകോശത്തിലായിരിക്കും ഒരണ്ഡം പക്വമാവുക. എന്നാല്‍ ഇതിനു വിപരീതമായി അടുത്തടുത്ത മാസങ്ങളില്‍ ഒരേ അണ്ഡാശയത്തില്‍ നിന്നു തന്നെ അണ്‌ഡോത്സര്‍ഗ്ഗം (Ovulation) സംഭവിച്ചുവെന്നും വരും. ഇങ്ങനെ രണ്ട് അണ്ഡാശയങ്ങളും രണ്ട് അണ്ഡവാഹിനികളും ഉള്ളതുകൊണ്ട് ഏതെങ്കിലും ഒരുവശത്തെ അണ്ഡാശയത്തിനോ അണ്ഡവാഹിനിക്കോ കേടു സംഭവിച്ചാല്‍ പോലും ഗര്‍ഭോത്പാദനം സാധ്യമത്രേ.

അണ്ഡവാഹിനികള്‍ (Fallopin Tubes, Oviducts)
ഗര്‍ഭാശയത്തിന്റെ ഇരുപാര്‍ശ്വങ്ങളിലുമായി ബന്ധിക്കപ്പെട്ടിരിക്കുന്ന 12 സെ.മീറ്ററോളം നീളമുള്ള രണ്ടുകുഴലുകളാണ് അണ്ഡവാഹിനികള്‍. അണ്ഡവാഹിനികള്‍ ഗര്‍ഭാശയവുമായി യോജിക്കുന്ന സ്ഥാനത്തിനു മുകളിലുള്ള ഗര്‍ഭാശയഭാഗത്തെയാണ് ഗര്‍ഭാശയതുംബി എന്നു വിളിക്കുന്നത്.

ഓരോ അണ്ഡവാഹിനിക്കും മൂന്ന് ഭാഗങ്ങളുണ്ട്. അവ ഗുപ്തഭാഗം (Intestinal part) പ്രണാളം (Isthmus) മഹാനാളം (Ampulla) എന്നിവയാണ്. അണ്ഡവാഹിനിക്ക് ഗര്‍ഭാശയത്തോടു ചേരുന്ന ഭാഗത്തിന് വ്യാസം കുറവാണ്. എന്നാല്‍ സ്വതന്ത്രാഗ്രത്തോടടുക്കുമ്പോള്‍ വീതി കൂടിക്കൂടി വരുന്നു. അങ്ങനെ ഒരു കാഹളാകൃതിയാണ് (Trumpet Shaped) അണ്ഡവാഹിനിക്കുള്ളത്. ഇതിന്റെ ഗുപ്തഭാഗം ഗര്‍ഭാശയശരീരത്തില്‍ മറഞ്ഞിരിക്കുന്നു. വികസിച്ച മഹാനാളത്തിന്റെ സ്വതന്ത്രാഗ്രം വിഭജിക്കപ്പെട്ട് അനേകം ചെറുവിരലുകള്‍ പോലുള്ള അവയവങ്ങള്‍ (Fimbriae) ഉണ്ടായിരിക്കുന്നു. ഇതിനെ പുഷ്പിതാഗ്രം എന്നു പറയുന്നു. ഈ അംഗുലികളില്‍ ഒന്ന് അല്പം വലിപ്പമേറിയതാണ്. ഇവയുടെ സങ്കോചവികാസഫലമായുള്ള ചലനങ്ങളാല്‍ അവയ്ക്ക് അണ്ഡകോശത്തിനു പുറമേ തലോടാനും തത്ഫലമായി പാകമായ അണ്ഡം പുറത്തുവരുമ്പോള്‍ വഴിതെറ്റിപ്പോകാതെ തന്നിലേക്കാകര്‍ഷിച്ചൊതുക്കാനും അണ്ഡവാഹിനിക്കു കഴിയും.
സ്ത്രീയുടെ ചെറുവിരലിനോളം വ്യാസം വരുന്ന അവയവമാണ് അണ്ഡവാഹിനി. അതായത് ഉദ്ദേശം 8 മില്ലീമീറ്ററോളം അണ്ഡവാഹിനിക്ക് സങ്കോചവികാസക്ഷമതയുണ്ട്. അണ്ഡവാഹിനി ഗര്‍ഭാശയവുമായി ചേരുന്നിടത്ത് ഗര്‍ഭാശയ ഗുഹയിലേക്കുള്ള ദ്വാരത്തിന് ഒന്നോ രണ്ടോ മില്ലീമിറ്ററേ വ്യാസമുണ്ടായിരിക്കയുള്ളൂ. പേശീനിര്‍മ്മിതമാണ് പ്രനാളം. മൂന്നിലൊന്നിഞ്ചു കനമുള്ളതാണ് മഹാനാളത്തിന്റെ ഭിത്തി. പ്രണാളത്തിന്റെ ഭിത്തിക്ക് ഇതിന്റെ മൂന്നിലൊന്നു കനമേയുള്ളൂ.

അണ്ഡവാഹിനിയുടെ ആന്തരസ്തരത്തില്‍ ഒട്ടനേകം സൂക്ഷ്മലോമങ്ങളുണ്ട്. (Cilia) ഇവയുടെ പ്രത്യേകതരം ചലനം വഴിയാണ് അണ്ഡം അണ്ഡവാഹിനിയിലൂടെ സഞ്ചരിച്ച് ഗര്‍ഭാശയത്തിലെത്തിച്ചേരുന്നത്. അണ്ഡം അണ്ഡവാഹിനിയിലൂടെ സഞ്ചരിക്കുന്നതിനോടൊപ്പം സംഭോഗസമയത്ത് യോനിയില്‍ നിക്ഷേപിക്കപ്പെടുന്ന ബീജം ഗര്‍ഭാശയത്തെയും താണ്ടി ബീജവാഹിനിയില്‍ എത്തിച്ചേരുകയും ചെയ്യുന്നു. അവിടെവച്ച് ബീജസങ്കലനം (Fertilization) നടക്കുന്നതോടുകൂടി അത് ഭ്രൂണമായി (Zygote) മാറുകയും ചെയ്യുന്നു. അങ്ങനെ അണ്ഡവാഹിനികള്‍ അണ്ഡത്തെ ഗര്‍ഭാശയത്തിലേക്കു നയിക്കുന്നതോടൊപ്പം പുരുഷബീജത്തെ അണ്ഡത്തിലേക്കു നയിച്ച് ബീജസങ്കലനം സാധ്യമാക്കുകയും ചെയ്യുന്നുണ്ട്. ഭ്രൂണം തുടര്‍ന്ന് ഗര്‍ഭാശയത്തിലെത്തിച്ചേരുന്നു.

ഓരോ അണ്ഡകോശങ്ങളില്‍ നിന്നും ഒന്നിടവിട്ട മാസങ്ങളിലാണ് അണ്‌ഡോത്സര്‍ഗ്ഗം നടക്കുന്നത് അതിനാല്‍ ഒരു അണ്ഡവാഹിനിയിലൂടെ ഒന്നിടവിട്ട മാസത്തിലാണ് അണ്ഡം സഞ്ചരിക്കേണ്ടി വരുന്നത്. അണ്ഡവാഹിനികള്‍ക്കുള്ളിലെ ദ്വാരം ഏതെങ്കിലും കാരണവശാല്‍ സ്ഥിരമായോ താല്‍ക്കാലികമായോ അടഞ്ഞുപോയാല്‍ അണ്ഡത്തിനും ബീജത്തിനും സംയോജിക്കാന്‍ കഴിയാതെ വരും. താല്‍ക്കാലികമോ സ്ഥിരമോ ആയ വന്ധ്യതയ്ക്ക് ഇത് വഴി ഒരുക്കും.

ബീജസങ്കലനശേഷം ഏതെങ്കിലും കാരണവശാല്‍ അണ്ഡവാഹിനിയുടെ ദ്വാരം അടഞ്ഞുപോയാല്‍ ഭ്രൂണത്തിന് ഗര്‍ഭാശയത്തിലെത്തിചേരാന്‍ കഴിയാതെ വരും. ഇത്തരം സന്ദര്‍ഭങ്ങളില്‍ ഭ്രൂണം അണ്ഡവാഹിനിക്കുള്ളില്‍ തന്നെ ഗര്‍ഭമായി വളരാന്‍ തുടങ്ങുന്നു. ഈ അവസ്ഥയ്ക്ക് നാളീഗര്‍ഭം (Tubal Pregnancy) എന്നു പറയുന്നു. ഗര്‍ഭകാലങ്ങളില്‍ അസാധാരണത്വമൊന്നും ദൃശ്യമാകാത്തതിനാല്‍ ആദ്യദശയില്‍ ഇത് തിരിച്ചറിയാനാകില്ല. എന്നാല്‍ ഗര്‍ഭം വളരുന്നതോടെ വിദഗ്ധനായ ഒരു ഗൈനക്കോളജിസ്റ്റിന് പരിശോധനയിലൂടെ ഇത് മനസ്സിലാക്കാന്‍ സാധിക്കുന്നു.

സ്തനങ്ങള്‍ (Mammary glands)
കുചം, വക്ഷോജം, മുലകള്‍ എന്നീ പേരുകളിലും പരാമര്‍ശിക്കപ്പെടാറുള്ള സ്തനങ്ങളെ സ്ത്രീകളുടെ ലൈംഗികാവയവങ്ങളുടെ കൂട്ടത്തിലാണ് ഉള്‍പ്പെടുത്തിയിരിക്കുന്നത്. ശിശുവിനെ പാലൂട്ടുക എന്ന ധര്‍മ്മവും അത് നിര്‍വ്വഹിക്കുന്നുണ്ട്. ഗര്‍ഭകാലത്തിന് സന്നദ്ധയാകുന്ന കൗമാരകാലത്തോടെ സ്തനങ്ങളും വികസിച്ചു വരുന്നു. സ്ത്രീയുടെ ഏറ്റവും ആകര്‍ഷണീയമായ ലൈംഗികാവയവമാണ് സ്തനങ്ങളെന്നു പറയാം.

സ്ത്രീയുടെ കുചകുംഭങ്ങളുടെ സൗന്ദര്യ പ്രചുരിമയെ വാഴ്ത്താത്ത കവികളോ കലാകാരന്മാരോ ഇല്ലെന്നു തന്നെ പറയാം. അനശ്വരസൗന്ദര്യത്തിന്റെ നിത്യപ്രതീകമായിത്തന്നെ കലാസാഹിത്യാദികളില്‍ സ്തനങ്ങള്‍ സ്ഥാനം പിടിച്ചിരിക്കുന്നു. പനിനീര്‍ക്കുടമായും പാല്‍ക്കുടമായും പൊന്‍കുടമായും എന്തിന് താഴികക്കുടങ്ങള്‍ എന്നുപോലും സ്തനങ്ങളെ എത്രയെത്ര കവികള്‍ വര്‍ണ്ണിച്ചിരിക്കുന്നു. വലിപ്പത്തിലും രൂപഭംഗിയിലും സ്ത്രീകളുടെ സ്തനങ്ങള്‍ ഒന്നിനൊന്നു വ്യത്യസ്തങ്ങളത്രേ. മിക്ക പുരുഷന്മാരും സ്ത്രീ സൗന്ദര്യത്തിന്റെ പ്രധാന മാനദണ്ഡമായി കാണുന്നത് മികവൊത്ത സ്തനങ്ങളെയാണ്. സ്ത്രീത്വത്തിന്റെയും സൗന്ദര്യത്തിന്റെയും മുഖമുദ്രയായിത്തന്നെ സ്തനങ്ങള്‍ വീക്ഷിക്കപ്പെടുന്നു. തങ്ങളുടെ ശാരീരികാവയവങ്ങളില്‍ ഏറ്റവും പ്രധാനപ്പെട്ടതായി സ്ത്രീകളും സ്തനങ്ങളെ പരിഗണിക്കുന്നു.

പ്രാചീനകാലത്തെ സ്‌തോത്രകൃതികളില്‍പ്പോലും സ്തനസൗന്ദര്യം വര്‍ണ്ണിക്കപ്പെട്ടിട്ടുണ്ട്. കാളിദാസന്റെയും ജയദേവന്റെയും കൃതികളില്‍ ആലങ്കാരികമായ സ്തനവര്‍ണ്ണനകള്‍ സുലഭമായികാണാം. ശകുന്തളയുടെ വല്‍ക്കലത്തെ ഞെരുക്കുന്ന സ്തനവികാസമാണ് ദുഷ്യന്തനെ അവളിലേക്ക് ആകര്‍ഷിച്ചത്. ഗീതഗോവിന്ദത്തിലെ രാസകേളിയില്‍ രാധയുടെ കൊങ്കകളാകുന്ന ഹേമകുംഭം കൃഷ്ണന്‍ തന്റെ നെഞ്ചിനാലേ മര്‍ദ്ദിക്കുകയല്ലേ എന്ന് ജയദേവകവി സന്ദേഹിക്കുന്നുണ്ട്. സൗന്ദര്യ ലഹരിയില്‍ ത്രിപുരാ സുന്ദരിയായ ദേവിയുടെ സ്തനങ്ങളെ ആനക്കുട്ടിയുടെ മസ്തകങ്ങളുമായാണ് ശങ്കരാചാര്യര്‍ സാമ്യപ്പെടുത്തുന്നത്.

ധാരാളം കൊഴുപ്പും (Fat) ക്ഷീരോല്പാദനക്ഷമമായ ഗ്രന്ഥികളും (Glands) ഉള്‍ച്ചേര്‍ന്ന അവയവമാണ് സ്തനങ്ങള്‍. അതിന്റെ വലിപ്പചെറുപ്പം ഹോര്‍മോണുകളുടെ തോതിനെ ആശ്രയിച്ചിരിക്കുന്നു. ആര്‍ത്തവവും പ്രസവവും സ്തനങ്ങളുടെ വലിപ്പത്തിലും രൂപത്തിലും വ്യത്യാസം വരുത്തുന്നുണ്ട്. മാമ്മറി ഗ്ലാന്റിന്റെ (Mammary gland) ചുറ്റുമുള്ള കൊഴുപ്പിന്റെ അളവ് സ്തനങ്ങളുടെ വലിപ്പത്തെ ക്രമീകരിക്കുന്നു.

സ്ത്രീകളില്‍ യൗവ്വനാരംഭത്തോടുകൂടിയാണ് സ്തനങ്ങള്‍ വികസിച്ചു വരുന്നത്. ഈസ്ട്രജന്‍ എന്ന അന്തഃസ്രാവമാണ് സ്ത്രീകളില്‍ ലൈംഗികവളര്‍ച്ചയ്ക്ക് സഹായിക്കുന്നത്. ഈസ്ട്രജന്‍ രക്തത്തില്‍ സംക്രമിക്കുന്നതോടെ നെഞ്ചില്‍ കൂടുതല്‍ കൊഴുപ്പ് അടിഞ്ഞുകൂടുകയും സ്തനങ്ങള്‍ വികാസം പ്രാപിക്കുകയും ചെയ്യുന്നു. സ്തനങ്ങളുടെ മധ്യഭാഗത്തായി മുലഞെട്ടുകള്‍ (Nipple) കാണപ്പെടുന്നു. കുഞ്ഞിന് പാല്‍ നല്‍കുവാനാണ് ഇത് ഉപകരിക്കുന്നത്. ചിലരില്‍ മുലഞെട്ട് സ്തനങ്ങളില്‍ പറ്റിയും മറ്റുചിലരില്‍ മുന്‍പോട്ടു തള്ളിയുമിരിക്കും. സ്തനത്തിന്റെ കറുത്ത ഷേഡുള്ള (Areola) പ്രദേശത്താണ് മുലഞെട്ട് സ്ഥിതി ചെയ്യുന്നത്. പ്രസവിക്കാത്തവരില്‍ മുലഞെട്ടിന് ഇളം ചുവപ്പുനിറമോ, അല്പം കടുംചുവപ്പു നിറമോ ആയിരിക്കും. എന്നാല്‍ ഗര്‍ഭം വളര്‍ച്ച പ്രാപിക്കുന്നതോടെ സ്തനങ്ങള്‍ കൂടുതല്‍ വലുതാകുകയും മുലക്കണ്ണുകള്‍ ഇരുണ്ടു കറുക്കുകയും ചെയ്യുന്നു..

സ്തനങ്ങള്‍ക്കുള്ളില്‍ ഒട്ടനവധി സ്തനപിണ്ഡങ്ങള്‍ (Lobules) ഉണ്ട്. മുലപ്പാല്‍ ഉല്പാദിപ്പിക്കുന്നതാണ് ഇവയുടെ ധര്‍മ്മം. സ്തന്യപിണ്ഡങ്ങള്‍ക്കു ചുറ്റും കൊഴുപ്പ് നിറഞ്ഞു നില്‍ക്കുന്നു. സ്തന്യഗ്രന്ഥികളില്‍ നിന്നു മുലപ്പാല്‍ അനേകം ചെറുകുഴലുകള്‍ വഴി മുലഞെട്ടുകളില്‍ എത്തിച്ചേരുന്നു. മുലപ്പാല്‍ ഉല്പാദിപ്പിക്കുന്ന ഗ്രന്ഥികളെ സ്തന്യഗ്രന്ഥി (Follicle)എന്നു വിളിക്കുന്നു. സ്തന്യഗ്രന്ഥികളില്‍ നിന്ന് മുലപ്പാലിനെ മുലഞെട്ടുവരെ വഹിക്കുന്ന നാളികളെ സ്തന്യവാഹിനികള്‍ (Milk ducts)എന്നു വിളിക്കുന്നു. വലപോലുള്ള പേശീസമൂഹമാണ് സ്തന്യപിണ്ഡങ്ങളെയും മറ്റും യഥാസ്ഥാനത്ത് ഉറപ്പിച്ചുനിര്‍ത്തുന്നത്.

തണുപ്പ് കൂടുമ്പോഴോ, ലൈംഗികോത്തേജനമുണ്ടാകുമ്പോഴോ മുലഞെട്ടുകള്‍ എഴുന്നുനില്‍ക്കുന്നു. മുലഞെട്ടുകളിലുള്ള ഗ്രന്ഥികളില്‍നിന്ന് വികാരോത്തേജനമുണ്ടാകുമ്പോഴും മറ്റും ചോറിയതോതില്‍ സ്രാവങ്ങള്‍ ഉണ്ടാകാറുണ്ട്. ഏരിയോളയിലെ ഗ്രന്ഥികള്‍ ഗര്‍ഭകാലത്ത് പശിമയുള്ള ഒരു ദ്രാവകം ഉല്‍പ്പാദിപ്പിക്കുകയും അത് മുലഞെട്ടിനെ സംരക്ഷിക്കുകയും ചെയ്യുന്നു. ഏരിയോളയില്‍ രോമം മുളയ്ക്കുന്നതും അസാധാരണമല്ല. ഹോര്‍മോണുകളുടെ സന്തുലിതാവസ്ഥ വ്യത്യാസപ്പെടുന്നതിനാലാണിത്.

പ്രസവാനന്തരം രണ്ടുമൂന്നു ദിവസങ്ങള്‍ക്കകം സ്തനങ്ങളില്‍ ധാരാളമായി പാല്‍ ഉല്പാദിപ്പിക്കപ്പെടുന്നു.

രതിവിജ്ഞാനം:ആസനങ്ങള്‍

വൈവിധ്യമാര്‍ന്ന നിരവധി ലൈംഗിക ആസനങ്ങളെ വാത്സ്യായനന്‍ വിസ്തരിക്കുന്നുണ്ടെങ്കിലും വ്യക്തികളുടെ അഭിരുചിഭേദമനുസരിച്ചു വേണം അവ തെരഞ്ഞെടുക്കേണ്ടതെന്നായിരുന്നു ആചാര്യപക്ഷം. ജനനേന്ദ്രിയങ്ങളുടെ വലിപ്പവും ശാരീരികാരോഗ്യവും പരിഗണിച്ചുവേണം സംവേശന നിലകള്‍ സ്വീകരിക്കേണ്ടത്. സംഭോഗ ആസനങ്ങള്‍ ലൈംഗികോത്തേജനത്തെ ത്വരിതപ്പെടുത്തുകയും പുതുമ പ്രസരിപ്പിക്കുകയും ചെയ്യുന്നതിനാല്‍ ദാമ്പത്യജീവിതത്തില്‍ ആസ്വാദ്യതയും നിത്യനൂതനത്വവും നിലനിര്‍ത്തുവാന്‍ സഹായിക്കുന്നു. സ്ത്രീപുരുഷ ജനനേന്ദ്രിയങ്ങള്‍ പരമാവധി സംയോജിപ്പിക്കുവാന്‍ സാധിക്കുന്ന ആസനങ്ങള്‍ ദമ്പതിമാര്‍ ഔചിത്യപൂര്‍വ്വം സ്വീകരിക്കേണ്ടതാണ്. രതിവൈചിത്ര്യങ്ങള്‍ ഇരുവര്‍ക്കും ഭാവനാചക്രവാളങ്ങള്‍ വികസ്വരമാക്കുവാനും ശരീരഭാഗങ്ങളുടെ മാദകത്വവും സൗന്ദര്യവും ആസ്വദിക്കുവാനും അവസരമൊരുക്കുന്നു. എന്നാല്‍ ശരീരത്തിന്റെ വണ്ണവും ഭാരവുമൊക്കെ പരിഗണിച്ചുവേണം സംവേശനരീതികള്‍ തിരഞ്ഞെടുക്കാന്‍. രോഗഗ്രസ്തരും രോഗവിമുക്തി നേടിയവരും മറ്റും നിഷ്‌ക്രിയനില സ്വീകരിക്കുകയാണ് ഉചിതം. ലിംഗം തീരെ ചെറുതും യോനി വല്ലാതെ വലുതുമാണെങ്കില്‍ ജനനേന്ദ്രിയങ്ങള്‍ നന്നായി ചേര്‍ന്നിരിക്കുന്ന ആസനങ്ങളാകണം തെരഞ്ഞെടുക്കുവാന്‍. സ്ഥൂലകായരായ പുരുഷന്മാര്‍ക്ക് ഉപരിസുരതമായിരിക്കും നല്ലത്. ഗര്‍ഭിണികള്‍ വയറില്‍ സമ്മര്‍ദ്ദമേല്‍ക്കുന്നതും ആഴത്തില്‍ യോനീസംവേശനം നടക്കുന്നതുമായ സമ്പ്രയോഗങ്ങള്‍ ഒഴിവാക്കേണ്ടതാണ്.

ശീഘ്രസ്ഖലനം അനുഭവപ്പെടുന്ന ക്ഷിപ്രവേഗന്മാര്‍ ലൈംഗികബന്ധത്തില്‍ താരതമ്യേന നിഷ്‌ക്രിയനിലയാണ് സ്വീകരിക്കേണ്ടത്. ഏതുതരം സംവേശനരീതി പ്രയോഗിച്ചാലും ആധിയും സംഘര്‍ഷവും ദ്വേഷവും ഒഴിഞ്ഞ മനസ്സോടെയേ അവയില്‍ വ്യാപരിക്കാവൂ. ശാന്തിയും സമാധാനവും ആനന്ദവും നുകരാവുന്ന ഒരന്തരീക്ഷത്തില്‍ പരമാവധി ക്ഷമാശീലത്തോടെ വേണം രതിക്രീഡയില്‍ ഏര്‍പ്പെടാന്‍. പ്രീതികരങ്ങളായ വാത്സല്യവചസ്സുകളോതി ബാഹ്യലീലകളാല്‍ ഉത്തേജിതരായി സാവധാനത്തിലും ക്ഷമയോടെയും വേണം മന്മഥലീല ആസ്വദിക്കുവാന്‍.

രതിവിജ്ഞാനം:സംഭോഗ നിലകള്‍

നായികാനായകന്മാര്‍ പരസ്പരം കാല്‍നീട്ടിവെച്ചു കിടക്കുന്നത് സംപുടകം. ചരിഞ്ഞുകിടന്നും(പാര്‍ശ്വസംപുടകം) മലര്‍ന്നുകിടന്നും (ഉത്താനസംപുടകം) സംപുടകം പ്രയോഗിക്കാവുന്നതാണ്. പുരുഷന്‍ ഇടത്തോട്ടും സ്ത്രീ വലത്തോട്ടും ചരിഞ്ഞുകിടന്നുകൊണ്ടുള്ള സംപുടകമാണ് സര്‍വ്വസാധാരണം.

നായിക പ്രത്യേകരീതിയില്‍ ശയിച്ചുകൊണ്ട് വസ്തീപേശികളെ നിയന്ത്രിച്ചാല്‍ യോനീസങ്കോചം സാധ്യമാകും. പിടിയാന വര്‍ഗ്ഗത്തില്‍പ്പെട്ട സ്ത്രീകള്‍ക്കാണ് സംഭോഗം രസപൂര്‍ണ്ണമാക്കുവാനായി നീചരതത്തിലെ യോനീസങ്കോചരീതികള്‍ അനുവര്‍ത്തിക്കേണ്ടി വരുന്നത്. സംപുടകം, പീഡിതകം, വേഷ്ടിതകം എന്നീ നീചരതങ്ങള്‍ക്കാണ് കൂടുതല്‍ പ്രചാരം.

നായികാനായകന്മാരില്‍ സ്ത്രീ അടിയിലായോ പരസ്പരം വശം ചരിഞ്ഞോ ശയിക്കുമ്പോള്‍ സ്ത്രീ തന്റെ തുടകളടുപ്പിച്ച് യോനി സങ്കോചിപ്പിക്കുന്നതാണ് സംപുടകം. ഇരുവരും പരമാവധി പറ്റിച്ചേര്‍ന്നായിരിക്കും കിടക്കുക. പാര്‍ശ്വസംപുടകത്തില്‍ സ്ത്രീയുടെ അടിവയര്‍ ചുരുങ്ങുന്നതിനാല്‍ പുരുഷന് അവളുടെ കൃസരിയെ ഉത്തേജിപ്പിക്കാനാകുന്നു. നായകന്‍ തലയണയോ മറ്റോ ഉപയോഗിച്ച് അരക്കെട്ട് ഉയര്‍ത്തിവയ്ക്കണം.

ജഘനപ്രദേശം പരമാവധി അടുപ്പിച്ച് ജനനേന്ദ്രിയങ്ങള്‍ പരസ്പരം ദൃഢമായി അമര്‍ത്തുന്നതാണ് പീഡിതകം. സ്ത്രീ പുരുഷന്റെ തുടയെ തന്റെ തുടകൊണ്ട് ചുറ്റിപിണയ്ക്കുന്നതാണ് വേഷ്ടിതകം. നായിക പുരുഷലിംഗത്തെ പിടിച്ച് യോനിയിലേക്ക് പെണ്‍കുതിരയെപോലെ പ്രവേശിപ്പിക്കുന്നതാണ് ബാഡവകം.

സംപുടകത്തിന്റെ പരിഷ്‌കരിച്ച രീതിയാണ് പീഡിതകം. ഉല്‍പാദനേന്ദ്രിയങ്ങള്‍ പരസ്പരം ഞെരിഞ്ഞമരുകയാണ് പീഡിതകത്തില്‍ സംഭവിക്കുന്നത്. സ്ത്രീ തന്റെ തുടകള്‍ അടുപ്പിച്ചുകൊണ്ട് ലിംഗത്തെ യോനിയില്‍ വച്ചമര്‍ത്തുന്നു. ലിംഗവും യോനിയും ഇവിടെ പരസ്പരം കൊരുത്തുനില്‍ക്കുന്നു. സ്ത്രീ മലര്‍ന്നുകിടന്നും ചരിഞ്ഞുകിടന്നും ഇത് പ്രയോഗിക്കാം.

സംവേശനശേഷം നായിക തന്റെ ഒരു കാല്‍ നായകന്റെ തുടയില്‍ കയറ്റിവയ്ക്കുകയും ഗുഹ്യവയവങ്ങള്‍ ഞെരിച്ചമര്‍ത്തുകയുമാണ് വേഷ്ടിതകത്തില്‍ ചെയ്യുന്നത്. ചരിഞ്ഞു കിടന്നുകൊണ്ട് ഇത് ചെയ്യുന്നതാണ് കൂടുതല്‍ ആസ്വാദ്യകരം. നായികാനായകന്മാര്‍ മുകളിലും താഴെയുമായാണ് വേഷ്ടിതകം പ്രയോഗിക്കുന്നതെങ്കില്‍ നായികയുടെ ഇടത്തേത്തുട വലത്തോട്ടും നായകന്റെ വലത്തേത്തുട ഇടത്തോട്ടും തള്ളിക്കൊണ്ടാകണം സംവേശനം നടത്തേണ്ടത്. വേഷ്ടിതകത്തില്‍ പീഡിതകത്തേക്കാള്‍ കൂടുതല്‍ യോനീ സങ്കോചം സംഭവിക്കുന്നു.

ആഴവും പരപ്പുമാര്‍ന്ന യോനിയുള്ള ഹസ്തിനികള്‍ക്ക് ചെറിയലിംഗമുള്ള മുയല്‍ജാതിയില്‍പ്പെട്ട പുരുഷനെപ്പോലും സ്വീകരിക്കാന്‍ കഴിയുന്ന സംവേശന രീതിയാണ് ബാഡവകം. നായികാനായകന്‍മാര്‍ വേഷ്ടിതകത്തിലെന്നപ്പോലെ കിടന്നശേഷം നായിക തന്റെ തുടകളടുപ്പിച്ച് യോനീപേശികളെ പെണ്‍കുതിര ചെയ്യുമ്പോലെ സങ്കോചിപ്പിച്ച് ലിംഗത്തെ ആസ്വദിക്കുന്നതാണിത്. ആന്ധ്രാക്കാരികള്‍ ഇതില്‍ പ്രവീണരാണെന്നു പറയപ്പെടുന്നു.

പൂര്‍വ്വാചാര്യപ്രോക്തങ്ങളായ ഒട്ടേറെ സംവേശനരീതികളെ വാത്സ്യായനന്‍ വിശദീകരിക്കുന്നുണ്ട്. ഓരോന്നും ശാസ്ത്രദൃഷ്ട്യാ പരിശോധിച്ച ശേഷം സ്വീകരിക്കുകയോ നിരാകരിക്കുകയോ ചെയ്യുന്നതാണ് ആചാര്യന്റെ രീതി. ഭുഗ്നകം, ജൃംഭിതകം, ഉത്പീഡിതകം, അര്‍ദ്ധപീഡിതകം, പത്മാസനം, പുരാവൃത്തകം എന്നീ മൈഥുനരീതികളാണ് അദ്ദേഹം നിര്‍ദ്ദേശിക്കുന്നത്.
നായിക മലര്‍ന്നുകിടന്ന് തന്റെ തുടകളുയര്‍ത്തി ചേര്‍ത്തുവച്ച് കാല്‍മുട്ടുകള്‍ അല്‍പ്പം മടക്കിക്കൊണ്ടു നടടത്തുന്ന സുരതമാണു ഭുഗ്നകം. നായകന്‍ നായികയുടെ നിതംബത്തെ തന്റെ മടിയിലുയര്‍ത്തി വച്ച് സംപ്രവേശനം നടത്തുന്നു. ഹസ്തിനികള്‍ക്കാണ് ഈ രീതി അനുയോജ്യം.

നായിക മലര്‍ന്നുകിടന്ന് കാലുകള്‍ രണ്ടും നായകന്റെ ചുമലറ്റമുയര്‍ത്തി നടത്തുന്ന സംവേശനമാണ് ജൃംഭിതകം. ഭഗദ്വാരം സങ്കോചിക്കുന്നതിനാല്‍ മുയല്‍ജാതിയില്‍പ്പെട്ട പുരുഷനുപോലും ഈ സുരതക്രീയ രസകരമത്രേ.

നായിക മലര്‍ന്നുകിടന്നുകൊണ്ട് കാലുകള്‍ മടക്കി നായകന്റെ വിരിമാറിലമര്‍ത്തി നടത്തുന്ന മൈഥുനമാണ് ഉത്പീഡിതകം. നായകന്റെ കരങ്ങള്‍ അവളുടെ കഴുത്തില്‍ ചുറ്റിയിരിക്കും. ഉത്പീഡിതത്തിലെന്നപോലെ ശയിച്ചശേഷം നായികയുടെ ഒരു കാല്‍ മടക്കിയും മറ്റേകാല്‍ നിവര്‍ത്തിയും നടത്തുന്ന സംവേശനമാണ് അര്‍ദ്ധപീഡിതകം.

നായിക മലര്‍ന്നുകിടന്ന് ഒരുകാല്‍ നീട്ടിവച്ചും മറ്റേകാല്‍ നായകന്റെ കഴുത്തില്‍ ചുറ്റിയും നടത്തുന്ന സുരതക്രിയയാണ് വേണുദാരിതകം. അല്പം അഭ്യാസം വേണ്ട ഒന്നാണിത്. വലതുകാലും ഇടതുകാലും ഇടവിട്ട് ചുമലില്‍ വച്ചാണ് ഇത് പ്രയോഗിക്കേണ്ടത്. നായികയുടെ ഇടതുകാല്‍ നായകന്റെ വലതുചുമലിലും പിന്നീട് വലതുകാല്‍ ഇടതുചുമലിലുമായിരിക്കും വിശ്രമിക്കുക. ഈ രീതി സ്തനാലിംഗനത്തിനും മറ്റും സൗകര്യമൊരുക്കുന്നു.

നായിക മലര്‍ന്നുകിടന്ന് രണ്ട് കാലുകളും ചേര്‍ത്തുമടക്കി നായകന്റെ ഉപസ്ഥത്തില്‍ മുട്ടിച്ചുകൊണ്ട് നടത്തുന്ന സംവേശനത്തെ കാര്‍ക്കടകം എന്നു പറയുന്നു.

നായിക മലര്‍ന്നുകിടന്ന് ഒരുകാല്‍ ഉയര്‍ത്തി സ്വന്തം തലയ്ക്കുമീതേവച്ചും മറ്റേ കാല്‍ നിവര്‍ത്തിവച്ചും നടത്തുന്ന മൈഥുനം ശൂലാചിതകം.

നായിക മലര്‍ന്നുകിടന്ന് തന്റെ വലതുകാലടിയെ ഇടതു തുടയുടെ മുകളിലും ഇടതുകാലടിയെ വലതുതുടയുടെ ഉള്‍ഭാഗത്തും പത്മാസനത്തിലെന്നപോലെ പിണച്ചു വച്ച് നടത്തുന്ന മന്മഥലീലയാണ് പത്മാസനം, അഭ്യാസം കൊണ്ടേ ഇത് സാധ്യമാകൂ.

നിരന്തരപരിശീലനം കൊണ്ടുമാത്രം സാധിക്കുന്ന മറ്റൊരു സംഭോഗരീതിയാണ് പുരാവൃത്തകം. നായികാനായകന്മാര്‍ വേഴ്ചയിലേര്‍പ്പെടുമ്പോള്‍ തന്നെ ലിംഗ-യോനിബന്ധം വിടര്‍ത്താതെ സ്ത്രീ ശരീരം വളച്ച് നായകന്റെ പുറത്തെ പരിരംഭണം ചെയ്യുന്നതാണിത്. പുരുഷന്‍ മുട്ടുകുത്തി പിന്‍കാലിലിരിക്കുമ്പോള്‍ സ്ത്രീ അയാളുടെ അരക്കെട്ടിനെ തന്റെ കാലുകൊണ്ട് ചുഴറ്റി കിടക്കയില്‍ കിടക്കുകയും പുരുഷന്‍ അവളുടെ പുറത്തെ ആശ്ലേഷിക്കുകയും ചെയ്യുന്നതും പുരാവൃത്തകത്തിന്റെ മറ്റൊരു വകഭേദമാണ്.

വെള്ളത്തില്‍ ഇരുന്നോ കിടന്നോ നിന്നോ ചെയ്യുന്ന ജലമൈഥുനം സുവര്‍ണ്ണനാഭന്‍ നിര്‍ദ്ദേശിക്കുന്നുണ്ടെങ്കിലും ഇത് അത്ര ആശാസ്യകരമായി വാത്സ്യായനന്‍ കരുതുന്നില്ല.

ജലാശയങ്ങളില്‍ നായികാനായകന്മാര്‍ ആര്‍ത്തുതുടിച്ചും കെട്ടിപ്പിടിച്ചും നടത്തുന്ന ജലക്രീഡകള്‍ പ്രാചീനകാലത്ത് അപൂര്‍വ്വമായിരുന്നില്ല. ജലത്തില്‍ ശരീരഭാരം കുറയുന്നതിനാല്‍ പല സങ്കീര്‍ണ്ണമായ സംഭോഗാസനങ്ങളും ജലക്രീഡയില്‍ പരീക്ഷിച്ചു നോക്കിയിരുന്നു.

ചിത്രരതം
കിടന്നോ ഇരുന്നോ ചെയ്യുന്നവയ്‌ക്കൊപ്പം നിന്നുകൊണ്ടോ നാല്‍ക്കാലികളെപ്പോലെ കയ്യും കാലും നിലത്തുകുത്തിക്കൊണ്ടോ അനുഷ്ഠിക്കേണ്ട സുരതക്രിയകളും ആചാര്യ വാത്സ്യായനന്‍ അവതരിപ്പിക്കുന്നുണ്ട്. ചിത്രരതം എന്നാണ് ഇത് അറിയപ്പെടുന്നത്. ഒന്നിലേറെ നായികമാരുമായി ഒരു പുരുഷന്‍ രമിക്കുന്നതും മറ്റനേകം രതിവൈചിത്ര്യങ്ങളും ചിത്രരതങ്ങള്‍ തന്നെ.

നായികാനായകന്മാര്‍ പരസ്പരം ആശ്ലേഷിച്ചോ മതിലോ, തൂണോ ചാരിനിന്നോ ചെയ്യുന്ന രതിക്രീഡയാണ് സ്ഥിരരതം.

നായികാനായകന്മാര്‍ അഭിമുഖമായി നിന്നുകൊണ്ട് പുരുഷന്‍ സ്ത്രീയുടെ കണങ്കാലില്‍ പിടിച്ച് അവളുടെ തുടയെ തന്റെ മേല്‍ത്തുടയുടെ വശത്ത് അമര്‍ത്തിക്കൊണ്ട് സംവേശനം സാധിക്കുന്നു. പുരുഷന്റെ ഒരു കരം സ്ത്രീയുടെ പിന്‍ഭാഗത്തെ ആശ്ലേഷിച്ചിരിക്കും. നിതംബചലനം സുഖകരമാകുന്നതിനായി സ്ത്രീ ഒരു കൈകൊണ്ട് ചുമരില്‍താങ്ങിയിരിക്കും. നായികയുടെ വലതുകാലാണ് നായകന്‍ ഉയര്‍ത്തിയിരിക്കുന്നതെങ്കില്‍ അവളുടെ വലുതകൈയായിരിക്കും ചുമരില്‍ തൊട്ടിരിക്കുക. തന്റെ വലതുപാദം പുരുഷന്റെ ഇടതു പാദത്തില്‍ വച്ചായിരിക്കും നായിക നിലകൊള്ളുക.

നായിക തന്റെ വലതുകൈകൊണ്ട് പുരുഷന്റെ ചുമലിലും ഇടതുകൈകൊണ്ട് അയാളുടെ വലതുകൈയുടെ മേല്‍ഭാഗത്തും പിടിച്ചുകൊണ്ട് ഇടതുതുട ഉയര്‍ത്തി അയാളുടെ മേല്‍തുടയില്‍ അമര്‍ത്തിക്കൊണ്ടു നടത്തുന്ന മറ്റൊരുതരം സ്ഥിരരതവുമുണ്ട്. അവളുടെ ഇടതുതുട അയാള്‍ തന്റെ വലംകൈകൊണ്ടും പിന്‍ഭാഗം ഇടതുകൈകൊണ്ടും പിടിച്ചിരിക്കും.

കരുത്തന്മാരായ പുരുഷന്മാര്‍ക്കായി രൂപകല്‍പന ചെയ്തിരിക്കുന്ന സ്ഥിരരതമാണ് അവലംബതികം. ചുമരുചാരിനില്‍ക്കുന്ന പുരുഷന്‍ തന്റെ കൈവിരലുകള്‍ കോര്‍ത്തുവച്ച് നായികയെ അതിലിരുത്തുന്നു. അവള്‍ പുരുഷന്റെ കഴുത്തില്‍ കൈകള്‍ കോര്‍ത്ത് തുടകള്‍ കൊണ്ട് അരക്കെട്ടിനെ ചുറ്റി ചുമലില്‍കാല്‍ വച്ച് അരക്കെട്ടു ചലിപ്പിച്ചുകൊണ്ട് സുരതം നടത്തുന്നു. മാറും ചുണ്ടും പരസ്പരം സ്പര്‍ശിച്ചു നടത്തുന്ന ഈ സംവേശനം ആരോഗ്യമുള്ള സ്ത്രീപുരുഷന്മാര്‍ക്ക് ആസ്വാദ്യകരമത്രേ.

മൃഗങ്ങളുടെ മൈഥുനരീതികള്‍ അനുകരിക്കുന്ന ചില സംവേശന സമ്പ്രദായങ്ങളും ആചാര്യന്‍ വിശദീകരിക്കുന്നുണ്ട്.

സ്ത്രീ നിലത്തു കൈയും കാലും ഊന്നി പശുവിനെപ്പോലെ നില്‍ക്കുമ്പോള്‍ പുരുഷന്‍ അവളുടെ പിന്നില്‍നിന്നും വൃഷഭത്തെപ്പോലെ നടത്തുന്ന സുരതമാണ് ധേനുകം. ബാഹ്യലീലകള്‍ സ്ത്രീയുടെ മാറിനുപകരം പിന്‍ഭാഗത്തായിരിക്കും നടത്തുക. മാനിനെപ്പോലെയും ആടിനെപ്പോലെയും കഴുതയെപ്പോലെയും പൂച്ചയെപ്പോലെയും പുലിയെപ്പോലെയും കുതിരയെപ്പോലെയും ആനയെപ്പോലെയും പന്നിയെപ്പോലെയും നായയെപ്പോലെയും വൈചിത്ര്യമാര്‍ന്ന രീതികളില്‍ രതിലീലകളില്‍ ഏര്‍പ്പെടാം. മൃഗങ്ങളെപ്പോലെ ലാളനയും അക്രമസ്വഭാവവുമെല്ലാം പ്രയോഗിക്കുവാന്‍ ആചാര്യന്‍ സ്വാതന്ത്ര്യമനുവദിക്കുന്നുണ്ട്. പശുക്കളുടേതുപോലുള്ള ഇണചേരലിനെ ധേനുകമെന്നും നായ്ക്കളുടേതുപോലുള്ളതിനൊ ശൗനമെന്നും മാനുകളുടേതുപോലുള്ള രീതിയെ ഐണേയമെന്നും പറയുന്നു. ആടുകള്‍ നടത്തുന്ന രതിക്രീഡയെ അനുകരിക്കുന്നതിനെ ഛാഗലമെന്നും കഴുതയുടേതുപോലുള്ളതിനെ ഗര്‍ദ്ദഭാക്രാന്തമെന്നും വിളിക്കുന്നു. പൂച്ചകളുടേതിന് സമാനമായത് മാര്‍ജ്ജാരലളിതകം. നരികള്‍ക്കൊപ്പമുള്ളത് വ്യാഘ്രാവസ്‌കന്ദനവും ആനകളുടേതിനു തുല്യമായത് ഗജോപമര്‍ദ്ദിതവും പന്നികള്‍ക്കു സാമ്യമായത് വരാഹഘൃഷ്ടകവും കുതിരകളുടേതിന് തുല്യമായത് തുരംഗാധിരൂഢകവുമത്രേ.

ധേനുകത്തില്‍ സ്ത്രീ കാലുകള്‍ നിലത്തും കൈകള്‍ നിലത്തുവച്ച തലയിണയിലും ഊന്നി പശുവിനെപ്പോലെ നില്‍ക്കുന്നു. പുരുഷന്‍ പിന്‍ഭാഗത്തുനിന്ന് സംവേശനം നടത്തുന്നു. ഗര്‍ഭാക്രാന്തത്തില്‍ നായിക നിലത്തു കാലുകളൂന്നിയും കൈമുട്ടു മടക്കി തലയിണയിലൂന്നിയും കുനിഞ്ഞു നില്‍ക്കുന്നു. പുരുഷന്‍ അവളുടെ ഒരുകാല്‍ പിടിച്ചു മടക്കി തുടകള്‍ അല്പം അകറ്റി സംവേശനം നടത്തുന്നു. നായിക കാല്‍മുട്ടും കൈമുട്ടും നിലത്തുകുത്തി കമിഴ്ന്നു നില്‍ക്കുമ്പോള്‍ നായകന്‍ അവളുടെ പിന്നില്‍ സമ്പ്രയോഗം നടത്തുന്നതാണ് ഗജോപമര്‍ദ്ദനരീതി.

രണ്ടിലേറെപ്പേര്‍ ചേര്‍ന്നുനടത്തുന്ന ചിത്രരതങ്ങളെപ്പറ്റിയും ആചാര്യവാത്സ്യായനന്‍ പരാമര്‍ശിക്കുന്നുണ്ട്.

പരസ്പര വിശ്വാസമുള്ള രണ്ടു സ്ത്രീകളുമായി ഒരുമിച്ചു രമിക്കുന്നത് സംഘാടകം. രണ്ടിലേറെ സ്ത്രീകളുമൊത്ത് ഇങ്ങനെ ചെയ്യുന്നത് ഗോയൂഥികം. ഇവയിലും ആന, ആട്, മാന്‍ എന്നീ മൃഗങ്ങളെ അനുകരിച്ചുള്ള സംവേശനങ്ങള്‍ സ്വീകരിക്കാവുന്നതാണ്. ആസാമിലെയും കിഴക്കന്‍ ആസാമിലെയും കാശ്മീരിലെയും അന്തഃപ്പുരനാരിമാര്‍ ഇത്തരം ചിത്രരതങ്ങളില്‍ തല്‍പ്പരരായിരുന്നുവത്രേ. ഇത്തരം സാമൂഹിക ക്രീഡകള്‍ക്കായി അന്തഃപുരങ്ങളില്‍ യുവാക്കന്മാരെ പാര്‍പ്പിച്ചിരുന്നു. ഒരു യുവാവ് നായികയെ ആലിംഗനം ചെയ്യുമ്പോള്‍ മറ്റൊരാള്‍ അവളുടെ ജഘനവും വേറൊരാള്‍ വായും ഇനിയുമൊരാള്‍ പിന്‍ഭാഗവും ഉത്തേജിപ്പിച്ചുകൊണ്ടിരിക്കുന്നതായിരുന്നു രീതി. വേശ്യകളും ഇത്തരം സംഭോഗത്തില്‍ പ്രാവീണ്യം സിദ്ധിച്ചിരുന്നു.

കൗള-കാപാലിക സമ്പ്രദായങ്ങള്‍ പ്രചാരത്തിലുണ്ടായിരുന്ന ഭാരതത്തിലെ വിവിധപ്രദേശങ്ങളില്‍ സംഘഭോഗം ഒരു ആചാരമെന്ന നിലയില്‍ അനുഷ്ഠിച്ചിരുന്നു. വാത്സ്യായനന്റെ കാലത്ത് ഭാരതത്തില്‍ ബഹുഭാര്യാത്വം സര്‍വ്വസാധാരണമായിരുന്നു. അങ്ങനെ നിരവധി ഭാര്യമാരെ തൃപ്തരാക്കാന്‍ സഹായിക്കുന്ന സംഘവേഴ്ച ഇവിടെ നിലനിന്നുപോന്നു. സമ്പന്നരായ നാഗരികന്മാര്‍ സംഘാടകം, ഗോയൂഥികം എന്നീ സംഘവേഴ്ചകള്‍ ആസ്വദിച്ചുപോന്നു. ഒരു നായികയുമായി മൈഥുനം നടത്തുമ്പോള്‍ മറ്റൊരുവളെ വദനസുരതത്താലും വേറെ ഒന്നോ രണ്ടോപേരെ കരമൈഥുനത്താലും തൃപ്തിപ്പെടുത്തുന്നതു മുതല്‍ രണ്ടുപേരുടെ ലിംഗങ്ങള്‍ ഒരേ യോനിയില്‍ പ്രവേശിപ്പിക്കുന്നതുവരെയുള്ള വൈചിത്ര്യമാര്‍ന്ന സംഘഭോഗങ്ങള്‍ കാണപ്പെട്ടിരുന്നു. എന്നാല്‍ സാധാരണക്കാര്‍ക്കിടയില്‍ സംഘവേഴ്ചകള്‍ അപൂര്‍വ്വമായിരുന്നു. സംഘാടകവും ഗോയൂഥികവുമൊക്കെ സൈ്വരിണികളിലായിരുന്നു പ്രയോഗിക്കപ്പെട്ടിരുന്നത്. ഒരു ജാരന്‍ മാത്രമുള്ള അന്തഃപുരിനാരിമാരും ഇത്തരം വേഴ്ചകള്‍ ആസ്വദിച്ചിരുന്നു.

സംഘവേഴ്ച നടത്തുന്ന നായകന്‍ ആരോഗ്യവാനും സുരതക്രിയയില്‍ വിദഗ്ധനുമായിരിക്കണം. ഒരു സ്ത്രീക്ക് ഒന്നിലേറെ പുരുഷന്മാരെ ഒരേസമയം തൃപ്തരാക്കുവാന്‍ കഴിയുമെങ്കിലും പുരുഷന് അത് സാധിക്കുവാന്‍ പ്രയാസമത്രേ. ഒരു ശുക്ലസ്ഖലനത്തെ തുടര്‍ന്ന് മിനിറ്റുകളോ, മണിക്കൂറുകളോ കഴിഞ്ഞാലേ പുരുഷന് വീണ്ടും ഉദ്ധാരണം ഉണ്ടാകുകയുള്ളൂ. അതിനാല്‍ നിരവധി സ്ത്രീകളെ ഒരേ സമയം രമിപ്പിക്കുവാനായി അത്തരം പുരുഷന്മാര്‍ വാജീകരണ ഔഷധങ്ങളും മറ്റും സേവിച്ചിരുന്നുവെന്നു വേണം കരുതുവാന്‍.

ദക്ഷിണദേശക്കാര്‍ക്കിടയില്‍ ഗുദഭോഗവും അക്കാലത്ത് അപൂര്‍വ്വമായിരുന്നില്ല. എന്നാല്‍ സ്വവര്‍ഗ്ഗരതിയെ ഭാരതീയര്‍ പ്രോത്സാഹിപ്പിച്ചിരുന്നില്ല. സ്വവര്‍ഗ്ഗരതിയുടെ വകഭേദമായ അധോരതം ദക്ഷിണദേശക്കാര്‍ക്കിടയില്‍ പ്രചാരത്തിലുണ്ടായിരുന്നതായി ആചാര്യന്‍ സൂചിപ്പിക്കുന്നതിനാല്‍ അറബികളില്‍ നിന്ന് അന്നാട്ടുകാര്‍ ഇതു പരിചയിച്ചുവെന്ന് അനുമാനിക്കേണ്ടിയിരിക്കുന്നു. ഗുദത്തിന്റെ പ്രവേശന ദ്വാരത്തിലും അതിനു പിന്നിലുമായി കാണപ്പെടുന്ന മാംസപേശികളെ ഗുദസുഷിരപേശികള്‍ (Sphincters) എന്നാണു വിളിക്കുന്നത്. മലവിസര്‍ജ്ജനം തടയുകയാണ് ഈ പേശികളുടെ കര്‍ത്തവ്യം. എന്നാല്‍ പരിശീലനത്തിലൂടെ ഈ മാംസപേശികളെ സങ്കോചിപ്പിക്കുകയും വികസിപ്പിക്കുകയും ചെയ്യാവുന്നതാണ്. സ്വവര്‍ഗ്ഗഭോഗികള്‍ ഇക്കാര്യത്തില്‍ പരിശീലനം സിദ്ധിച്ചിരിക്കും. ഗുദസുഷിര പേശികള്‍ അയച്ചിടുകയാണെങ്കില്‍ വന്‍കുടലിന്റെ കീഴ്ഭാഗം വരെ ലിംഗത്തെ പ്രവേശിപ്പിക്കുന്നതിന് ബുദ്ധിമുട്ടുണ്ടാവില്ല. ഗുദദ്വാരത്തെ ഉദ്ദീപിപ്പിക്കുന്നതുവഴി ഗുദപേശികളെ അയയ്ക്കാവുന്നതാണ്. ഗുദത്തിനു സമീപം പ്രോസ്റ്റേറ്റ് ഗ്രന്ഥികള്‍ സ്ഥിതിചെയ്യുന്നതിനാല്‍ ഗുദസംഭോഗത്തിനു വിധേയനാകുന്ന വ്യക്തിക്ക് അതുവഴി ആനന്ദമൂര്‍ച്ഛയനുഭവപ്പെടുന്നു. സ്ത്രീകള്‍ കാല്‍മുട്ടും കൈയും നിലത്തുകുത്തി നിന്നാണ് ഗുദസംപ്രവേശനം സാധിക്കുന്നത്. ഇന്ത്യയിലും ചൈനയിലും പുരുഷനും പുരുഷനുമായും പുരുഷനും സ്ത്രീയുമായും ഗുദസംഭോഗം പ്രചാരത്തിലുണ്ടായിരുന്നു. എന്നാല്‍ താന്ത്രികാചാര്യന്മാര്‍ ഗുദരതത്തെ ഒരുവിധത്തിലും പ്രോത്സാഹിപ്പിച്ചിരുന്നില്ല. ശരീരത്തിലെ ജീവോര്‍ജ്ജത്തെ ഈ വൈകൃതം പ്രതികൂലമായി ബാധിക്കുമെന്ന് അവര്‍ വിശ്വസിച്ചു.

രതിവിജ്ഞാനം :സ്ത്രീപുരുഷ സംയോഗരീതികള്‍

സ്ത്രീപുരുഷ സംയോഗരീതികള്‍
നായികാനായകന്മാര്‍ പ്രാരംഭോപചാരങ്ങളായ ആലിംഗന ചുംബനാദികള്‍ക്കുശേഷം ലൈംഗികവേഴ്ചയില്‍ ഏര്‍പ്പെടുന്നതിനെ സംവേശനം എന്നു പറയുന്നു. ഇതിനായി പ്രയോജനപ്പെടുന്ന സുഖകരമായ സംഭോഗനിലകളാണ് ലൈംഗികാസനങ്ങള്‍. രതിസുഖം അവിച്ഛിന്നം നുകരുവാന്‍ സംവേശനത്തില്‍ പ്രാവീണ്യം നേടേണ്ടത് ആവശ്യമത്രേ.

വികാരം മൂര്‍ദ്ധന്യത്തിലെത്തുമ്പോള്‍ ഉച്ചരതം നടത്തേണ്ടിവരുന്ന മാന്‍ജാതിയില്‍പ്പെട്ട സ്ത്രീ തന്റെ ജഘനം വിപുലീകരിച്ചുകൊണ്ടാണ് കിടക്കേണ്ടത്. നീചരതത്തില്‍ ഹസ്തിനി തന്റെ തുടകള്‍ കഴിവുള്ളത്ര അടുപ്പിച്ചുവയ്‌ക്കേണ്ടതാണ്. സമാനരതിയില്‍ ജഘനം സാധാരണപോലെ ഇരുന്നാല്‍മതി. ഇങ്ങനെ ജഘനംകൊണ്ട് നായിക തന്റെ ശരീരപ്രകൃതമനുസരിച്ച സ്വീകരിക്കുന്ന വിവിധരീതികള്‍ വാത്സ്യായനന്‍ വിശദമാക്കുന്നു.
ലൈംഗികവേഴ്ചയില്‍ നിന്ന് പരമാവധി ആനന്ദം നുകരുന്നതിനാണ് സംവേശനവിധികള്‍ പ്രയോഗിക്കുന്നത്. ജഘനം കൊണ്ട് നായിക ലിംഗത്തെ വൈവിധ്യമാര്‍ന്ന രീതികളില്‍ സ്വീകരിക്കുന്നതെങ്ങനെയെന്ന് ആചാര്യന്‍ വിശദമാക്കുന്നു.

യോനിയുടെ ആഴത്തിലും കൂടുതല്‍ ദൈര്‍ഘ്യമുള്ള ലിംഗത്തോടുകൂടിയ നായകന്‍ ആഴം കുറഞ്ഞ യോനിയുള്ള നായികയുമായി വേഴ്ചയില്‍ ഏര്‍പ്പെടുന്നതിനെ ഉച്ചരതം എന്നാണു പറയുന്നത്. യോനിക്ക് ആഴം കൂടുകയും താരതമ്യേന ലിംഗത്തിനു ദൈര്‍ഘ്യം കുറയുകയും ചെയ്യുമ്പോള്‍ നീചരതം സംഭവിക്കുന്നു. നായികാ-നായകന്മാരുടെ ജനനേന്ദ്രിയങ്ങള്‍ക്ക് ആഴവും ദൈര്‍ഘ്യവും തുല്യമാണെങ്കില്‍ സമരതം സംഭവിക്കുന്നു.

ഹഠയോഗത്തില്‍ ആസനങ്ങള്‍ പോലെയാണ് കാമശാസ്ത്രത്തില്‍ വ്യത്യസ്തമായ സംയോഗരീതികള്‍. വൈവിധ്യമാര്‍ന്നതും രസനിഷ്യന്ദികളുമായ സംഭോഗനിലകളാണ് വാത്സ്യായനന്‍ പഠിതാക്കള്‍ക്ക് സമര്‍പ്പിക്കുന്നത്. അദ്ദേഹത്തിന്റെ ശരീരശാസ്ത്രാവബോധം എത്ര സൂക്ഷ്മമായിരുന്നുവെന്ന് പ്രതിജനഭിന്നമായി അവതരിപ്പിക്കുന്ന സംവേശനവിധികള്‍ വ്യക്തമാക്കുന്നു. കാമസൂത്രത്തില്‍ നിര്‍ദ്ദേശിക്കുന്ന സംഭോഗനിലകളില്‍ നിന്ന് ഓരോ വ്യക്തിക്കും അഭീഷ്ടാനുസരണം തെരഞ്ഞെടുക്കാവുന്നതാണ്. പുരുഷനൊപ്പം സ്ത്രീയ്ക്കും ആനന്ദത്തിന്റെ അളവ് വര്‍ദ്ധിപ്പിക്കാനുതകുന്നതാണവ.

ഉച്ചരതം സ്ത്രീയ്ക്ക് വേദനാപൂര്‍ണ്ണമായ അനുഭവമായിരിക്കും. പുരുഷന്‍ യോനി ഉത്തേജനത്തിലൂടെ ആര്‍ദ്രമാക്കുകയും സ്ത്രീ ജഘനപ്രദേശം പരമാവധി അകറ്റിവച്ചുകൊണ്ടുള്ള സംവേഗനില സ്വീകരിക്കുയും ചെയ്യുകയാണെങ്കില്‍ ഇത് പരിഹരിക്കാവുന്നതേയുള്ളൂ. പ്രസവാനന്തരവും മറ്റും യോനിക്ക് വികാസം സംഭവിച്ചവര്‍ക്ക് തുടകള്‍ അടുപ്പിച്ചും യോനി സങ്കോചിപ്പിച്ചും മൈഥുനം ആസ്വദിക്കാവുന്നതാണ്. സഹജമായിതന്നെ യോനിക്കു വലിപ്പംകുടിയ ഹസ്തിനികളും, ബഡവകളും (പെണ്‍കുതിര) മറ്റും യോനീസങ്കോചത്തിലൂടെ ലിംഗത്തെ സ്വീകരിക്കണം.

ഉത്ഫുല്ലകം (വികസിപ്പിക്കല്‍), വിജൃംഭിതകം(തള്ളല്‍), ഇന്ദ്രാണികം (ഇന്ദ്ര പത്‌നിയുടെ മൈഥുനനില) എന്നിങ്ങനെ മൂന്നു രീതികളാണ് മൃഗി (മാന്‍ജാതി)കള്‍ ഉച്ചരതത്തില്‍ സ്വീകരിക്കേണ്ടത്.

ജഘനത്തിന്റെ മുകള്‍ഭാഗം താഴ്ത്തിയും കീഴ്ഭാഗം ഉയര്‍ത്തിയും പ്രയോഗിക്കുന്ന സംവേശനം ഉത്ഫുല്ലകം. മലര്‍ന്നുകിടന്ന് കാലുകള്‍ പൊക്കി വിടര്‍ത്തി വയ്ക്കുന്നത് വിജൃംഭിതകം. തുടകള്‍ ചേര്‍ത്ത് കാല്‍മുട്ടുകള്‍ മടക്കി വാരിയെല്ലിന്റെ ഭാഗത്ത് അമര്‍ത്തിവയ്ക്കുന്നത് ഇന്ദ്രാണികം.

മാന്‍ജാതിയില്‍പ്പെട്ട നായിക മലര്‍ന്നുകിടന്ന് ഒരു തലയിണയോ മറ്റോവച്ച് അരക്കെട്ടിന്റെ ചുവടുഭാഗം അല്പം ഉയര്‍ത്തുന്നു. പിന്നീട് മുട്ട് അല്പം മടക്കി തുടകള്‍ അകത്തി വയ്ക്കുന്നു. അപ്പോള്‍ ജഘനത്തിന്റെ മുകള്‍ഭാഗം അല്പം താഴുകയും കീഴ്ഭാഗം ഉയരുകയും ചെയ്യും. ഈ രീതി സ്വീകരിക്കുമ്പോള്‍ ഉപസ്ഥം വിടര്‍ന്നിരിക്കുകയും പുരുഷന് സ്ത്രീക്ക് വേദന അനുഭവപ്പെടാതെ തന്നെ സംവേശനം നടത്താന്‍ സാധിക്കുകയും ചെയ്യുന്നു. സ്ത്രീ ജഘനപ്രദേശം താളാത്മകമായി ചലിപ്പിക്കുന്നതും അരക്കെട്ട് മുകളിലേക്കുയര്‍ത്തുന്നതും ഈ സംയോഗനിലയെ കൂടുതല്‍ ആസ്വാദ്യകരമാക്കുന്നു.

ഉത്ഫുല്ലകത്തിന്റെ അല്പം പരിഷ്‌കരിച്ച നിലയാണ് വിജൃംഭിതകം. ഉത്ഫുല്ലകത്തില്‍ മലര്‍ന്നു കിടക്കുന്ന സ്ത്രീയുടെ കാല്‍മുട്ട് കുത്തനെ നിന്നിരുന്നുവെങ്കില്‍ വിജൃംഭിതകത്തില്‍ അത് തുടയോട് ചേര്‍ത്ത് മടക്കിവയ്ക്കുകയാണ് ചെയ്യുന്നത്. സംവേശനം നടക്കുമ്പോള്‍ സ്ത്രീ തന്റെ ഉപസ്ഥത്തെ പരമാവധി വികസിപ്പിച്ചു കൊടുക്കുന്നു.

ഇന്ദ്രപത്‌നി പ്രയോഗിച്ചിരുന്ന സംഭോഗനിലയാണത്രേ ഇന്ദ്രാണികം. യോനീപ്രദേശം പരമാവധി വികസിപ്പിക്കാനാകുന്ന ഒരു സംവേശനരീതിയാണിത്. സ്ത്രീ മലര്‍ന്നുകിടന്ന് കാല്‍മുട്ടുമടക്കി കക്ഷപ്രദേശത്തോളമെത്തിച്ച് ഉപസ്ഥം അകത്തിവയ്ക്കുന്നു. പുരുഷന്‍ അവളുടെ കാല്‍മുട്ടുകള്‍ക്കിടയിലൂടെ കൈകടത്തി നിതംബം പിടിച്ചുയര്‍ത്തി സംവേശനം നടത്തുന്നു. അല്പം മെയ് വഴക്കം വേണമെങ്കിലും മൃഗികള്‍ക്ക് ഏറെ ആസ്വാദ്യകരമായ ഒരു സംഭോഗനിലയാണിത്.