Saturday, September 24, 2016

രതിവിജ്ഞാനം, അധ്യായം-6 : ആര്‍ത്തവവും ലൈംഗികജീവിതവും (തുടർച്ച )

    



                                                       
       

ആര്‍ത്തവ രക്തത്തിനു ദിവ്യത്വം കല്‍പ്പിച്ചിരുന്ന ആചാരങ്ങള്‍ വിരളമായെങ്കിലും നമ്മുടെ നാട്ടിലും കാണപ്പെടുന്നുണ്ട്. കേരളത്തിലെ ചില ദേവീക്ഷേത്രങ്ങളില്‍ ദേവി പുറത്തായിരിക്കുന്ന ദിവസങ്ങളില്‍ പ്രത്യേക പൂജകളും മറ്റും നടത്തുന്ന പതിവ് നിലനില്‍ക്കുന്നുണ്ട്. കൊടുങ്ങല്ലൂര്‍ ഭരണിപ്പാട്ടിലും തോറ്റം പാട്ടുകളിലും ഋതുമതിയായ ദേവിയെ വര്‍ണ്ണിച്ചിരിക്കുന്നതു കാണാം. ചെങ്ങന്നൂര്‍ ക്ഷേത്രത്തിലെ ദേവി രജസ്വലയാകുമെന്നും ദേവിയുടെ രക്തം പുരണ്ട വസ്ത്രം വീടുകളില്‍ സൂക്ഷിക്കുന്നത് ശ്രേയസ്‌കരമാണെന്നും ഒരു വിശ്വാസം നിലനില്‍ക്കുന്നുണ്ട്. ആര്‍ത്തവവതിയായ സ്ത്രീ കുളിക്കരുതെന്ന മിഥ്യാധാരണ വച്ചുപുലര്‍ത്തുന്നവരെ ഇക്കാലത്തും കാണാം.

ദേവിയുടെ ആര്‍ത്തവരക്തമാണ് ഗന്ധകവും അഭ്രവുമായിത്തീര്‍ന്നതെന്നാണ് ഐതിഹ്യം. അതുകൊണ്ടാണത്രേ അവയ്ക്ക് ഔഷധഗുണമുണ്ടായത്. ആര്‍ത്തവരക്തത്തിന് അതിഭൗതിക ശക്തിയുണ്ടെന്ന വിശ്വാസത്താല്‍ ആഭിചാരക്രിയകളിലും മന്ത്രതന്ത്രങ്ങളിലും മറ്റും അത് ഉപയോഗിച്ചുപോന്നു. സ്ത്രീബീജം തന്നെയാണ് ആര്‍ത്തവരക്തമെന്ന വിശ്വാസവും നിലനിന്നിരുന്നു. ഈ രക്തം ശുക്ലവുമായി ചേര്‍ന്നാണ് ശിശു ജനിക്കുന്നതെന്ന വിശ്വാസം മൂലമാണ് സ്ത്രീബീജത്തെ പ്രാചീനകാലത്ത് രജസ്, രക്തം എന്നിങ്ങനെ വിളിച്ചുപോന്നത്. 

എന്താണ് ആര്‍ത്തവം ?


പ്രത്യുല്പാദനക്ഷമയായ ഒരു സ്ത്രീയുടെ ഗര്‍ഭാശയത്തില്‍ നിന്നും പ്രതിമാസമെന്നോണം യോനീമുഖേന നിര്‍ഗമിക്കുന്ന രക്തസ്രാവത്തെയാണ് ആര്‍ത്തവം എന്നുവിളിക്കുന്നത്. ഒരു സ്ത്രീയില്‍ ഗര്‍ഭധാരണം നടക്കുന്ന ഏകദേശ കാലയളവായ പന്ത്രണ്ടുമുതല്‍ നാല്‍പ്പത്തിയെട്ടു വയസ്സുവരെ ഈ ശാരീരികപ്രതിഭാസം കാണപ്പെടുന്നു. തീണ്ടാരി, പുറത്താകുക, മാസക്കുളി, മാസമുറ, വയസ്സറിയിക്കുക എന്നിങ്ങനെ പല ഗ്രാമ്യപദങ്ങളാലും ഇത് അറിയപ്പെടുന്നു. സാഹിത്യഭാഷയില്‍ രജസ്വല, പുഷ്പിണി, ഋതുമതി എന്നൊക്കെയാണ് ആര്‍ത്തവതിയായ സ്ത്രിയെ വിശേഷിപ്പിക്കുന്നത്. , സ്ത്രീയുടെ പ്രതിമാസ ശാരീരിക ചക്രത്തിലെ പ്രത്യുല്പാദനക്ഷമമായ കാലമായതിനാലാണ് ആര്‍ത്തവതിയായ സ്ത്രീയെ പുഷ്പിണി എന്നും ഋതുമതി എന്നും വിളിക്കുവാന്‍ കാരണം. ഇംഗ്ലീഷില്‍ പീരിഡ് (Period) , മെന്‍സസ്(Menses)  , മന്തിലീസ് (The Monthlies), ദി കഴ്‌സ (The Curse), മെന്‍സ്ട്രുവേഷന്‍ (Menstruation), , എന്നൊക്കെയാണ് ആര്‍ത്തവത്തെ വിശേഷിപ്പിക്കുന്നത്. 

                                                           

                                                               

കൗമാരപ്രായത്തോടെ ഒരു പെണ്‍കുട്ടി ഋതുമതിയായിത്തീരുന്നുവെങ്കിലും ക്ലിപ്തമായി ഏത് 

വയസ്സിലാണ് അത് സംഭവിക്കുന്നതെന്ന് പറയാനാവില്ല. പ്രഥമാര്‍ത്തവം യൗവ്വനയുക്തയായിത്തീരുന്നതിന്റെ ആദ്യലക്ഷണമാണ്. അത് എത്രാമത്തെ വയസ്സില്‍ സംഭവിക്കുമെന്നത് പെണ്‍കുട്ടിയുടെ ശാരീരികമായ പ്രത്യേകതകളെ ആശ്രയിച്ചിരിക്കുന്നു. പത്തുവയസ്സിനും പതിനാലുവയസ്സിനും മധ്യേ പെണ്‍കുട്ടികള്‍ രജസ്വലയാകുന്നതായാണ് പരക്കേ കണ്ടുവരുന്ന പ്രവണത. എങ്കിലും ആറുവയസ്സിനും പതിനെട്ടു വയസ്സിനും ഇടയ്ക്ക് എപ്പോള്‍ വേണമെങ്കിലും ഒരു പെണ്‍കുട്ടി ഋതുമതിയാകാം. ഇക്കാലത്ത് കൊഴുപ്പും ഊര്‍ജ്ജവും കലര്‍ന്ന ഭക്ഷണം അധികമായി കഴിക്കുന്നതിനാലാവാം കുട്ടികള്‍ നേരത്തേതന്നെ പുഷ്പിണികളാകുന്നത്. 

കുട്ടികള്‍ നേരത്തേ പുഷ്പിണികളാകുന്നതുപോലെ പുഷ്പിണികളാകാന്‍ വൈകുന്നതും മാതാപിതാക്കളെ പരിഭ്രാന്തരാക്കാറുണ്ട്. ആര്‍ത്തവം വൈകുകയാണെങ്കില്‍ ഒരു ഡോക്ടറെക്കണ്ട് പരിശോധന നടത്തുകയാണ് വേണ്ടത്. അന്തഃസ്രാവ ഗ്രന്ഥികളുടെ പ്രവര്‍ത്തന വൈകല്യം മൂലമാണ് ആര്‍ത്തവ വിളംബമുണ്ടാകുന്നതെങ്കില്‍ ഹോര്‍മോണ്‍ ചികിത്സ ആവശ്യമായി വരാം. മുറിവൈദ്യം ആര്‍ത്തവകാല താമസത്തിന്റെ കാര്യത്തിലും അപകടകരമാണെന്ന വസ്തുത രക്ഷിതാക്കള്‍ പ്രത്യേകം ശ്രദ്ധിക്കേണ്ടതുണ്ട്.

സ്ത്രീ ശരീരത്തില്‍ ചാക്രികമായി അരങ്ങേറുന്ന ഒട്ടേറെ സങ്കീര്‍ണ്ണ പ്രക്രിയകളുടെ പരിസമാപ്തി കുറിക്കുന്നതാണ് ആര്‍ത്തവം എന്ന പ്രതിഭാസം. ശരീരശാസ്ത്രജ്ഞന്മാരെ ആധുനികകാലത്തും ഇത് അത്ഭുതപ്പെടുത്തിക്കൊണ്ടിരിക്കുന്നു. ഓരോ മാസവും സ്ത്രീശരീരം ആര്‍ത്തവാനുബന്ധമായ പ്രവര്‍ത്തനങ്ങള്‍ക്കായി തയ്യാറെടുക്കുകയും അതിനെ പുനരവലോകനം ചെയ്യുകയും ചെയ്യുന്നു. ആര്‍ത്തവത്തെ ലളിതമായി വിശദീകരിക്കുന്നതിന് സ്ത്രീയുടെ അണ്ഡാശയങ്ങളുടെ പ്രവര്‍ത്തനം മുതല്‍ തുടങ്ങേണ്ടിയിരിക്കുന്നു. 

പുരുഷന്റെ വൃഷണങ്ങള്‍ക്കു സമാനമായ അവയവമാണ് സ്ത്രീയുടെ അണ്ഡാശയങ്ങള്‍ (Ovaries).  ബാലിക ആയിരിക്കുമ്പോള്‍ അവ നിഷ്‌ക്രിയമായിരിക്കും. എന്നാല്‍ കൗമാരദശയില്‍ അണ്ഡാശയങ്ങള്‍ പ്രവര്‍ത്തിക്കാന്‍ തുടങ്ങുന്നു. മനുഷ്യനിര്‍മ്മിതമായ

ഏതൊരു ഫാക്ടറിയേയും വെല്ലുന്ന ദ്രുതകര്‍മ്മങ്ങളാണ് അവിടെ നടക്കുന്നത്. അങ്ങനെ ഉല്പാദിപ്പിക്കപ്പെടുന്ന ഹോര്‍മോണുകള്‍ സ്ത്രീയുടെ പ്രത്യുല്പാദനവ്യവസ്ഥയില്‍ നിര്‍ണ്ണായകമായ പങ്കുവഹിക്കുന്നു. ഈ ഹോര്‍മോണുകളാണ് ഒരു പെണ്‍കുട്ടിയെ യൗവ്വനയുക്തയാക്കുന്നത്. ഇവയുടെ പ്രവര്‍ത്തനഫലമായി കൗമാരക്കാരിയായ പെണ്‍കുട്ടിയുടെ അരക്കെട്ട് വികസിക്കുകയും സ്തനങ്ങള്‍ക്ക് മുഴുപ്പുണ്ടാകുകയും ചെയ്യുന്നു. ഗര്‍ഭാശയം വളരുകയും അണ്ഡാശയങ്ങള്‍ പൂര്‍ണ്ണവളര്‍ച്ച പ്രാപിക്കുകയും ചെയ്യുന്നതും ഇവയുടെ പ്രവര്‍ത്തനഫലമായാണ്. വളര്‍ച്ചയുടെ ഈ ഘട്ടത്തിലാണ് ഒരു പെണ്‍കുട്ടി പുഷ്പിണിയായിത്തീരുന്നത്.

                                                   
(തുടരും )
       

Sunday, April 28, 2013

രതിവിജ്ഞാനം, അധ്യായം-6 : ആര്‍ത്തവവും ലൈംഗികജീവിതവും

മനുഷ്യമനസ്സില്‍ എക്കാലവും വിസ്മയമുണര്‍ത്തിയിട്ടുള്ള ഒരു പ്രതിഭാസമാണ് ആര്‍ത്തവം. പുരാണങ്ങളിലും വേദങ്ങളിലും ബൈബിളിലും ആര്‍ത്തവത്തെക്കുറിച്ചുള്ള പരാമര്‍ശങ്ങള്‍ കാണാം. ആര്‍ത്തവത്തെ അശുദ്ധിയുമായി ബന്ധപ്പെടുത്തിയാണ് മനുഷ്യന്‍ പണ്ടുമുതല്‍ക്കേ ചിന്തിച്ചുപോന്നിട്ടുള്ളത്. ആര്‍ത്തവം സംഭവിച്ചിരിക്കുന്ന സ്ത്രീ അശുദ്ധയായതിനാല്‍ ഏഴുദിവസത്തേയ്ക്ക് അവളെ മാറ്റി പാര്‍പ്പിക്കണമെന്ന് ബൈബിളില്‍ പറയുന്നു. ആര്‍ത്തവത്തെക്കുറിച്ച് ഭാരതീയ ധര്‍മ്മസംഹിതയുടെ നിലപാടും വ്യത്യസ്തമല്ല. ആര്‍ത്തവത്തിന്റെ നാലാം നാള്‍ കുളിച്ച് ശുചിയായിക്കഴിയുന്നതുവരെ സ്ത്രീ സംഭോഗത്തിലും ഗാര്‍ഹികവൃത്തിയിലും ഏര്‍പ്പെടുന്നതിനെ ഭാരതീയ ശാസ്ത്രങ്ങള്‍ വിലക്കുന്നു. അശുദ്ധി മാറുന്നതുവരെ തനിക്കുവേണ്ടി പ്രത്യേകം തയ്യാറാക്കിയ മുറിയില്‍ ദര്‍ഭയോ പുല്‍പ്പായയോ വിരിച്ചുകിടക്കണം. യവം കൊണ്ടും പാലുകൊണ്ടും തയ്യാറാക്കിയതും ശുദ്ധമായതുമായ ആഹാരമേ കഴിക്കാന്‍ പാടുള്ളൂ. ആര്‍ത്തവകാലത്ത് സംഭോഗം നടത്തുന്നത് ലൈംഗികരോഗങ്ങള്‍ക്ക് കാരണമാകുമെന്ന ഒരു മിഥ്യാധാരണയും നിലനിന്നിരുന്നു.

സ്ത്രീശരീരത്തില്‍ മാസത്തില്‍ ഒരിക്കല്‍ അരങ്ങേറുന്ന ‘ആര്‍ത്തവം’ എന്ന ശുദ്ധീകരണപ്രക്രിയയെകുറിച്ച് എണ്ണിയാലൊടുങ്ങാത്ത തെറ്റിദ്ധാരണകളാണ് ഇന്നും നിലനില്‍ക്കുന്നത്. ആര്‍ത്തവിച്ചിരിക്കുന്ന സ്ത്രിയ്ക്ക് പൂര്‍ണ്ണമായും ഭ്രഷ്ട് കല്‍പ്പിച്ചിരിക്കുന്ന രീതിയായിരുന്നു പ്രാചീനകാലത്ത് നിലനിന്നിരുന്നത്. ആര്‍ത്തവകാലത്ത് ഒരു സ്ത്രീ പാകം ചെയ്യുന്ന ഭക്ഷണം വിഷലിപ്തമായിരിക്കുമെന്നും അവള്‍ രോഗങ്ങല്‍ പരത്തുമെന്നും മരണത്തിനുപോലും കാരണക്കാരിയാകുമെന്നും ജനങ്ങള്‍ വിശ്വസിച്ചുപോന്നു. ജീവന്റെയും ശക്തിയുടെയും പ്രതീകമായ രക്തം സ്ത്രീശരീരത്തില്‍ നിന്ന് ഓരോ മാസവും പുറത്തേക്കൊഴുകുന്നത് പ്രാചീനമനുഷ്യരില്‍ അത്ഭുതവും ദുരൂഹതയുമുണര്‍ത്തി. ആര്‍ത്തവത്തെ അതിമാനുഷികമായ ഒരു പ്രതിഭാസമായിത്തന്നെ അവര്‍ വിലയിരുത്തി. ആര്‍ത്തവിച്ചിരിക്കുന്ന സ്ത്രീയ്ക്കും ആര്‍ത്തവരക്തത്തിനും ആഭിചാരശക്തികളുണ്ടെന്ന് പോലും അവര്‍ വിശ്വസിച്ചു. ആര്‍ത്തവകാലത്തെ നിസ്സഹായതകളാകട്ടേ സ്ത്രീകളില്‍ ശാരീരികവും മാനസികവുമായ അപകര്‍ഷതയും സൃഷ്ടിച്ചു. ‘പുറത്താക്കുക’ എന്നു ഗ്രാമ്യഭാഷയില്‍ മലയാളികള്‍ വിളിക്കുന്ന ആര്‍ത്തവത്തിന് The Curse (ശാപം), Bring on the rag (കീറത്തുണി അണിയുക) എന്നിങ്ങനെയാണ് ഇംഗ്ലീഷുകാര്‍ നല്‍കിയിരിക്കുന്ന വിശേഷണങ്ങള്‍.

രക്തത്തെക്കുറിച്ചുള്ള ഭീതി ആര്‍ത്തവത്തിനും ആര്‍ത്തവിതയായ സ്ത്രീയ്ക്കും ഭയാക്രാന്തിയുടെ പരിവേഷമേകി. ഏദന്‍തോട്ടത്തില്‍ വച്ച് വിലക്കപ്പെട്ട കനി ഭക്ഷിച്ചതിന് ദൈവം മനുഷ്യനുനല്‍കിയ ശിക്ഷയാണ് ആര്‍ത്തവമെന്നുപോലും ചിലര്‍ വിശ്വസിച്ചുപോന്നു. ചിറിഗ്വാനോ വര്‍ഗ്ഗത്തിലെ സ്ത്രീകള്‍ക്കിടയില്‍ പ്രഥമ ആര്‍ത്തവിതയെ പാര്‍പ്പിച്ചിരുന്ന മുറിയുടെ തറയില്‍ അടിച്ചു ശബ്ദമുണ്ടാക്കുന്ന സമ്പ്രദായം നിലനിന്നിരുന്നു. പെണ്‍കുട്ടി പുഷ്പിണിയാകുന്നത് പാമ്പോ മറ്റെന്തെങ്കിലും ഇഴജീവികളോ കടിക്കുന്നതുകൊണ്ടാണെന്ന വിശ്വാസം മൂലമായിരുന്നു അത്. രക്തം അമൂല്യമായതിനാല്‍ അതിനെ വെറുതേ ഒഴുക്കിക്കളയുന്നതിനെ ചുറ്റിപ്പറ്റി ആചാരങ്ങളും അഭ്യൂഹങ്ങളും ഉടലെടുത്തത് തീര്‍ത്തും സ്വാഭാവികംതന്നെ. ചില ആദിവാസി ഗോത്രസമൂഹങ്ങള്‍ പിശാചുബാധമൂലമാണ് പെണ്‍കുട്ടി രജസ്വലയായിത്തീരുന്നതെന്ന് ഇന്നും വിശ്വസിച്ചുപോരുന്നുണ്ട്.

അങ്ങനെ സഹസ്രാബ്ദങ്ങളായി നിലനിന്നുപോന്ന ഊഹാപോഹങ്ങള്‍ ആര്‍ത്തവത്തിന് ഭീതിയുടെയും ജുഗുപ്‌സയുടെയും ഭ്രഷ്ടിന്റെയും ഒരു അധമപരിവേഷം നല്‍കി. സ്ത്രീശരീരത്തിലെ ഈ ആവര്‍ത്തന പ്രതിഭാസത്തെക്കുറിച്ച് ഊഹാപോഹങ്ങള്‍ മെനഞ്ഞെടുക്കുന്നതില്‍ ശാസ്ത്രവും പിന്നിലായിരുന്നില്ല. 1920-ല്‍ പ്രൊഫ.എ.ഗെര്‍സണ്‍ പ്രഥമ ആര്‍ത്തവത്തെക്കുറിച്ച് ഒരു ജര്‍മ്മന്‍ ശാസ്ത്രമാസികയില്‍ പ്രസിദ്ധീകരിച്ച ലേഖനം ഇതിന് ഉദാഹരണമാണ് ആര്‍ത്തവത്തെ മനസ്സുമായി ബന്ധപ്പെടുത്തിയുള്ള രസകരമായ ഒരു സിദ്ധാന്തമായാണ് അദ്ദേഹം അവതരിപ്പിച്ചത്. ഋതുമതിയാകുന്ന പെണ്‍കുട്ടിയില്‍ ഉളവാകുന്ന ലൈംഗിക ചോദനകള്‍ അവളില്‍ മാനസിക സമ്മര്‍ദ്ദം സൃഷ്ടിക്കുകയും അതവളുടെ ഗര്‍ഭപാത്രത്തില്‍ അമിതമായ രക്തപ്രവാഹത്തിനു കാരണമായിത്തീരുകയും ചെയ്യുന്നു. ഇങ്ങനെ നിറയുന്ന രക്തം ഗര്‍ഭാശയാന്തരസ്തരത്തിലൂടെ ഊറി ഗര്‍ഭാശയഗുഹയില്‍ നിറഞ്ഞുവിങ്ങി പുറത്തുപോകുന്നതിന്റെ ഫലമായാണ് പ്രഥമ ആര്‍ത്തവമുണ്ടാകുന്നതെന്നായിരുന്നു ഗെര്‍സണിന്റെ സിദ്ധാന്തം. എന്നാല്‍, ഊഹാപോഹത്തെ അടിസ്ഥാനമാക്കിയുള്ള ഈ ‘ഭാവനാസിദ്ധാന്തത്തെ’ ശരീരശാസ്ത്രജ്ഞന്മാര്‍ പാടെ തള്ളിക്കളയുകയാണുണ്ടായത്.

സ്വതവേ തന്നെ അത്ഭുതവും ഭയവും സൃഷ്ടിക്കുന്ന ഒരു ശാരീരിക പ്രക്രിയയാണ് രക്തപ്രവാഹം. ആര്‍ത്തവരക്തപ്രവാഹം ജനനേന്ദ്രിയത്തില്‍ നിന്നായതിനാല്‍ അതിലെ ജുഗുപ്‌സയും ഭീതിയും ഒന്നുകൂടി ഇരട്ടിച്ചു. ആര്‍ത്തവിച്ചിരിക്കുന്ന സ്ത്രീയില്‍ പൈശാചിക ശക്തികള്‍ കുടിയിരിക്കുന്നതിനാല്‍ അവളുടെ സാന്നിദ്ധ്യം ഒഴിവാക്കേണ്ടതാണെന്ന് പ്രാചീനമനുഷ്യര്‍ വിശ്വസിച്ചു. രജസ്വലയ്ക്കു അമാനുഷിക ശക്തികളുണ്ടെന്നും അവള്‍ തൊട്ടതൊക്കെ നശിക്കുമെന്നുമുള്ള അന്ധവിശ്വാസം അവള്‍ തീര്‍ത്തും തീണ്ടിക്കൂടാത്തവളാണെന്ന ആചാരത്തിനു വഴിയൊരുക്കി. രജസ്വല സ്പര്‍ശിച്ചാല്‍ കണ്ണാടികള്‍ മങ്ങിപ്പോകുമെന്നും ലോഹങ്ങള്‍ തുരുമ്പെടുക്കുമെന്നും കത്തികളുടെ മൂര്‍ച്ച നഷ്ടപ്പെടുമെന്നും വരെ പ്രാകൃതഗോത്രവര്‍ഗ്ഗക്കാര്‍ വിശ്വസിച്ചിരുന്നു. അവളുടെ സാന്നിദ്ധ്യത്തില്‍ ആഹാരസാധനങ്ങള്‍ പാകം ചെയ്യപ്പെടുകയില്ലെന്നും വിത്ത് ഉപയോഗശൂന്യമാകുമെന്നും പാല് പുളിക്കുമെന്നും വരെ പ്രാചീന സമുദായക്കാര്‍ ധരിച്ചുവച്ചിരുന്നു. ആര്‍ത്തവരക്തം അശുദ്ധമായതിനാല്‍ രജസ്വലയെ സ്പര്‍ശിക്കുന്നതിനുപോലും വിലക്കുകളുണ്ടായി. ജൂതന്മാര്‍ക്കിടയില്‍ ഇതിന്റെ കടുത്ത ആചാരം കാണാം. ജൂതന്മാര്‍ പൊതുചടങ്ങില്‍പ്പോലും സ്ത്രീകള്‍ക്ക് ഹസ്തദാനം നല്‍കാറില്ല. ഹസ്തദാനം നല്‍കുന്ന വേളയില്‍ അവള്‍ രജസ്വലയാണെങ്കില്‍ ഉണ്ടാകുന്ന അശുദ്ധി ഭയന്നാണിത്.

ആര്‍ത്തവകാലത്ത് സ്ത്രീകളില്‍ കുടിയേറുന്ന ചെകുത്താനെ ഒഴിവാക്കുവാന്‍ ദുര്‍മന്ത്രവാദം പ്രയോഗിക്കുന്നതും പ്രാചീനസമുദായങ്ങളില്‍ സാധാരണമായിരുന്നു. ബ്രിട്ടീഷ് കൊളംബിയയിലെ ആദിവാസികള്‍ ഋതുമതിയായ സ്ത്രീകളെ നായാട്ടു നടത്തുന്നതിനു സമീപം നിര്‍ത്താറില്ലായിരുന്നു. ഋതുമതിയുടെ സാന്നിദ്ധ്യം അമ്പുകളുടെ ശക്തി നഷ്ടപ്പെടുത്തുമെന്നായിരുന്നു അവരുടെ വിശ്വാസം. ആഫ്രിക്കയിലെ ആദിവാസികള്‍ രജസ്വല തൊട്ട ചട്ടിയും കലവുമൊക്കെ എറിഞ്ഞുടച്ചുകളയാറുണ്ടായിരുന്നു. തെക്കേ അമേരിക്കയിലെ ചില ഗോത്രവര്‍ഗ്ഗക്കാര്‍ ഋതുമതികളെ വീടിന്റെ മോന്തായത്തില്‍ കെട്ടിത്തൂക്കുകപോലും ചെയ്തിരുന്നതായി പറയപ്പെടുന്നു. ന്യൂസിലാന്റിലെ ചില ആദിവാസികളാകട്ടെ രജസ്വലയെ ഒരു കൂട്ടിലാക്കി ഉയരത്തില്‍ ഒരു സ്ഥലത്ത് ആക്കുകയായിരുന്നു പതിവ്. ആര്‍ത്തവകാലത്ത് അവരില്‍ നിന്ന് പുറപ്പെടുമെന്നു കരുതിയിരുന്ന ആപത്ശക്തികളില്‍ നിന്നു രക്ഷപ്പെടുന്നതിനായിരുന്നു ജനങ്ങള്‍ ഈ വിക്രിയകളൊക്കെ കാട്ടിക്കൂട്ടിയിരുന്നത്.

ആര്‍ത്തവരക്തത്തെ ഭയന്നിരുന്നതിനൊപ്പം മറുഭാഗത്ത് അതിനു ദിവ്യശക്തിയുണ്ടെന്നു വിശ്വസിച്ചിരുന്ന ജനവിഭാഗങ്ങളുമുണ്ട്. ആര്‍ത്തവരക്തം കുഷ്ഠരോഗത്തിന് സിദ്ധൗഷധമാണെന്ന് യൂറോപ്പിലെ ചില പ്രാചീന ജനസമൂഹങ്ങള്‍ വിശ്വസിച്ചിരുന്നു. ചില രാജ്യങ്ങളിലെ സ്ത്രീകള്‍ പുരുഷന്മാരെ വശീകരിക്കുന്നതിനായി ആര്‍ത്തവരക്തം ഉപയോഗിച്ചിരുന്നു. കാമുകന്മാരെ വശീകരിക്കാനായി പാനീയങ്ങളിലും മറ്റും ആര്‍ത്തവരക്തം കലര്‍ത്തിക്കൊടുക്കുന്നതായിരുന്നു ജര്‍മ്മന്‍ പെണ്‍കുട്ടികളുടെ രീതി. കേരളത്തില്‍ പണ്ടുകാലത്ത് പ്രചാരത്തിലുണ്ടായിരുന്ന ചില ആഭിചാരപ്രയോഗങ്ങളില്‍ ആര്‍ത്തവരക്തം ഉപയോഗിച്ചിരുന്നതായി പറയപ്പെടുന്നു. പ്രഥമാര്‍ത്തവ രക്തം പുരണ്ട വസ്ത്രം കത്തിച്ച കരി മധുരപാനീയത്തിനൊപ്പം പുരുഷനു നല്‍കുന്നതായിരുന്നു ഒരു സമ്പ്രദായം.

പ്രാചീനകാലത്തെ ചില ക്രിസ്തുമതാനുയായികള്‍ (Valentinians) ക്രിസ്തുവിന്റെ ജീവരക്തമെന്ന സങ്കല്പത്തില്‍ ആര്‍ത്തവരക്തം പാനം ചെയ്തിരുന്നതായി പറയപ്പെടുന്നു. കൊടുങ്കാറ്റും മിന്നലും രജസ്വലകള്‍ നഗ്നകളായി നിന്നാല്‍ വഴിമാറിപ്പോകുമെന്ന് പ്രാചീന മനുഷ്യര്‍ വിശ്വസിച്ചിരുന്നതായി പ്ലിനി വെളിപ്പെടുത്തുന്നു.

രജസ്വലകളുടെ സാന്നിധ്യംപോലും നിഷിദ്ധമായിരിക്കെ അവരുമായുള്ള സംഭോഗത്തിന്റെ കാര്യം പിന്നെ പറയേണ്ടതില്ലല്ലോ. രജസ്വലാസംഭോഗത്തെ ഒരു മഹാപാപമായിത്തന്നെ ഏതാണ്ടെല്ലാ പ്രാചീന സമുദായങ്ങളും കരുതിപ്പോന്നു. രജസ്വലയായ സ്ത്രീയുമായി സംഭോഗം ചെയ്യുന്നവരെ മാത്രമല്ല അവളുടെ നഗ്നത ദര്‍ശിക്കുന്നവരെ പോലും സമുദായ ഭ്രഷ്ടരാക്കണമെന്നാണ് ബൈബിള്‍ അനുശാസിക്കുന്നത്. ആര്‍ത്തവകാലത്ത് സംഭോഗത്തിലേര്‍പ്പെടുന്ന സ്ത്രീയ്ക്കും വേദഗ്രന്ഥം തുല്യശിക്ഷ വിധിക്കുന്നു. ആര്‍ത്തവകാല വേഴ്ചയില്‍ പിറക്കുന്ന കുട്ടി അനാരോഗ്യവാനും മന്ദബുദ്ധിയുമായിരിക്കുമെന്നായിരുന്നു പരക്കേയുണ്ടായിരുന്ന വിശ്വാസം.

ആധുനിക സമൂഹത്തിലും ആര്‍ത്തവകാല സംഭോഗം ഒഴിവാക്കുന്ന പ്രവണതയാണ് വ്യാപകമായി കാണപ്പെടുന്നത്. ആര്‍ത്തവകാലത്ത് സ്ത്രീയുടെ ഉല്പാദനാവയവത്തിലെ ശുചിത്വക്കുറവാണ് ദമ്പതികളെ ലൈംഗികവേഴ്ചയില്‍ നിന്ന് തടയുന്നത്. ഇന്ത്യയിലാകട്ടെ മതപരമായ വിലക്കുകളും ആര്‍ത്തവകാലത്തെ സംഭോഗത്തെ നിരുത്സാഹപ്പെടുത്തുന്നു. ആര്‍ത്തവ ദിനങ്ങളിലെ സംഭോഗത്തെ നിരുത്സാഹപ്പെടുത്തുന്ന ഒരു ശാസ്ത്രസിദ്ധാന്തവും ഉരുത്തിരിഞ്ഞുവന്നിട്ടുണ്ട്. ക്രൈസ്തവ സദാചാര നിയമമനുസരിച്ച് വിഷമദിനങ്ങളില്‍ സംഭോഗം ഒഴിവാക്കുന്നവര്‍ക്കിടയില്‍ ഗര്‍ഭാശയാര്‍ബുദം വിരളമാണെന്ന് ചില പഠനങ്ങളില്‍ തെളിഞ്ഞതാണ് ഈ സിദ്ധാന്തത്തിന്റെ അടിസ്ഥാനം. ഏതായാലും ലൈംഗികമായ ചില ആചാരവിധികളില്‍ അല്പമൊക്കെ കഴമ്പുണ്ടെന്നു സിദ്ധാന്തം വെളിവാക്കുന്നുണ്ട്.

ആര്‍ത്തവം കഴിഞ്ഞ് ഏഴു ദിവസത്തേക്കു കൂടി ലൈംഗികബന്ധം നിഷിദ്ധമാണെന്ന് ജൂതമതസംഹിതകള്‍ അനുശാസിക്കുന്നു. ഏഴാംനാള്‍ കഴിഞ്ഞ് മിക്വാ (Mikvah) നടത്തിയ ശേഷമേ രജസ്വലയായ സ്ത്രീയ്ക്ക് യഹൂദമതം ലൈംഗികബന്ധത്തിന് അനുമതി നല്‍കിയിരുന്നുള്ളൂ. മതപരമായവയ്‌ക്കൊപ്പം മനഃശാസ്ത്ര കാരണങ്ങളും പുരുഷന്മാരെ ആര്‍ത്തവതിയായ സ്ത്രീയുമായുള്ള ലൈംഗികബന്ധത്തില്‍ നിന്നു തടയുന്നതായി മനഃശാസ്ത്രകാരന്മാരായ ഡിലനേയിയും ലപ്ടണുടോത്തും നിരീക്ഷിക്കുന്നു. മറ്റേതു സമയത്തെയും പോലെ ആര്‍ത്തവകാലത്തും സ്ത്രീകളില്‍ പുരുഷന്മാര്‍ക്ക് ആസക്തിയുണ്ടാകാറുണ്ട്. എന്നാല്‍ അപകടകരവും അശുദ്ധവുമായ ആര്‍ത്തവരക്തം തങ്ങളുടെ ലിംഗത്തില്‍ പുരളുന്നത് അവര്‍ ഇഷ്ടപ്പെട്ടില്ലെന്നു മാത്രം.

   
     
   
   
     
   
 

Friday, February 22, 2013

രതിവിജ്ഞാനം ,തുടര്‍ച്ച :ദൃശ്യ-ശ്രവണരതി (Audio-Visual Sex)

സ്വവര്‍ഗ്ഗ സ്‌നേഹം (Homo sexuality)
 
സ്വവര്‍ഗ്ഗത്തെ മാത്രം പ്രണയിക്കുന്നവരാണിവര്‍. അവര്‍ തങ്ങളുടെ ലൈംഗിക വികാരം ശമിപ്പിക്കുന്നത് സ്വവര്‍ഗ്ഗത്തില്‍പ്പെട്ടവരുമായി ബന്ധപ്പെട്ടായിരിക്കും. സ്വവര്‍ഗ്ഗാനുരാഗികളായ പുരുഷന്മാര്‍ക്ക് സ്ത്രീകളെ കാണുമ്പോള്‍ ലൈംഗിക വികാരമോ സ്വാഭാവികമായ താല്പര്യമോ ഉണ്ടാകുന്നില്ല. പുരുഷന്മാരോടുള്ള സമ്പര്‍ക്കമാണ് അവര്‍ക്ക് ലൈംഗിക വികാരോത്തേജനം പകരുന്നത്. സ്ത്രീകളുടെ കൂട്ടത്തിലുമുണ്ട് ഇത്തരക്കാര്‍. ഇവര്‍ക്ക് സ്ത്രീകളോടായിരിക്കും വൈകാരിക താല്പര്യം.
പ്രവൃത്തികളിലും സ്വവര്‍ഗ്ഗാനുരാഗികളായ കുമാരീകുമാരന്മാര്‍ ഏര്‍പ്പെടുന്നു. ഒപ്പം മുഷ്ടി മൈഥുനവും പരസ്പരം ചെയ്തുപോരുന്നതായി കാണുന്നു.

അവിഹിത ലൈംഗികാനുഭവങ്ങള്‍

 
വിവാഹപൂര്‍വ്വ ലൈംഗികബന്ധങ്ങള്‍ ആശാസ്യമല്ലെന്നാണ് മിക്ക മനഃശാസ്ത്രജ്ഞന്മാരുടെയും കാഴ്ചപ്പാട്. പാശ്ചാത്യ രാജ്യങ്ങളില്‍ 70% പേരും വിവാഹത്തിന് മുന്‍പ് ലൈംഗിക ബന്ധത്തിലേര്‍പ്പെടുന്നതായി റിപ്പോര്‍ട്ടുകളില്‍ വെളിപ്പെടുത്തപ്പെട്ടിട്ടുണ്ട്. കാമവികാരം വികസിതമാകുമെങ്കിലും അതിനെ നിയന്ത്രിക്കാനുള്ള വിവേകം ഇല്ലാതിരിക്കുന്നതിനാലും പഠനകാര്യത്തില്‍ ശ്രദ്ധ കുറയുമെന്നതിനാലും കൗമാരകാലരതി ബന്ധം പരമാവധി ഒഴിവാക്കുന്നതാകും അഭികാമ്യം. ഭാരതീയ പാരമ്പര്യമനുസരിച്ചുള്ള ബ്രഹ്മചര്യം ഇക്കാര്യത്തില്‍ ഉല്‍കൃഷ്ടമായ ഒരു മാര്‍ഗ്ഗമത്രേ. ഭാരതത്തില്‍ 15% മുതല്‍ 20% വരെ പെണ്‍കുട്ടികള്‍ അവിഹിത ലൈംഗികബന്ധത്തിലേര്‍പ്പെടുന്നു. ആണ്‍കുട്ടികളിലാകട്ടെ 60% പേരാണ് കൗമാരകാലത്ത് അവിഹിത ലൈംഗികബന്ധത്തിലേര്‍പ്പെടുന്നത്.


കൗമാരകാലത്തെ അവിഹിത ലൈംഗികാനുഭവങ്ങളില്‍ കൗമാരകാലവേശ്യാവൃത്തിയും ഉള്‍പ്പെടുന്നു. സെക്‌സ് റാക്കറ്റുകളില്‍ കുടുങ്ങിപ്പോയി ജീവിതം ഹോമിക്കപ്പെട്ട ഒട്ടേറെ പെണ്‍കുട്ടികളുടെ കഥകള്‍ ഇന്ന് പത്രങ്ങളിലൂടെയും ദൃശ്യമാധ്യമങ്ങളിലൂടെയും വെളിപ്പെടുത്തപ്പെട്ടിട്ടുണ്ട്. ആഡംബര ജീവിതം നയിക്കുന്നതിനും സമൂഹത്തിലെ പൊള്ളയായ ഫാഷന്‍ പ്രവണതയ്ക്കും പിന്നാലെ പോയി ചില പെണ്‍കുട്ടികള്‍ സ്വയം ബലിയാടുകളാകുന്നു. വേശ്യാവൃത്തിയിലൂടെ എളുപ്പത്തില്‍ പണം സമ്പാദിക്കാമെന്നതാണ് സെക്‌സ് റാക്കറ്റുകളുടെ പ്രലോഭനത്തില്‍ കുടുങ്ങിപ്പോകുവാന്‍ പല പെണ്‍കുട്ടികളെയും പ്രേരിപ്പിക്കുന്നത്. കാമുകന്മാരുടെ മോഹനവാഗ്ദാനങ്ങളില്‍ കുടുങ്ങി അപഥമാര്‍ഗ്ഗങ്ങളില്‍ പെട്ടുപോകുന്നവരുമുണ്ട്. മാനസികമായ പക്വതയില്ലായ്മയും സാമ്പത്തിക പരാധീനതകളും ഉപഭോഗ സംസ്‌കാരത്തിന്റെ വിലോഭനീയതയുമാണ് അപഥസഞ്ചാരത്തിലേക്ക് പെണ്‍കുട്ടികളെ നയിക്കുന്നത്. ഇത് ഒരു തരത്തില്‍ പറഞ്ഞാല്‍ ലൈംഗികസംതൃപ്തിക്കു വേണ്ടിയോ ലൈംഗിക അഭിനിവേശം മൂലമോ ചെയ്യുന്നതല്ല. കൊക്കിലൊതുങ്ങാത്ത ആറ്ഭാടജീവിതം നയിക്കാനും മുകളില്‍ പറഞ്ഞ ചില പരിതസ്ഥിതികള്‍ കാരണവും കൗമാരക്കാര്‍ ഈ കെണിയില്‍ കുടുങ്ങിപ്പോകുന്നതാണ്. ചിലര്‍ ഭാഗ്യവശാല്‍ രക്ഷപ്പെടുന്നു. ഭൂരിപക്ഷവും ഇനിയൊരു മടങ്ങിപ്പോക്കില്ലാത്തവിധം അതിനിരയായിത്തീരുന്നു.

കൗമാരകാലത്ത് ആണ്‍കുട്ടികള്‍ വേശ്യാസംസര്‍ഗ്ഗത്തിലൂടെ വികാരശമനം കൈവരിക്കുന്നത് അസാധാരണമല്ല. എന്നാല്‍ പെണ്‍കുട്ടികള്‍ക്കിടയില്‍ ലൈംഗിക സംതൃപ്തിക്കായി അവിഹിത വേഴ്ചയിലേര്‍പ്പെടുന്ന പ്രവണത നമ്മുടെ നാട്ടില്‍ കുറവാണ്. എന്നാല്‍ ആണ്‍കുട്ടികളിലാകട്ടെ 50% പേരെങ്കിലും ഇത്തരം വഴിവിട്ട ലൈംഗികതയുടെ പിന്നാലെ പോകുന്നതായാണ് റിപ്പോര്‍ട്ടുകള്‍ സൂചിപ്പിക്കുന്നത്.

ദൃശ്യ-ശ്രവണര
തി (Audio-Visual Sex) 
 
ഇലക്‌ട്രോണിക് യുഗത്തിലെ കൗമാരകാല അവിഹിത ലൈംഗികാനുഭവങ്ങളില്‍ സുപ്രധാനമാണ് ദൃശ്യ-ശ്രവണരതി. ഇത് ആധുനിക യുഗത്തിലെ ദൃശ്യ-ശ്രാവ്യമാധ്യമ സംസ്‌കാരത്തിന്റെ ഒരു ഉപോല്‍പ്പന്നമാണ്. കുട്ടികളിലേയ്ക്കുകൂടി ദൃശ്യ-ശ്രവണരതി ഇന്ന് വ്യാപിച്ചു കഴിഞ്ഞിരിക്കുന്നു. മുതിര്‍ന്നവരില്‍ ഈ പ്രവണതയ്ക്ക് ഒട്ടൊക്കെ സാധൂകരണമുണ്ടെങ്കിലും കൗമാരപ്രായത്തില്‍ ഇത് പഠനത്തെയും മറ്റും പ്രതികൂലമായി ബാധിക്കുമെന്നതാണ് സത്യം. സെല്‍ഫോണിലൂടെയാണ് ഈ ശ്രവണരീതി എന്ന നീരാളി കുട്ടികളെ കുരുക്കുന്നത്. രക്ഷിതാക്കള്‍ അറിയാതെ ഇതാസ്വദിക്കുന്ന കുട്ടി ക്രമേണ അതിനടിമയാകുകയും കുട്ടിയുടെ മാനസികാരോഗ്യത്തെ അത് പ്രതികൂലമായി ബാധിക്കുകയും ചെയ്യുന്നു. സെല്‍ഫോണിലൂടെ ലൈംഗികവികാരോത്തേജകപരമായ കാര്യങ്ങള്‍ പരസ്പരം പറയുക, സംഭോഗനിലകള്‍ വര്‍ണ്ണിക്കുക എന്നിവയിലൂടെയാണ് ശ്രവണരതി സാഫല്യമടയുന്നത്. ഇത്തരം ചാറ്റുകള്‍ ശ്രോതാക്കളില്‍ വികാരവിക്ഷോഭവും മാനസിക സംഘര്‍ഷവും ഉളവാക്കുന്നു. നമ്മുടെ നാട്ടില്‍ കുട്ടികള്‍ സെല്‍ഫോണിലൂടെ നടത്തുന്ന സുദീര്‍ഘസംഭാഷണങ്ങള്‍ ഏതുവഴിക്കാണ് മുന്നേറുന്നതെന്ന് മിക്ക രക്ഷിതാക്കളും അറിയുന്നില്ലെന്നതാണ് സത്യം. കുട്ടിയില്‍ ഗുരുതരമായ സ്വഭാവവൈകല്യങ്ങളും മാനസിക സംഘര്‍ഷവും പ്രകടമായിക്കഴിഞ്ഞാകും മിക്കവരും മനഃശാസ്ത്രജ്ഞന്മാരെ സമീപിക്കുന്നത്.

ഇന്റര്‍നെറ്റ് പോര്‍ട്ടലുകളിലൂടെയും മെയില്‍ ചാറ്റുകളിലൂടെയുമുള്ള ലൈംഗികതയും കൗമാരക്കാരാണ് കൂടുതലും വലയിലാക്കുന്നത്. മണിക്കൂറിന് പത്തോ പതിനഞ്ചോ രൂപ മുടക്കിയാല്‍
സൈബര്‍ കഫേകളില്‍ ഒരു പ്രത്യേകതരം ക്യാമറ ഇന്ന് ലഭ്യമാണ്. ഇതിനെ വെബ് ക്യാമറ (Web Camera) എന്നുപറയുന്നു. ഇതിലൂടെ രതിവൈകൃതങ്ങള്‍ കുട്ടികള്‍ക്ക് സുലഭമായി കാണുവാന്‍ കഴിയുന്നു. കൗമാരക്കാരില്‍ അമിത ലൈംഗികചിന്തകള്‍ക്കും അപഥസഞ്ചാരത്തിനും ഈ ആധുനിക സൈബര്‍ ഉപകരണങ്ങള്‍ ചെറുതല്ലാത്ത പങ്കുവഹിക്കുന്നു. സദാ ലൈംഗിക ഭ്രമകല്പനകളില്‍ (Sexual Fantacies) മുഴുകി ദിവസം ചിലവഴിക്കാനും ഇത് കൗമാരപ്രായക്കാരെ പ്രേരിപ്പിക്കുന്നു.

വെബ് ക്യാമറയിലൂടെ പരസ്പരം കാണാനും സല്ലപിക്കാനും കഴിയുന്ന ദൃശ്യരതിയുടെ പൂരക്കാഴ്ചയാണ് ഇന്ന് പല ഇന്റര്‍നെറ്റ് കഫേകളിലും ഒരുക്കിയിരിക്കുന്നത്. ഇവയ്ക്ക് അടിമകളായിപ്പോവുന്ന കൗമാരപ്രായക്കാരുടെ മാനസിക വ്യതിയാനങ്ങളെക്കുറിച്ച് ഭയാനകമായ വസ്തുതകളാണ് പല പഠനങ്ങളും പുറത്തുകൊണ്ടുവരുന്നത്. വിവരസാങ്കേതിക വിദ്യയുടെ മറ്റൊരു സംഭാവനയായ സെല്‍ഫോണുകളുടെ പരിഷ്‌കൃതരൂപമായ ക്യാമറ ഘടിപ്പിച്ച സെല്‍ഫോണുകളും ഇന്ന് വിപണിയിലിറങ്ങിയിട്ടുണ്ട്. ഇതിനെ ക്യാമറാഫോണ്‍ (Camera Phone) എന്നു പറയുന്നു. ഗുരുതരമായ സദാചാര മലിനീകരണമാണ് ഇത് സൃഷ്ടിക്കുന്നത്. കൗമാരക്കാര്‍ സെല്‍ഫോണിലൂടെയാണ് ലൈംഗിക കുറ്റകൃത്യങ്ങള്‍ ആസൂത്രണം ചെയ്യുന്നതും അതുവഴി ഇത്തരം കുറ്റകൃത്യങ്ങള്‍ക്ക് ഇരയായിത്തീരുന്നതെന്നും റിപ്പോര്‍ട്ടുകള്‍ വെളിപ്പെടുത്തിയിട്ടുണ്ട്. ക്യാമറ ഘടിപ്പിച്ച സെല്‍ഫോണുകള്‍ ഉപയോഗിച്ച് സ്ത്രീകളുടെ ഫോട്ടോ അവരറിയാതെ എടുക്കുന്നതും ഇന്റര്‍നെറ്റിലൂടെ വിനിമയം ചെയ്യുന്നതും സങ്കീര്‍ണ്ണമായ സദാചാരപ്രശ്‌നം തന്നെ സൃഷ്ടിച്ചിട്ടുണ്ട്.

എവിടെയും കൊണ്ടുനടക്കാന്‍ കഴിയുന്നതും തീരെ ചെറുതുമായ ഇത്തരം ഉപകരണങ്ങള്‍ അനായാസേന ഒളിപ്പിച്ച് വയ്ക്കാന്‍ കഴിയുന്നു. സ്ത്രീകളുടെ ശിരസ്സിന്റെ മാത്രം ചിത്രമെടുത്ത് നഗ്നമേനികളുമായി ചേര്‍ത്ത് ഇന്റര്‍നെറ്റിലൂടെ കൈമാറ്റം ചെയ്യപ്പെടുന്ന പ്രവണതയുമുണ്ട്. പൊതുസ്ഥലങ്ങളിലും മറ്റും വച്ച് ആരോരുമറിയാതെ സ്ത്രീകളുടെ രഹസ്യാവയവങ്ങളുടെ നഗ്നചിത്രങ്ങളെടുക്കാന്‍ കഴിയുന്ന പ്രത്യേകതരം ക്യാമറകളും ഇന്ന് നിലവിലുണ്ട്. സ്ത്രീകളുടെ ആത്മാഭിമാനത്തിനും സ്വകാര്യതയ്ക്കും നേര്‍ക്കുള്ള മൃഗീയമായ കടന്നുകയറ്റങ്ങളാണ് ഇവയൊക്കെയും. കൗമാരപ്രായക്കാരെയാണ് ഈ അശ്ലീല ക്യാമറാക്കണ്ണുകള്‍ മുഖ്യമായും ലക്ഷ്യമിടുന്നതെന്നത് പ്രശ്‌നത്തെ കൂടുതല്‍ സങ്കീര്‍ണ്ണമാക്കുന്നു. ഇന്റര്‍നെറ്റില്‍ സ്വന്തം നഗ്നചിത്രം പ്രത്യക്ഷപ്പെട്ടതുമൂലം വിവാഹം മുടങ്ങിപ്പോയ പെണ്‍കുട്ടികള്‍ നമ്മുടെ നാട്ടില്‍ അപൂര്‍വ്വമല്ല. ഇത്തരം നഗ്നചിത്രങ്ങള്‍ തന്നെ മൊബൈല്‍ ഫോണുകളിലേക്ക് അയച്ചുകൊടുക്കുവാനും കഴിയുന്നതിനാല്‍ ഇവ വളരെ പെട്ടെന്നുതന്നെ മൊബൈല്‍ ഫോണുകളിലെല്ലാം വ്യാപിക്കുന്നു. ഇതോടെ ഇതിന് ഇരയാക്കപ്പെടുന്ന പെണ്‍കുട്ടികളുടെ ഭാവിജീവിതം തന്നെ തകിടം മറിഞ്ഞുപോകുന്നു. ഇത്തരം ക്രൂരതയ്ക്കിരയായ പല പെണ്‍കുട്ടികളും ആത്മഹത്യ ചെയ്ത സംഭവങ്ങളും നമ്മുടെ നാട്ടില്‍ നടന്നിട്ടുണ്ട്. രാജ്യമാസകലവും വിദേശങ്ങളില്‍പോലും ഈ നഗ്നചിത്രങ്ങള്‍ എത്തിപ്പെടുന്നതിനാല്‍ പെണ്‍കുട്ടികളുടെ ഭാവിജീവിതം പൂര്‍ണ്ണമായും ഇരുളടഞ്ഞുപോകുന്നു. രതിവൈകൃതത്തിന്റെ പുതിയ മേഖലയാണിത്.

അങ്ങനെ കൗമാരക്കാരെ വഴിതെറ്റിക്കുന്നതില്‍ ദൃശ്യശ്രവണ മാധ്യമങ്ങളുടെ ദുരുപയോഗം കാര്യമായ പങ്കുവഹിക്കുന്നു. വിവാഹമെന്ന പവിത്രമായ സാമൂഹിക ഉടമ്പടിയെ ഇത്തരം വഴിവിട്ട സെക്‌സ് അട്ടിമറിക്കുന്നു. ഇവയിലൂടെ സഭ്യതയുടെയും സദാചാരത്തിന്റെയും വേലികെട്ടുകള്‍ പൊട്ടിച്ചെറിഞ്ഞ് കൗമാരക്കാര്‍ അപഥസഞ്ചാരത്തിന്റെ ചെളിക്കുണ്ടില്‍ വീണുപോകുന്നു. കാലാകാലങ്ങളായി സന്മാര്‍ഗ്ഗനിഷ്ഠമായ സാമൂഹിക ചുറ്റുപാടുകളും ആചാരങ്ങളും വ്യവസ്ഥകളും നിലനിന്നുപോന്നിരുന്ന ഭാരതം പോലൊരു രാജ്യത്ത് വിവരസാങ്കേതിക വിദ്യ സൃഷ്ടിക്കുന്ന അരാജകത്വവും കുറ്റകൃത്യങ്ങളും ഭരണകൂടത്തിന്റെ സത്വരശ്രദ്ധ അര്‍ഹിക്കുന്ന വിഷയമാണ്. വിവരസാങ്കേതിക വിദ്യയുടെ ദുരുപയോഗം തടയുന്ന കര്‍ശന നിയമങ്ങളൊന്നും തന്നെ നമ്മുടെ നാട്ടില്‍ ഇനിയും പ്രവൃത്തിപഥത്തിലെത്തിയിട്ടില്ല.

ആറ്റംബോംബിന്റെ ഉപജ്ഞാതാവായ ഐന്‍സ്റ്റീന്‍ തന്റെ ജീവിതത്തില്‍ ഏറ്റവും അധികം വ്യസനിച്ച മുഹൂര്‍ത്തം മനുഷ്യരാശിയുടെ ന്മയ്ക്കായി താന്‍ കണ്ടെത്തിയ ശാസ്ത്രരഹസ്യം മനുഷ്യകുലത്തിന്റെ തന്നെ അന്തകനായി തീര്‍ന്നേക്കാമെന്ന് തിരിച്ചറിഞ്ഞപ്പോഴായിരുന്നു. വിവരസാങ്കേതികവിദ്യയുടെ കഥയും മറിച്ചല്ല. കൗമാരപ്രായക്കാരില്‍ സര്‍വ്വതോന്മുഖമായ അറിവു നേടാനുള്ള അഭിവാഞ്ഛ സൃഷ്ടിക്കുന്നവയാണ് ഇന്റര്‍നെറ്റും ഈമെയിലും. എന്നാല്‍ ആ മേഖലയിലും സ്വാര്‍ത്ഥലാഭക്കാര്‍ നുഴഞ്ഞു കയറുകയും യുവജനങ്ങളില്‍ അസന്മാര്‍ഗ്ഗികതയുടെ വിത്തു വിതയ്ക്കുകയും അവരെ അറിഞ്ഞുകൊണ്ടുതന്നെ നശീകരണത്തിന്റെ പാതയില്‍ തള്ളിവിടുകയും ചെയ്യുന്നുവെന്നത് ദുഃഖകരമായ സത്യമത്രേ.

Thursday, February 21, 2013

രതിവിജ്ഞാനം,തുടര്‍ച്ച: കൗമാരകാലം .

 സാമൂഹികവികസനവും മാറ്റങ്ങളും (Social Development and chdnges)

സാമൂഹികബന്ധങ്ങള്‍ വര്‍ദ്ധിക്കുന്ന കാലഘട്ടം കൂടിയാണിത്. സാമൂഹികബോധത്തിന് കൗമാരഘട്ടത്തില്‍ അധികം വികാസമുണ്ടാകുന്നു. സ്വാര്‍ത്ഥതയും അഹംബോധവും കുറയുന്നു. സമൂഹത്തിന്റെ ആദര്‍ശങ്ങള്‍ക്കനുസരിച്ച് തങ്ങളുടെ കാഴ്ചപ്പാടുകളെ കുമാരീകുമാരന്മാര്‍ രൂപപ്പെടുത്തിയെടുക്കുന്നത് ജീവിതത്തിലെ ഈ ഘട്ടത്തിലാണ്.

വളരെ വിശാലമായ സാമൂഹിക മണ്ഡലമായിരിക്കും കുമാരീകുമാരന്മാര്‍ക്ക് ഉണ്ടാവുക. ബാല്യഘട്ടത്തില്‍ ആണ്‍കുട്ടികള്‍ക്ക് ആണ്‍കുട്ടികളോടും പെണ്‍കുട്ടികള്‍ക്ക് പെണ്‍കുട്ടികളോടും ചേരുവാനാണല്ലോ താല്‍പ്പര്യം. കൗമാരഘട്ടത്തില്‍ ഇത് വിപരീത സ്വഭാവം സ്വീകരിക്കുന്നു. ആണ്‍കുട്ടികള്‍ക്ക് പെണ്‍കുട്ടികളോടും പെണ്‍കുട്ടികള്‍ക്ക് ആണ്‍കുട്ടികളോടും താല്പര്യം വളരുന്നു. ഏതെങ്കിലും ഒരു സംഘവുമായി അവര്‍ ഉറച്ച ബന്ധം സ്ഥാപിക്കുവാന്‍ ശ്രമിക്കുന്നു. സമസംഘങ്ങളാണ് ഈ ഘട്ടത്തില്‍ ഇവരുടെ സാമൂഹിക വ്യവഹാരങ്ങളെ നിയന്ത്രിക്കുന്നത്. സംഘങ്ങളോട് അമിതമായ വിധേയത്വമാണ് കുമാരീകുമാരന്മാര്‍ പുലര്‍ത്തുക. ഗ്രൂപ്പില്‍ അംഗീകാരം കിട്ടുവാന്‍ ഇവര്‍ ആഗ്രഹിക്കുന്നു. ഈ അംഗീകാരം ലഭിച്ചില്ലെങ്കില്‍ ഗുരുതരമായ പല അനുരഞ്ജന പ്രശ്‌നങ്ങളും (Adjustment problems) ഉയര്‍ന്നുവരുകയും ചെയ്യുന്നു. അഭൂതപൂര്‍വ്വമായ കായികവികസനവും കായിക വ്യഗ്രതയും (Physical urge) സംഭവിക്കുകയും പുതിയ താല്പര്യങ്ങളും മൂല്യങ്ങളും അഭിമുഖീകരിക്കുവാന്‍ അവര്‍ നിര്‍ബന്ധിതരാകുകയും ചെയ്യുന്നു.

കൗമാരകാല സാമൂഹിക ജീവിതത്തിലെ ഒരു മുഖ്യപ്രശ്‌നമാണ് ഗണങ്ങളുടെ (Flock)രൂപവത്ക്കരണം. സാധാരണ സംഘങ്ങളെ അപേക്ഷിച്ച് കൂടുതല്‍ സംഘടിതമാണ് ഗണങ്ങള്‍. സംഘട്ടനങ്ങള്‍ക്കും സമ്മര്‍ദ്ദങ്ങള്‍ക്കും വിധേയമായി വ്യാകുലരായ ചെറുപ്പക്കാര്‍ ഒന്നിച്ചു ചേരുമ്പോഴാണ് ഗണങ്ങള്‍ രൂപം കൊള്ളുന്നത്. സാമാന്യ സാമൂഹിക ജീവിതത്തില്‍ അനുഭവപ്പെടുന്നതായ അരക്ഷിതബോധത്തില്‍നിന്ന് വിമോചനം നേടുകയാണ് ഗണജീവിതത്തിന്റെ മുഖ്യ ഉദ്ദേശ്യം. എന്നാല്‍ സമൂഹത്തോടുള്ള വിദ്വേഷവും എതിര്‍പ്പും മൂലം ഉടലെടുക്കുന്ന ഇങ്ങനെയുള്ള സംഘങ്ങളുടെ പ്രവര്‍ത്തനങ്ങള്‍ പ്രായേണ സാമൂഹിക വിരുദ്ധമായി തീരുവാന്‍ ഇടയുണ്ട്.

മാതാപിതാക്കളില്‍ നിന്നുള്ള നിരാലംബനത്വവും പാരതന്ത്ര്യത്തില്‍ നിന്നുള്ള വിമോചനവുമാണ് കൗമാരദശയിലെ മുഖ്യാവശ്യങ്ങള്‍. ഇത് ആരോഗ്യകരമായ വളര്‍ച്ചയുടെ അവിഭാജ്യഘടകമാണ്. തന്റെ വ്യക്തിത്വത്തെ മാതാപിതാക്കള്‍ മാത്രമല്ല മറ്റ് മുതിര്‍ന്നവരും അംഗീകരിക്കണമെന്ന് കുമാരീകുമാരന്മാര്‍ അഭിലഷിക്കുന്നു. മാതാപിതാക്കളുടെ ഉപദേശങ്ങളേക്കാള്‍ മൂല്യതയുള്ളതായി അവര്‍ കരുതുന്നത് സമസംഘങ്ങളുടെ (Peer group) ഉപദേശങ്ങളെയാണ്.

ബുദ്ധിവികാസം (Mental Development)


മാനസിക ധര്‍മ്മങ്ങളുടെ പരിപൂര്‍ണ്ണവികാസം കൗമാരഘട്ടത്തില്‍ നടക്കുന്നു. ബുദ്ധിപരമായ വികാസം അതിന്റെ പാരമ്യത്തിലെത്തുന്നത് ഈ ഘട്ടത്തിലാണ്. യുക്തി യുക്തമായ ചിന്തനം (Logical Thinking), അമൂര്‍ത്ത ചിന്തനം (Abstract Thinking) എന്നിവയിലുള്ള കഴിവുകളും വളരെയേറെ കൗമാരത്തില്‍ വര്‍ദ്ധിക്കുന്നു. ഒപ്പം ശാസ്ത്രീയ ചിന്താഗതിയും. അതുപോലെ തന്നെ വിമര്‍ശനാത്മക ചിന്തനശേഷിയും വികസിക്കുന്നു. ഉന്നതമായ നിലയില്‍ ഭാവനാവികാസവും ഈ ഘട്ടത്തില്‍ ഉണ്ടാകുന്നു. എഴുത്തുകാര്‍, കലാകാരന്മാര്‍, തത്വചിന്തകര്‍, കവികള്‍, സാമൂഹികപ്രവര്‍ത്തകര്‍, ശാസ്ത്രജ്ഞര്‍ തുടങ്ങിയവരായി കുമാരികുമാരന്മാര്‍ വാര്‍ത്തെടുക്കപ്പെടുന്ന കാലഘട്ടവും ഇതുതന്നെ.

ലൈംഗികവികാസം (Sexual Development)


കൗമാരകാലത്താണ് ലൈംഗികവികാസം പരമകാഷ്ഠയിലെത്തുന്നത്. കൗമാരത്തിലെ ലൈംഗിക വികാസത്തിന് മൂന്നു ഘട്ടങ്ങളുണ്ട്. അതില്‍ ആദ്യത്തേത് ആത്മാനുരാഗം (Self love or Auto erotism) ആകുന്നു. തന്നോട് തന്നെ ആണ്‍കുട്ടികള്‍ക്കും പെണ്‍കുട്ടികള്‍ക്കും ഉണ്ടാകുന്ന അനുരാഗമാണിത്. അതായത് സ്വന്തം ശരീരസൗന്ദര്യത്തോടുള്ള അനുരാഗം. ലൈംഗികവികാസത്തിന്റെ ആദ്യ ഘട്ടത്തെയാണ് ഇത് സൂചിപ്പിക്കുന്നത്. സ്വവര്‍ഗ്ഗപ്രേമം അഥവാ സ്വവര്‍ഗ്ഗ ലൈംഗികത (Homosexually) യാണ് രണ്ടാം ഘട്ടം.

ആണ്‍കുട്ടികള്‍ക്ക് ആണ്‍കുട്ടികളോടും പെണ്‍കുട്ടികള്‍ക്ക് പെണ്‍കുട്ടികളോടും തോന്നുന്ന അനുരാഗമാണ് സ്വവര്‍ഗ്ഗാനുരാഗം. ഈ പ്രേമം സ്വവര്‍ഗ്ഗ സംഭോഗത്തിന് ഇവരെ പ്രേരിപ്പിച്ചേക്കാം. മൂന്നാമത്തേത് എതിര്‍ലിംഗാനുരാഗ (Hetro sexual) ഘട്ടമാണ്. ആണ്‍കുട്ടികള്‍ക്ക് പെണ്‍കുട്ടികളോടും പെണ്‍കുട്ടികള്‍ക്ക് ആണ്‍കുട്ടികളോടും തോന്നുന്ന അനുരാഗമാണിത്. ഈ ബന്ധവും സംഭോഗത്തിലേക്ക് നയിക്കാം.കൗമാരവും അപഥസഞ്ചാരവും
കുറ്റവാളിത്തത്തിന്റെ പ്രഥമഘട്ടം കൗമാരദശയിലാണ്. അപഥസഞ്ചാരത്തിന്റെ മൂലകാരണം ഏതെങ്കിലും തരത്തിലുള്ള നൈരാശ്യമോ (Frustration), പിരിമുറുക്കമോ ആണ്. കൗമാരത്തിലെ മുഖ്യാവശ്യങ്ങളായ അംഗീകാരം, സുരക്ഷിതത്വം, സ്‌നേഹം മുതലായവ നിറവേറായ്ക മൂലം സംജാതമാകുന്ന ചിത്തോദ്വേഗം പലപ്പോഴും സാമൂഹികവിരുദ്ധപ്രവര്‍ത്തനങ്ങളില്‍ കൂടിയായിരിക്കും പ്രകടിപ്പിക്കുക. ദാരിദ്ര്യം, ബുദ്ധിക്കുറവ്, ഗാര്‍ഹികസംഘട്ടനങ്ങള്‍, വിഘടിതകുടുംബങ്ങള്‍ (Broken Family), സ്‌നേഹശൂന്യമായ കുടുംബാന്തരീക്ഷം, പരാജയാപകര്‍ഷങ്ങള്‍, ശാരീരിക വൈകല്യങ്ങളില്‍ നിന്നും ലഭിക്കുന്ന അപകര്‍ഷതാബോധം എന്നിവയെല്ലാം അപഥസഞ്ചാരത്തിന് വഴിതെളിക്കുന്നു. മാത്രമല്ല എതെങ്കിലും അടിസ്ഥാനപരമായ ആവശ്യങ്ങള്‍ നിറവേറ്റുന്നതിനുള്ള ശ്രമത്തിലാണ് യുവാക്കള്‍ അപഥചാരികളായിത്തീരുന്നത്. ചിലര്‍ക്ക് അവരുടെ ആവശ്യ നിര്‍വ്വഹണത്തിന് അംഗീകൃത മാര്‍ഗ്ഗങ്ങള്‍ ലഭിക്കുന്നു. മറ്റു ചിലര്‍ക്കാകട്ടെ അസ്വീകാര്യമാര്‍ഗ്ഗങ്ങളാണ് കിട്ടുന്നത്. എന്തായാലും ഇരുകൂട്ടരുടെയും ലക്ഷ്യം ഒന്നുതന്നെ. മാര്‍ഗ്ഗങ്ങള്‍ മാത്രം വ്യത്യാസപ്പെടുന്നു.

കൗമാരകാലത്തിലെ രതി


പലതരം ലൈംഗികതകള്‍ കൗമാരകാലത്ത് പ്രകടമാകുന്നുണ്ട്.
1. സ്വയംഭോഗം
2. സ്വവര്‍ഗ്ഗ സ്‌നേഹം
3. ഇണപിരിയാന്‍ കഴിയാത്ത ബന്ധം
4. അവിഹിത ലൈംഗികാനുഭവങ്ങള്‍
5. ദൃശ്യ-ശ്രവണ രതി
സ്വയംഭോഗം
പാശ്ചാത്യരാജ്യങ്ങളില്‍ നടത്തിയ പഠനാന്വേഷണങ്ങളില്‍ നിന്ന് 96% ആണ്‍കുട്ടികളും 60% പെണ്‍കുട്ടികളും ജീവിതത്തില്‍ എപ്പോഴെങ്കിലും ലൈംഗികാസ്വാദനത്തിന് വേണ്ടി സ്വയംഭോഗം ചെയ്തിട്ടുണ്ടെന്ന് കണ്ടെത്തുകയുണ്ടായി. ഭാരതത്തിലിത് യഥാക്രമം 50% - 70%, 30% - 40% വരെയാണ്. ലൈംഗികവികാര സമ്മര്‍ദ്ദം കുറയ്ക്കാനുള്ള സ്വാഭാവികമായ മാര്‍ഗ്ഗമാണിതെന്നാണ് മനഃശാസ്ത്രജ്ഞരുടെ നിഗമനം.

രതിമൂര്‍ച്ഛ പ്രാപിക്കാനായി ലിംഗയോനി സംഭോമല്ലാതെ മറ്റേതെങ്കിലും വിധത്തിലുള്ള ബാഹ്യചോദകം പ്രയോഗിക്കുന്നതാണ് സ്വയംഭോഗം. ഇതിനെ ഇംഗ്ലീഷില്‍ (Masturbation) എന്നുപറയുന്നു. സ്വയം മലിനപ്പെടുത്തുക എന്നര്‍ത്ഥമുള്ള Masturbari എന്ന ലാറ്റിന്‍ പദത്തില്‍ നിന്നാണീ വാക്ക് ഉണ്ടായത്.

കൗമാരത്തിന്റെ ആദ്യഘട്ടത്തിലാണ് ആളുകള്‍ കൂടുതല്‍ സ്വയംഭോഗനിരതരാകുന്നത്. ഈ പ്രായത്തില്‍ എതിര്‍ലിംഗത്തിലെ വ്യക്തികളെ രതി നിര്‍വ്വഹണത്തിനായി ലഭ്യമല്ലാത്തതുകൊണ്ടും രതിയിലേര്‍പ്പെടുന്നതില്‍ സാമൂഹികമായ വിലക്കുകളുള്ളതുകൊണ്ടും കുമാരീകുമാരന്മാര്‍ രതിസുഖ ലബ്ധിക്കായി സ്വയംഭോഗം ചെയ്യുന്നു.

ആണ്‍കുട്ടികള്‍ ഉദ്ധൃതമായ ലിംഗം മുഷ്ടിക്കുള്ളില്‍ പിടിച്ചശേഷം മുഷ്ടി ലിംഗാഗ്രത്തിലേക്കും ലിംഗമൂലത്തിലേക്കും മാറിമാറി ചലിപ്പിച്ചാണ് സാധാരണ സ്വയംഭോഗം ചെയ്യുന്നത്. മറ്റുചിലര്‍ ലിംഗ ശീര്‍ഷത്തെ മാത്രം സാവകാശം പിടിച്ചു വലിച്ചോ തെരുപിടിപ്പിച്ചോ ചോദനമേകുന്നു. വിരളമായി കമിഴ്ന്നു കിടന്നുകൊണ്ട് മെത്തയിലോ തലയിണയിലോ ഉദ്ധൃതലിംഗത്തെ ഉരച്ചുരച്ച് രതിസുഖം നേടാറുണ്ട്. സ്വയംഭോഗത്തിനുവേണ്ടി ചുരുട്ടിപിടിച്ച കൈ (മുഷ്ടി) ഉപയോഗിക്കുന്നതുകൊണ്ട് മുഷ്ടി മൈഥുനം എന്ന് ഇതിനെ പറയുന്നു. നന്നേ ചെറുപ്പത്തില്‍ സ്വയംഭോഗം രതിമൂര്‍ച്ഛയിലെത്തിച്ചേരണമെന്നില്ല. മുതിര്‍ന്നശേഷം രതിമൂര്‍ച്ഛയെ ലാക്കാക്കിയാണ് സ്വയംഭോഗത്തില്‍ വ്യാപൃതരാകുന്നത്.

സമൂഹസ്വയംഭോഗവും പരസ്പര സ്വയംഭോഗവും കൗമാരകാലത്ത് നടക്കുന്നു. ഇത് കൂടുതലും ആണ്‍കുട്ടികളാണ് ചെയ്യുന്നത്. പരസ്പരസ്വയംഭോഗത്തില്‍ രണ്ടുപേരും സമൂഹ സ്വയംഭോഗത്തില്‍ രണ്ടിലേറെപ്പേരുമാണ് പങ്കെടുക്കുന്നത്. ഇവര്‍ പരസ്പരം കാണത്തക്കവിധത്തില്‍ സ്വയംഭോഗം ചെയ്യുകയോ അന്യോന്യം സ്വയംഭോഗം നിര്‍വ്വഹിക്കുകയോ ചെയ്യുന്നു. ഒരേ സമയത്തായിരിക്കും രണ്ടുപേരും ലിംഗത്തില്‍ തെരുപിടിപ്പിക്കുന്നത്.

സമൂഹസ്വയംഭോഗവും പരസ്പര സ്വയംഭോഗവും സ്വയംഭോഗത്തിന്റെ അതിരുകവിഞ്ഞു നില്‍ക്കുകയാല്‍ സ്വവര്‍ഗ്ഗ പ്രേമമായി പരിഗണിക്കപ്പെടേണ്ടതില്ല. കാരണം ഇവിടെ പ്രാഥമിക മനോഭാവം സ്വയംഭോഗത്തിന്റേതാണ്. സ്വവര്‍ഗ്ഗ പ്രേമത്തിന്റേതല്ല. ആണ്‍കുട്ടികള്‍ പ്രായപൂര്‍ത്തിയാകുമ്പോള്‍ ലൈംഗിക സങ്കല്പങ്ങളോടുകൂടി സ്വയംഭോഗത്തിലേര്‍പ്പെടുന്നു. ഇത്തരം സങ്കല്‍പ്പം കല്പിതമാകാകം. അതല്ലെങ്കില്‍ ഏതെങ്കിലും ലൈംഗികാനുഭവത്തിന്റെ സ്മരണയാകാം. അതുമല്ലെങ്കില്‍ ചലച്ചിത്രങ്ങലിലെയോ പുസ്തകങ്ങളിലെയോ രംഗങ്ങളെ ഓര്‍ത്തുമാവാം. തുടര്‍ന്ന് താന്‍ സംഭോഗത്തിലേര്‍പ്പെടുന്നതായ് സങ്കല്പിച്ചുകൊണ്ട് സ്വയംഭോഗം നിര്‍വ്വഹിക്കുന്നു.

കൗമാരകാലത്തില്‍ പെണ്‍കുട്ടികളിലും ഇതേ രീതിയിലുള്ള സ്വയംഭോഗശൈലി തന്നെയാണ് കണ്ടുവരുന്നത്. ഭഗഭാഗത്ത് ഭഗദ്വാരത്തിന് മുകളിലായ് മെല്ലെ മര്‍ദ്ദിക്കുന്നതിന്റെ ഫലമായ് ഭഗശിശ്‌നിക ഉദ്ധൃതമാകുകയും ലഘുഭഗോഷ്ഠങ്ങള്‍ക്ക് വീക്കമുണ്ടാവുകയും ചെയ്യുന്നു. ലൈംഗികാവേശം വര്‍ദ്ധിക്കുന്നതോടൊപ്പം കൂടുതല്‍ശക്തമായ മര്‍ദ്ദനം താഴെ ഭഗശിശ്‌നികയുടെ ഭാഗത്തേക്ക് അതിനെ സ്പര്‍ശിക്കാതെ തന്നെ ഏല്‍പ്പിക്കാന്‍ തുടങ്ങുന്നു. രതിമൂര്‍ച്ഛയോടടുക്കുമ്പോള്‍ ഭഗശിശ്‌നികയെ നടുവിരലോ ചൂണ്ടുവിരലോ കൊണ്ട് മെല്ലെ കശക്കുന്നു. വളരെ വിരളമായേ ഭഗശിശ്‌നികാ ശീര്‍ഷത്തെ സ്പര്‍ശിക്കാറുള്ളൂ. ആ ഭാഗത്തിന്റെ അതിയായ സംവേദനക്ഷമതയാണിതിന് കാരണം. ഈ കാലഘട്ടത്തില്‍ ഭഗദ്വാരത്തില്‍ എന്തെങ്കിലും കടത്തി സ്വയംഭോഗം നിര്‍വ്വഹിക്കുന്നത് വിരളമാണ്. ചില പെണ്‍കുട്ടികള്‍ ഭഗദ്വാരത്തിന് പുറമേ ഉരസികൊണ്ട് സ്വയംഭോഗം ചെയ്യുന്നു. ഈ പ്രക്രിയയിലും ഭഗശിശ്‌നികാ ചോദനത്തിനാവശ്യമായ മര്‍ദ്ദം ഭഗശിശ്‌നികയിലേക്ക് പ്രസരിക്കുന്നുണ്ട്.

പെണ്‍കുട്ടികള്‍ രതിമൂര്‍ച്ഛ കൈവരിക്കുന്നു. ചിലര്‍ കാലിന്മേല്‍ കാല്‍ കയറ്റിവച്ച് തുടകള്‍ തമ്മില്‍ ചേര്‍ത്തുരച്ച് സ്വയംഭോഹം നിര്‍വ്വഹിക്കുന്നു. ഇങ്ങനെ ചെയ്യുമ്പോള്‍ ഭഗശിശ്‌നികകളും ഭഗോഷ്ഠവും തമ്മിലുരഞ്ഞ് ലൈംഗികാവേശമുണ്ടായി രതിമൂര്‍ച്ഛയില്‍ കലാശിക്കുന്നു.

ഏതെങ്കിലും കാരണവശാല്‍ സംഭോഗത്തിലേര്‍പ്പെടാനിടയായ പെണ്‍കുട്ടികളില്‍ കാലാന്തരത്തില്‍ സ്വയംഭോഗശൈലിയില്‍ സാരമായ വ്യതിയാനമുണ്ടാകുന്നു. തുടര്‍ന്ന് സംഭോഗത്തെ അനുകരിക്കുന്ന സ്വയംഭോഗരീതികളായിരിക്കും ഇവര്‍ പിന്‍തുടരുക. ഭഗശിശ്‌നികയില്‍ നിന്ന് ശ്രദ്ധ ഭഗോഷ്ഠങ്ങളിലേയ്ക്ക് കേന്ദ്രീകരിക്കുന്നു. ലഘുഭഗോഷ്ഠങ്ങള്‍ പിടിച്ചും വലിച്ചും തലോടിയും പുരുഷലിംഗം യോനിയില്‍ പ്രവര്‍ത്തിക്കുമ്പോള്‍ ഭഗോഷ്ഠങ്ങള്‍ക്കുണ്ടാകുന്നതിന് തുല്യമായ ചലനങ്ങള്‍ ഉണ്ടാക്കാന്‍ ശ്രമിക്കുകയും ചെയ്യുന്നു. ഇത് ഭഗശിശ്‌നികയെ ഉത്തേജിപ്പിക്കുന്നു. തന്മൂലം രതിമൂര്‍ച്ഛയുണ്ടാകുന്നു.

കൗമാരകാലത്ത് സ്വയംഭോഗത്തോടനുബന്ധിച്ച ചില ആചാരങ്ങള്‍ തന്നെ ചില രാജ്യങ്ങളില്‍ നിലനിന്നിരുന്നു. ആഫ്രിക്കയിലെ ചില ഗോത്രക്കാരിലും മറ്റും ഋതുമതിയായ പെണ്‍കുട്ടികളെ സ്വയംഭോഗം ചെയ്യാന്‍ പഠിപ്പിക്കുന്ന ആചാരങ്ങള്‍ തന്നെയുണ്ട്. പ്രഥമാര്‍ത്തവത്തോടനുബന്ധിച്ച് പെണ്‍കുട്ടിയെ നഗ്നയാക്കി വാദ്യവിശേഷങ്ങളുടെ അകമ്പടിയോടുകൂടി അവളുടെ യോനിയില്‍ തടിയിലോ മറ്റോ ചെയ്ത പുരുഷലിംഗ പ്രതിരൂപം കടത്തി കന്യാസ്തരം ഭേദിക്കുന്ന ആചാരം ഇതിലൊന്നാണ്. സ്വയംഭോഗം കൊണ്ട് അമിതമായി വളര്‍ന്നു തൂങ്ങുന്ന ഭഗോഷ്ഠങ്ങള്‍ കൗമാരകാല സൗന്ദര്യത്തിന് മാറ്റുകൂട്ടുന്നു എന്നുവിശ്വസിക്കുന്ന വര്‍ഗ്ഗങ്ങളും ചില രാജ്യങ്ങളിലുണ്ട്.

ചില ഉപകരണങ്ങളും ഈ കാലഘട്ടത്തില്‍ ലൈംഗികോത്തേജനം വരുത്താന്‍ ഇക്കൂട്ടര്‍ ഉപയോഗിക്കുന്നു. ഇത്തരം രതിനിര്‍വൃതിക്ക് താല്പര്യപ്പെടുന്നവര്‍ കൃത്രിമപുരുഷലിംഗം കൈവശമാക്കി ഉപയോഗിക്കാന്‍ ശ്രമിക്കുന്നു. ഇത്തരം കൃത്രിമ ലിംഗത്തെപ്പറ്റി ‘നിനക്ക് ഞാന്‍ തന്ന നിന്റെ ആങരണഘ്ഘിലെ വെള്ളിയും സ്വര്‍ണ്ണവുമുപയോഗിച്ച് നീ പുരുഷപ്രതിരൂപം ഉണ്ടാക്കിക്കുകയും അവയുമായി രമിക്കുകയും ചെയ്തു’വെന്ന് ബൈബിളിലും പരാമര്‍ശമുണ്ട്.

ആണ്‍കുട്ടികളില്‍ ചിലര്‍ ഗുദസംഭോഗം നടത്തിയും രതിമൂര്‍ച്ഛ കണ്ടെത്തുന്നു. ഒപ്പം തന്നെ മുഷ്ടി മൈഥുനവും ചെയ്യാന്‍ ശ്രമിക്കുന്നു. ലിംഗത്തിലും ഗുദത്തിലും ചോദനം നല്‍കി മാത്രമല്ല ആണ്‍കുട്ടികള്‍ ഇത് നിര്‍വ്വഹിക്കുന്നത് ചിലര്‍ മൂത്രനാളിചോദനം കൊണ്ടും ഇത് സാധ്യമാക്കുന്നു. ഇതിനെ മൂത്രനാളി സ്വയംഭോഗം (Urethral Masturbation) എന്നുപറയുന്നു. ഇവിടെ മൂത്രസഞ്ചിയില്‍ നിന്നും പുറത്തേയ്ക്ക് മൂത്രത്തെ വഹിക്കുന്ന കുഴലിലേയ്ക്ക് എന്തെങ്കിലും വസ്തു കടത്തി മുമ്പോട്ടും പുറകോട്ടും മൃദുവായി ചലിപ്പിച്ചാണ് രതിമൂര്‍ച്ഛ സാധ്യമാക്കുന്നത്.

Wednesday, February 20, 2013

രതിവിജ്ഞാനം ;അധ്യായം 5 കൗമാരകാലം


ബാല്യത്തിനും യൗവ്വനത്തിനുമിടയ്ക്കുള്ള ഒരന്തരാളഘട്ടമത്രേ കൗമാരകാലം (Adolscence). അഡോളസന്‍സ് എന്ന ഇംഗ്ലീഷ് വാക്ക് ലാറ്റിന്‍ പദമായ ‘അഡോളിസര്‍’ (Adolscere) എന്നതില്‍നിന്നും രൂപപ്പെട്ടതാണ്. അഡോളിസറിന്റെ യഥാര്‍ത്ഥ അര്‍ത്ഥം വളര്‍ച്ച എന്നാകുന്നു. നാമിതിനെ കൗമാരകാലമെന്നു പറയുന്നു. ശാരീരികവും മാനസികവും സാമൂഹികവും വൈകാരികവുമായ തലങ്ങളില്‍ സമഗ്രമായ വളര്‍ച്ചയും ഒപ്പം മാറ്റങ്ങളും ഉണ്ടായിക്കൊണ്ടിരിക്കുന്ന കാലഘട്ടമാണിത്. ഒരു വ്യക്തിയുടെ സമ്പൂര്‍ണ്ണഭാവിയെ കരുപിടിപ്പിക്കുന്നത് കൗമാരകാലമാണെന്നു പറഞ്ഞാല്‍ അതില്‍ അതിശയോക്തിയില്ല.
ശൈശവം തൊട്ട് വാര്‍ദ്ധക്യംവരെയുള്ള കാലഘട്ടത്തില്‍ മനുഷ്യന് ശാരീരികവും വികാരപരവും ബുദ്ധിപരവുമായ അനേകം വ്യതിയാനങ്ങള്‍ ഉണ്ടാകുന്നു. ബാല്യം, കൗമാരം, യൗവ്വനം, വാര്‍ദ്ധക്യം എന്നീ നാലു ഘട്ടങ്ങളായിട്ടാണ് മനുഷ്യജീവിതത്തെ തരംതിരിച്ചിരിക്കുന്നത്. ഓരോ ഘട്ടത്തിനും അതിന്റേതായ പ്രാധാന്യവും പ്രത്യേകതയുമുണ്ട്. ശരീരശാസ്ത്രപരമായി ഒരു വ്യക്തി കൗമാര ദശയിലേക്ക് പ്രവേശിക്കുന്നത് യൗവ്വനാരംഭ (Puberty)ത്തോടെയാണ്. ഇത് എത്ര വയസ്സിലാണെന്ന് കൃത്യമായി പറയാന്‍ കഴിയില്ല. പത്ത് വയസ്സിനും പതിനേഴ് വയസ്സിനുമിടയ്ക്കായിരിക്കുമെന്ന് പൊതുവെ പറയാം. മനുഷ്യന്‍ പ്രത്യുല്പാദന പ്രക്രിയയ്ക്ക് കഴിവുള്ളവനായി തീരുമ്പോള്‍ ആ പക്വാവസ്ഥയില്‍ അവനെ കുമാരന്‍ അഥവാ അഡോളിസെന്റ് എന്ന് പറയുന്നു. തന്റെ സംസ്‌കാരത്തിനനുസൃതമായി പക്വതയോടുകൂടി സമൂഹത്തില്‍ തന്റെ പങ്ക് നിര്‍വ്വഹിക്കാന്‍ പ്രാപ്തി ഉണ്ടാകുമ്പോള്‍ കൗമാരകാലം അവസാനിക്കുന്നു.

ആദിമ സംസ്‌കാരങ്ങളില്‍ പ്രജനനശേഷി കൈവരുന്നതോടെ ഒരു വ്യക്തിയെ പക്വതയുള്ളവനായി പരിഗണിച്ചിരുന്നു. ലൈംഗിക പക്വതയാണല്ലോ യൗവ്വനാരംഭത്തെ കുറിക്കുന്നത്. എന്നാല്‍ ഇന്ന് ശാരീരിക വികസനം മാത്രമല്ല പരിഗണിക്കുന്നത്. മാനസികം, വൈകാരികം, സാമൂഹികം, ആദ്ധ്യാത്മികം മുതലായ മണ്ഡലങ്ങളും വ്യക്തിജീവിതത്തിന്റെ പക്വതയുടെ അളവുകോലാകുന്നു. അതുകൊണ്ടാണ് കൗമാരത്തിന്റെ ആരംഭം ശാരീരികാടിസ്ഥാനത്തിലും അതിന്റെ കാലാവധിയും പരിസമാപ്തിയും മാനസികാടിസ്ഥാനത്തിലും നിര്‍വചിക്കണമെന്നു പറയുന്നത്.

നമ്മുടെ രാജ്യത്ത് നിയമപ്രകാരം പതിനെട്ട് വയസ്സാണ് ഒരൂ പുരുഷന് പ്രായപൂര്‍ത്തിയാകുവാന്‍ വേണ്ട പ്രായമായി നിര്‍ണ്ണയിച്ചിരിക്കുന്നത്. എന്നാല്‍ ഈ വയസ്സിലും ഭൂരിഭാഗത്തിനും മാനസിക പക്വത ലഭിക്കുന്നില്ല. ചിലര്‍ ഈ വയസ്സില്‍ പക്വമതികളാകാറുണ്ടെങ്കില്‍ മറ്റുചിലര്‍ ഒരിക്കലും മാനസികമായി വളര്‍ച്ച പ്രാപിക്കുന്നില്ലെന്ന് കാണാം. പ്രായോഗികമായി നോക്കുമ്പോള്‍ കൗമാരാന്ത്യത്തെ നിര്‍ണ്ണയിക്കുന്നത് സമൂഹത്തിലെ സാംസ്‌കാരികാചാരങ്ങളാണ്. ചെറുപ്രായത്തില്‍ത്തന്നെ മുതിര്‍ന്നവരുടെ ചുമതലകള്‍ വഹിക്കാന്‍ പ്രേരിതരാകുന്നവരുടെ കൗമാരകാലം വൈരസ്യമാര്‍ന്ന് വളരെവേഗം കഴിഞ്ഞുപോകുന്നു. എന്നാല്‍ ദീര്‍ഘനാള്‍ ചുമതലകളില്‍ നിന്ന് ഒഴിവായും രക്ഷിതാക്കളാല്‍ സംരക്ഷിക്കപ്പെട്ടും കഴിയുന്നവരുടെ കൗമാരകാലം ആഹ്ലാദകരമായിരിക്കും.

കൗമാരഘട്ടത്തില്‍ ശാരീരികമായി പെണ്‍കുട്ടികളാണ് ആണ്‍കുട്ടികളേക്കാള്‍ നേരത്തേ ലൈംഗികമായ വളര്‍ച്ച നേടുന്നത്. ആണ്‍കുട്ടികള്‍ പൊതുവേ 13-ാം വയസ്സില്‍ ഈ ഘട്ടത്തിലേക്ക് കടക്കുകയും 19-ാം വയസ്സില്‍ ഈ ഘട്ടം അവസാനിക്കുകയും ചെയ്യുന്നു. പെണ്‍കുട്ടികളാകട്ടെ 11-ാം വയസ്സില്‍ കൗമാരഘട്ടത്തില്‍ കടക്കുകയും 17-ാം വയസ്സില്‍ പൂര്‍ത്തിയാകുകയും ചെയ്യുന്നു. പാശ്ചാത്യരാജ്യങ്ങളില്‍ പെണ്‍കുട്ടികളെ സംബന്ധിച്ചിടത്തോളം 13 വയസ്സിനും 21 വയസ്സിനുമിടയ്ക്കാണ് കൗമാരകാലം. 15-നും 21-നുമിടയ്ക്കാണ് ആണ്‍കുട്ടികളുടെ കൗമാരകാലഘട്ടം. ഈ തരംതിരിവ് കൃത്യമായതല്ല. വ്യക്തിവികാസം പലപ്പോഴും അനുഭവപ്പെടും. എങ്കിലും പൊതുവെ ഇന്ന് 11 വയസ്സിനും 19 വയസ്സിനും ഇടയ്ക്കുള്ള കാലഘട്ടത്തെ കൗമാരഘട്ടമായി അംഗീകരിച്ചിരിക്കുന്നു.

കൗമാരകാലത്തിലെ വളര്‍ച്ചയുടെയും വികാസത്തിന്റെയും വിവിധ തലങ്ങള്‍

ശാരീരികവികസനവും മാറ്റങ്ങളും (Physical Development and Changes)
വ്യക്തമായി ദര്‍ശിക്കാവുന്ന പല മാറ്റങ്ങളും കൗമാരത്തോടെ ശരീരത്തില്‍ പ്രത്യക്ഷപ്പെടുന്നു. കക്ഷങ്ങളിലും ഗുഹ്യഭാഗത്തും രോമങ്ങള്‍ വളര്‍ന്നുവരികയും പെണ്‍കുട്ടികളുടെ വക്ഷസ്സില്‍ സ്തനങ്ങള്‍ വികസിച്ചുവരികയും നിതംബഭാഗം തടിച്ച് ഘനമുള്ളതായിത്തീരുകയും ചെയ്യുന്നു. പെണ്‍കുട്ടിയുടെ യൗവ്വനാരംഭത്തെ കുറിക്കുന്ന നീരിക്ഷണവിധേയമായ ലക്ഷണം, പ്രഥമരജോദര്‍ശനം (Menarche) ആണ.് ആണ്‍കുട്ടികളുടെ യൗവ്വനാരംഭത്തെ കുറിക്കുന്നത് പ്രഥമരേതസ്ഖലനം (Ejaculation)ആണ്. ആണ്‍കുട്ടികളുടെ ശബ്ദത്തിന് പരുപരുപ്പും പുരുഷത്വവും ലഭിക്കുന്നു. കൃകാടിക (Adam’s apple) മുഴച്ചുവരുന്നത് പ്രകടമാകുന്നു.

പ്രഥമരജോദര്‍ശനാനന്തരം പെണ്‍കുട്ടികള്‍ക്ക് മാസത്തിലൊരിക്കല്‍ ആര്‍ത്തവമുണ്ടാകുന്നു. ഇതുപോലെ നിദ്രയില്‍ ശുക്ലസ്ഖലനം ആണ്‍കുട്ടികള്‍ക്കും ഉണ്ടാകുന്നു. ഇതേരീതിയില്‍ ആണ്‍കുട്ടികളും പെണ്‍കുട്ടികളും ശരീരപരമായി പൂര്‍ണ്ണമായ പുരുഷത്വവും സ്ത്രീത്വവും കൗമാരകാലത്ത് കൈവരിക്കുന്നു


അന്തഃസ്രാവി ഗ്രന്ഥി

കൗമാരകാലത്തിലെ വളര്‍ച്ചയില്‍ പ്രത്യേക സ്വാധീനമുള്ള അന്തഃസ്രാവികള്‍ ജനനഗ്രന്ഥി (Gonad), പിയൂഷ ഗ്രന്ഥി (Pituitary gland), അഡ്രിനാല്‍ ഗ്രന്ഥി (Adrenal gland), പീനിയല്‍ ഓര്‍ഗന്‍ (Pineal Organ)എന്നിവയാണ്. യൗവ്വനാരംഭവുമായി ഇവയെല്ലാം ഓരോ തരത്തില്‍ ബന്ധപ്പെട്ടിരിക്കുന്നു. അസ്ഥികളും പേശികളും പരമാവധി വളര്‍ച്ച പ്രാപിക്കുന്നതും ഈ ഘട്ടത്തിലാണ്. ബാഹ്യവും ആന്തരികവുമായ എല്ലാ അവയവങ്ങളും പരിപൂര്‍ണ്ണ വളര്‍ച്ചയെത്തുന്നത് എല്ലാ ഗ്രന്ഥികളുടെയും സജീവമായ പ്രവര്‍ത്തനത്തിന്റെ ഫലമായാണ്.

ഉയരവും തൂക്കവും


പൊതുവെ പറഞ്ഞാല്‍ യൗവ്വനാരംഭത്തിനു മുന്‍പ് ആണ്‍കുട്ടികള്‍ക്ക്, പെണ്‍കുട്ടികളേക്കാള്‍ ഉയരവും തൂക്കവും കൂടിയിരിക്കും. യൗവ്വനാരംഭത്തില്‍ പെണ്‍കുട്ടികളുടെ വളര്‍ച്ച വേഗത്തിലാണെങ്കിലും അതിനുശേഷം ആണ്‍കുട്ടികള്‍ വീണ്ടും മുന്‍പന്തിയിലെത്തുന്നു. എന്തു തന്നെയായാലും മനുഷ്യ ശരീരത്തിന് അതിന്റെ അന്തിമരൂപം സംസിദ്ധമാകുന്ന കാലമാണിത്. ഉയരം, വലിപ്പം, തൂക്കം എന്നിവയില്‍ എന്തുമാത്രം വളര്‍ച്ചയുണ്ടാകാമോ അതുമുഴുവന്‍ കൗമാരകാലത്ത് സംഭവിക്കുന്നു.

വൈകാരികവികാസങ്ങളും മാറ്റങ്ങളും (Emotional Development and Changes)


വൈകാരികവികാസം പരമകാഷ്ഠയിലെത്തുന്നത് കൗമാരഘട്ടത്തിലാണ്. ഉത്കണ്ഠ, സ്‌നേഹം, കോപം തുടങ്ങിയ വികാരങ്ങളുടെ ബാഹ്യപ്രകടന രീതി തീവ്രമായി കൗമാരഘട്ടത്തില്‍ അനുഭവപ്പെടും. അതോടൊപ്പം വൈകാരികമായ അസ്ഥിരതയുടെയും കാലമാണിത്. വൈകാരികമായ ചഞ്ചലത്വവും ഈ കാലഘട്ടത്തില്‍ അനുഭപ്പെടും. തീവ്രമായ രീതിയിലുള്ള വൈകാരികപ്രകടനങ്ങള്‍ കുമാരികുമാരന്‍മാരില്‍ ദര്‍ശിക്കാം. വൈകാരികമായ അസ്വസ്ഥതകളുടെ കാലമാണിത്. മറ്റേതൊരു ഘട്ടത്തിലും ഇത്ര തീവ്രമായ വൈകാരിക അസ്വസ്ഥത അനുഭവപ്പെടുന്നില്ല. വൈകാരിക വ്യവഹാരങ്ങളെ സംബന്ധിച്ചിടത്തോളം വൈരുദ്ധ്യതയുടെ കാലഘട്ടമാണ് കൗമാരം. തീവ്രമായ വൈകാരികാവസ്ഥയുടെ പ്രകടനത്തെ തടഞ്ഞുനിര്‍ത്തുക പ്രയാസമായി കാണുന്നു. സെന്റിമെന്റുകളുടെ അടിവേരുകള്‍ വളരാന്‍ തുടങ്ങുന്നതും അപ്പോഴാണ്. ആത്മബോധം, സ്വയം ബഹുമാനം തുടങ്ങിയവ കൗമാരകാലത്ത് ഉണ്ടാകുന്നു. സംഘത്തിന് വഴങ്ങുന്ന സ്വാഭാവിക കാര്യങ്ങളും ഈ ഘട്ടത്തില്‍ വികസിക്കുന്നു. മനസ്സില്‍ പതിയുന്നവയും പ്രതികരണങ്ങളും ഒക്കെ വളരെ ശക്തമായിട്ടായിരിക്കും സംഭവിക്കുക.


Tuesday, December 25, 2012

രതിവിജ്ഞാനം ;സ്തനങ്ങള്‍.

 സ്തനങ്ങള്‍.

 പ്രത്യുല്പാദന ധര്‍മ്മമില്ലെങ്കില്‍പ്പോലും സ്ത്രീയുടെ ലൈംഗിക ശരീരശാസ്ത്രത്തില്‍ സുപ്രധാനസ്ഥാനം വഹിക്കുന്ന ഒരവയവമാണ് സ്തനങ്ങള്‍. സ്ത്രീസൗന്ദര്യത്തിന്റെ മാനദണ്ഡമായി സ്തനങ്ങളെ എല്ലാ മാനവസംസ്‌കൃതികളും അംഗീകരിക്കുന്നുണ്ടെങ്കിലും ഇതിന് അപവാദങ്ങളും ഇല്ലാതില്ല. സ്തനങ്ങളെ അനാകര്‍ഷകമാക്കുകയായിരുന്നു ജാപ്പനീസ് വനിതകളുടെ പരമ്പരാഗത രീതി. എന്നാല്‍ പാശ്ചാത്യ സംസ്‌കാരത്തിന്റെ കടന്നുവരവോടെ അവരും സ്തനങ്ങളുടെ വലിപ്പം കൂട്ടാനും മറ്റുമുള്ള വിദ്യകള്‍ തേടിത്തുടങ്ങിയിട്ടുണ്ട്.

സ്ത്രീയുടെ സ്തനംപോലെ ഇത്രയും വാണിജ്യവല്‍ക്കരിക്കപ്പെട്ടിട്ടുള്ള മറ്റൊരു അവയവം ഉണ്ടെന്നു തോന്നുന്നില്ല. വസ്ത്രങ്ങള്‍ മുതല്‍ കാറുകള്‍ വരെ ഏത് ഉല്പന്നത്തിന്റെ പരസ്യം പരിശോധിച്ചാലും സ്തനസൗന്ദര്യത്തെ വിദഗ്ദ്ധമായി പ്രയോജനപ്പെടുത്തിയിരിക്കുന്നതായി കാണാം. സ്തനങ്ങള്‍ക്ക് സ്ത്രീയുടെ ലൈംഗികതയില്‍ അമിതമായ സ്ഥാനം കല്‍പ്പിക്കപ്പെടുന്നതിന് ചലച്ചിത്രങ്ങളിലെയും പരസ്യചിത്രങ്ങളിലെയും അനാവൃതവും പൊലിപ്പിച്ചുകാട്ടപ്പെടുന്നതുമായ സ്തനസാന്നിദ്ധ്യം കാരണമായി. ഉദാഹരണമായി കനത്ത വക്ഷോജങ്ങളുള്ള സ്ത്രീകള്‍ കാമാവേശമുള്ളവരായിരിക്കുമെന്ന് ചിലരെങ്കിലും ധരിച്ചുവച്ചിട്ടുണ്ട്. ആകര്‍ഷകമായ സ്തനങ്ങള്‍ സ്ത്രീ സൗന്ദര്യത്തിന് മാറ്റു കൂട്ടുമെങ്കിലും സ്തനങ്ങളുടെ വലിപ്പവും ലൈംഗികാസക്തിയുമായി ബന്ധമേതുമില്ല. താരതമ്യേന പരന്ന വക്ഷോജങ്ങളുള്ള സ്ത്രികള്‍ ലൈംഗികപ്രതികരണം കുറഞ്ഞവരായിരിക്കുമെന്ന ധാരണയും അടിസ്ഥാനമില്ലാത്തതത്രേ.

സ്തനങ്ങളുടെ വലിപ്പവും സ്ത്രീകളുടെ ലൈംഗികാസക്തിയും തമ്മില്‍ എന്തെങ്കിലും ബന്ധമുള്ളതായി ശാസ്ത്രീയമായി ഇതുവരെയും തെളിയിക്കപ്പെട്ടിട്ടില്ല. ലൈംഗികോത്തേജനവുമായും രതിമൂര്‍ച്ഛ അടയുവാനുള്ള കഴിവുമായും സ്തനങ്ങളുടെ വലിപ്പത്തിന് ബന്ധമൊന്നുമില്ല. യഥാര്‍ത്ഥത്തില്‍ പുരുഷന്മാരിലും സ്തനങ്ങള്‍ കാണപ്പെടുന്നുണ്ടെങ്കിലും സാധാരണയായി അവ വളര്‍ച്ചപ്രാപിക്കാറില്ല. ആര്‍ത്തവ പ്രായമാകുന്നതോടെയാണ് പെണ്‍കുട്ടികളില്‍ സ്തനങ്ങള്‍ വളര്‍ന്നു തുടങ്ങുന്നത്. ആര്‍ത്തവാരംഭത്തോടെ സ്തനങ്ങളിലെ മാംസപേശികള്‍ വികാസം പ്രാപിക്കുകയും അവ പ്രവര്‍ത്തനക്ഷമമായി തീരുകയും ചെയ്യുന്നു. എന്നാല്‍ കൈക്കുഞ്ഞുങ്ങളില്‍ ഇതില്‍നിന്നു വ്യത്യസ്തമായ ഒരു പ്രതിഭാസം കാണപ്പെടുന്നുണ്ട്. ആണ്‍കുഞ്ഞിലായാലും പെണ്‍കുഞ്ഞിലായാലും പിറന്നുവീണ് ഏതാനും നാളുകള്‍വരെ സ്തനങ്ങളില്‍ നിന്ന് ഒരു ദ്രാവകം സ്രവിക്കുന്നുണ്ട്. വിച്ചസ് മില്‍ക്ക് (Witches milk) എന്നാണിതിനു പേര്. ശിശുവിന്റെ ജനനത്തോടനുബന്ധിച്ച് അതിന്റെ രക്തത്തില്‍ അമിതമായുണ്ടാകുന്ന ലൈംഗികഹോര്‍മോണുകളുടെ പ്രവര്‍ത്തനഫലമായാണീ ദ്രാവകം ഉണ്ടാകുന്നത്. രണ്ടുമൂന്നു ദിവസങ്ങള്‍ക്കകം ഹോര്‍മോണ്‍ പ്രവാഹം കുറയുന്നതോടെ ഈ പാലും വറ്റുന്നു.
സ്ത്രീസൗന്ദര്യത്തിന്റെയും ലൈംഗികതയുടെയും പ്രതീകമാണെങ്കിലും യഥാര്‍ത്ഥത്തില്‍ വികസിതമായ സ്വേദഗ്രന്ഥികളാണ് സ്തനങ്ങളെന്ന് ഏറെപ്പേര്‍ക്കുമറിയില്ല. സൗന്ദര്യകേദാരങ്ങളായ ഈ സ്വേദഗ്രന്ഥികള്‍ വിയര്‍പ്പു ചിന്തുന്നതിനു പകരം പാല്‍ ചുരത്തുന്നു. എന്നാല്‍ പാലും ഒരു പ്രത്യേകതരം സ്വേദം തന്നെയാണ്. അമ്മയുടെ രക്തത്തില്‍ നിന്നും കൂടുതല്‍ മാംസ്യം സ്വീകരിക്കുന്ന ഒരു സ്വേദം ‘കുചകുംഭങ്ങളായും’ ‘താഴികക്കുടങ്ങളായും’ മറ്റും വാഴ്ത്തപ്പെടുന്ന സ്തനങ്ങള്‍ കേവലം വിയര്‍പ്പുഗ്രന്ഥികളാണെന്ന സത്യം കവിഭാവനയ്ക്ക് നിരക്കുന്നതല്ലെങ്കിലും ഭ്രൂണശാസ്ത്ര സംബന്ധിയായ ഒരു യാഥാര്‍ത്ഥ്യമാണ്.

ലൈംഗികാവയവമെന്നതിലുപരി മാതൃത്വത്തിന്റെ ഇരിപ്പിടം കൂടിയാണ് സ്തനങ്ങള്‍. ഒരു സ്തനംകൊണ്ട് തന്നെ മുലയൂട്ടല്‍ നടക്കുമെങ്കിലും രണ്ടു സത്‌നങ്ങള്‍ നല്‍കി പ്രകൃതീശ്വരി സ്ത്രീയെ അനുഗ്രഹിച്ചിരിക്കുന്നു. രണ്ടു സ്തനങ്ങള്‍ കൂടുതല്‍ സൗന്ദര്യാത്മകമാണെന്നതാകാം ഇതിന്റെ ഒരു കാരണം. ഒരു മുല ഊട്ടി ക്ഷീണിക്കുമ്പോള്‍ അടുത്തത് കുഞ്ഞിന് നല്‍കാമല്ലോ. എന്നാല്‍ അപൂര്‍വ്വമായെങ്കിലും രണ്ടിലേറെ സ്തനങ്ങളുള്ള പ്രതിഭാസവും കാണപ്പെടാറുണ്ട്. ഇരുന്നൂറു സ്ത്രീകളില്‍ ഒരാള്‍ക്ക് വീതം അധികമായി മുലക്കണ്ണുകള്‍ കാണപ്പെടുന്നു. വയറിനെ ചുറ്റിപ്പറ്റിയായിരിക്കും ഇത്തരം മുലക്കണ്ണുകള്‍ കാണപ്പെടുന്നത്. അധികമായി കാണപ്പെടുന്ന സ്തനങ്ങള്‍കക് യഥാര്‍ത്ഥ സ്തനങ്ങളുടെ വലിപ്പം കാണില്ല. യഥാര്‍ത്ഥ സ്തനങ്ങളുടെ തൊട്ടു ചുവടെയായിരിക്കും ഈ ചെറുമുലകള്‍ കാണപ്പെടുക.

ഒരേസമയം ലൈംഗികോത്തേജനത്തിന്റെയും മാതൃവാത്സല്യത്തിന്റെയും കേന്ദ്രമാണ് സ്തനങ്ങള്‍. പുരുഷന്റെ കരങ്ങള്‍ക്ക് അവയില്‍ ആസക്തി ഉണര്‍ത്താമെങ്കില്‍ ശിശുവിന്റെ അധരങ്ങള്‍ക്ക് എന്തുകൊണ്ട് ആയിക്കൂടാ എന്നു സ്വാഭാവികമായും സംശയിക്കാം. കുഞ്ഞിന് മുലയൂട്ടുമ്പോഴും സ്ത്രീകളില്‍ ലൈംഗികോത്തേജനം നടക്കുന്നുണ്ടെന്നത് ശാസ്ത്രീയമായി സ്ഥിരീകരിക്കപ്പെട്ട ഒരു സത്യമാണ്. കുഞ്ഞിന് മുലയൂട്ടുമ്പോള്‍ സ്ത്രീകളിലുളവാകുന്ന ലൈംഗികപ്രതികരണത്തെക്കുറിച്ച് മാസ്റ്റേഴ്‌സും ജോണ്‍സണും നടത്തിയ പഠനത്തില്‍ സ്ഥിരീകരിക്കപ്പെട്ടിട്ടുണ്ട്. അവര്‍ പഠനവിധേയരാക്കിയ സ്ത്രീകളില്‍ മൂന്നുപേര്‍ മുലയൂട്ടുമ്പോള്‍ തങ്ങള്‍ക്ക് രതിമൂര്‍ച്ഛപോലും അനുഭവപ്പെട്ടതായി അവകാശപ്പെട്ടു. ഏതായാലും കുഞ്ഞ് സ്തനപാനം നടത്തുമ്പോള്‍ ലൈംഗികപ്രതികരണ ചക്രത്തിലെ ഉന്നതഘട്ടത്തില്‍ എത്തിച്ചേര്‍ന്നതായി ഒട്ടേറെ സ്ത്രീകള്‍ വെളിപ്പെടുത്തി. കുഞ്ഞിന് മുലയൂട്ടുമ്പോള്‍ ലൈംഗികവികാരമുണരുന്നത് തെറ്റാണെന്ന പാപചിന്തയില്‍ മനസ്സുപുണ്ണാക്കി കഴിയുന്ന സ്ത്രീകളും കണ്ടേക്കാം. എന്നാല്‍ ഇത് ഒരു ലൈംഗികവൈകല്യമേ അല്ലെന്നാണ് ആധുനിക മനഃശാസ്ത്രജ്ഞന്മാരുടെ നിലപാട്.

മാര്‍ദ്ദവമേറിയ പേശികളാല്‍ നിര്‍മ്മിതമാണ് സ്തനങ്ങള്‍. അതിനാല്‍ അതില്‍ ഏല്‍പ്പിക്കുന്ന അമിതമായ സമ്മര്‍ദ്ദങ്ങള്‍ സ്ത്രീകള്‍ക്ക് അത്യന്തം വേദനാജനകമായിരിക്കും. വികാരാവേശത്താല്‍ പുരുഷന്മാര്‍ ഇക്കാര്യം വിസ്മരിക്കുന്നത് തെറ്റായ പ്രവണതയാണ്. മുലഞെട്ടുകളാകട്ടെ അത്യന്തം സംവേദനാത്മകമായ മൃദുമാംസനാരുകളാല്‍ നിര്‍മ്മിതമാണ്. അവയില്‍ ഏല്‍പ്പിക്കുന്ന സമ്മര്‍ദ്ദങ്ങള്‍ നിലവിട്ടതായിപ്പോകരുത്. ലൈംഗികോത്തേജനത്തില്‍ മുലഞെട്ടുകള്‍ക്ക് ഉദ്ധാരണമുണ്ടാകുന്നതസ്ത്രീകളില്‍ ലൈംഗികോത്തേജനമുണ്ടാകുന്നതിന്റെ തെളിവായി സ്വീകരിക്കാറുണ്ട്. എന്നാല്‍ ക്രമത്തിലധികമായി മുലഞെട്ടുകള്‍ ഞരടിയാല്‍ അവയുടെ ഉദ്ധാരണം നഷ്ടപ്പെടുകയായിരിക്കും ചെയ്യുക. മുലഞെട്ടുകളിലേക്കുള്ള രക്തപ്രവാഹം കുറയുന്നതിനാലാണിത്. എന്നാല്‍ ഇങ്ങനെ സംഭവിക്കുമ്പോള്‍ യഥാര്‍ത്ഥത്തില്‍ സ്ത്രീയുടെ ലൈംഗികോത്തേജനം കുറഞ്ഞിട്ടുണ്ടാവില്ല. അമിതമായ ഉദ്ദീപനങ്ങള്‍ സ്തനങ്ങളിലെ രക്തപ്രവാഹം കുറയ്ക്കുകയും മുലഞെട്ടുകളുടെ ഉദ്ധാരണം നഷ്ടപ്പെടുത്തുകയും ചെയ്യും.

സ്തനപരിലാളനയിലും സ്തനപാനത്തിലും മറ്റും സ്ത്രീകളേക്കാള്‍ പുരുഷന്മാര്‍ക്കാണു താല്‍പ്പര്യം കൂടുതലായി കാണപ്പെടുന്നത്. മാസ്റ്റേഴ്‌സും ജോണ്‍സണും ‘സ്തനങ്ങളും സ്ത്രീകളുടെ ലൈംഗികതയും54’ എന്ന വിഷയത്തെ കുറിച്ച് നടത്തിയ പഠനത്തില്‍ ഇതു സംബന്ധമായ കൂടുതല്‍ വിവരങ്ങള്‍ വെളിവാക്കിയിട്ടുണ്ട്. പഠനവിധേയരായ പരവര്‍ഗ്ഗപ്രേമികളായ (Heterosexual)പല സ്ത്രീകളും പുരുഷന് അതിഷ്ടമായതിനാലാണ് തങ്ങള്‍ വക്ഷോജപരിലാളനയില്‍ തൃപ്തി പ്രകടിപ്പിക്കുന്നതെന്ന് വെളിപ്പെടുത്തുകയുണ്ടായി. പരവര്‍ഗ്ഗ സംഭോഗത്തില്‍ ബാഹ്യലീല ആരംഭിച്ച് മുപ്പതു സെക്കന്റിനകം സ്തനങ്ങളിലേക്കു പുരുഷന്‍ ശ്രദ്ധകേന്ദ്രീകരിക്കുന്നതായി കാണാം. അതേസമയം സ്വവര്‍ഗ്ഗ ഭോഗത്തില്‍ ബാഹ്യലീല വളരെയേറെ മുന്നേറിയശേഷമേ സ്ത്രീകളായ പ്രണയിനികള്‍ സ്തനപരിലാളന ആരംഭിക്കുന്നുള്ളൂ.

സ്തനങ്ങളുടെയും അതിലെ ഗര്‍ത്തിക (Areola) മുലഞെട്ടുകള്‍ എന്നീ ഭാഗങ്ങളുടെയും ലൈംഗികപ്രതികരണക്ഷമതയ്ക്ക് സ്തനങ്ങളുടെ വലിപ്പവുമായോ ആകൃതിയുമായോ ബന്ധമില്ലെന്നു മുന്‍പ് സൂചിപ്പിച്ചുവല്ലോ. എല്ലാ സ്ത്രീകളിലും സ്തനപരിലാളനം സൃഷ്ടിക്കുന്ന വികാരതരംഗങ്ങള്‍ ഒരുപോലെ ആയിക്കൊള്ളണമെന്നില്ല. അമേരിക്കന്‍ പുരുഷന്‍മാര്‍ക്കിടയില്‍ സ്തനങ്ങളുടെ വലിപ്പവും ലൈംഗികതയുമായി ബന്ധപ്പെടുത്തി ചില മിഥ്യാധാരണകള്‍ നിലനില്‍ക്കുന്നതിനാല്‍ അന്നാട്ടിലെ സ്ത്രീകള്‍ സ്തനവലിപ്പത്തിന് അമിതപ്രാധാന്യം കല്‍പ്പിക്കുന്നതായി ചൂണ്ടികാണിക്കപ്പെടുന്നു. അതിനാല്‍ത്തന്നെ അമേരിക്കന്‍ വനിതകള്‍ക്കിടയില്‍ സ്തനങ്ങളുടെ വലിപ്പം വര്‍ദ്ധിപ്പിക്കുവാനുള്ള വ്യായാമങ്ങള്‍ക്കും യന്ത്രങ്ങള്‍ക്കും ലോഷനുകള്‍ക്കും മറ്റും തെല്ലു പ്രചാരം കൂടുതലാണ്. എന്നാല്‍ വ്യാപകമായി പരസ്യം ചെയ്യപ്പെടുന്ന ഇവയ്‌ക്കൊന്നും വലിയ ഫലപ്രാപ്തി കാണപ്പെടുന്നില്ലെന്നതാണു സത്യം. അക്കാരണത്താല്‍ സ്തനവിപുലീകരണ ശസ്ത്രക്രിയക്ക് അവിടെ നല്ല അംഗീകാരം ലഭിച്ചിട്ടുണ്ട്. ആദ്യകാലത്ത് സിലിക്കോണ്‍ ദ്രാവകം (Liquid silicon) സ്തനങ്ങളിലേക്ക് നേരിട്ടു കുത്തിവയ്ക്കുന്നതായിരുന്നു പതിവ്. എന്നാല്‍ വൈദ്യശാസ്ത്രപരമായ പല പ്രശ്‌നങ്ങള്‍ക്കും വഴിതെളിച്ചതിനാല്‍ അത് തൃപ്തികരമായ ഫലമുളവാക്കിയില്ല. അതിനാല്‍ സിലിക്കോണ്‍ ജെല്‍ (Silicon gel) നിറച്ച നേര്‍മ്മയേറിയ സഞ്ചികള്‍ സ്തനങ്ങളില്‍ ലഘു ശസ്ത്രക്രിയയിലൂടെ നിക്ഷേപിക്കുന്ന രീതിയാണ് ഇന്നു പ്രചാരത്തിലുള്ളത്. സ്തനങ്ങളുടെ സ്വാഭാവികമായ ആകൃതിയും മാര്‍ദ്ദവും നഷ്ടപ്പെടുന്നില്ല എന്നതാണ് ഈ ശസ്ത്രക്രിയയുടെ മേന്മ.

സ്തനങ്ങളുടെ വലിപ്പക്കുറവിനെ ചൊല്ലി ഒരു വിഭാഗം സ്ത്രീകള്‍ പരിതപിക്കുമ്പോള്‍ അവയുടെ വലിപ്പക്കൂടുതലാല്‍ ക്ലേശിക്കുന്ന മറ്റൊരു വിഭാഗവുമുണ്ട്. മാമറി ഹൈപ്പര്‍ പ്ലാസിയ (Mamary hyperplasia)അഥവാ മാക്രോ മാസ്റ്റിയ എന്നാണ് ഈ അവസ്ഥ അറിയപ്പെടുന്നത്. മമ്മാ പ്ലാസ്റ്റി എന്ന താരതമ്യേന ലഘുവായ ശസ്ത്രക്രിയയിലൂടെ ഇത്തരം സ്തനങ്ങളുടെ വലിപ്പവും ഭാരവും കുറയ്ക്കാവുന്നതാണ്.
മുലഞെട്ടുകള്‍ അകത്തേക്കുവലിഞ്ഞിരിക്കുന്ന അവസ്ഥ ചില സ്ത്രീകളില്‍ കാണപ്പെടാറുണ്ട്. ഇത് നിരുപദ്രകരവും കുഞ്ഞിനെ പാലൂട്ടുന്നതിനു ബുദ്ധിമുട്ടുളവാക്കുന്നതുമല്ല.

രതിവിജ്ഞാനം;സ്ത്രീയുടെ ലൈംഗികാവയവങ്ങള്‍

 സ്ത്രീയുടെ ലൈംഗികാവയവങ്ങള്‍
പുരുഷന്റെ ലൈംഗികാവയവങ്ങളുടെ ഘടനയും പ്രവര്‍ത്തനവുമൊക്കെ ഏറെക്കുറേ വ്യക്തമാണെങ്കില്‍ സ്ത്രീയുടേത് കുറേക്കൂടി സങ്കീര്‍ണ്ണവും അവ്യക്തവുമാണ്. അതുകൊണ്ടുതന്നെ സ്ത്രീകളുടെ ലൈംഗികാവയവങ്ങളെക്കുറിച്ചുള്ള മിഥ്യാസങ്കല്പങ്ങള്‍ സര്‍വ്വസാധാരണവുമത്രേ. കനത്ത വക്ഷോജങ്ങളുള്ള സ്ത്രീകള്‍ കാമോന്മാദിനികള്‍ ആയിരിക്കുമെന്നതുമുതല്‍ കന്യാചര്‍മ്മം കന്യകാത്വത്തിന്റെ പര്യായമാണ് എന്നതുവരെ നീളുന്നതാണ് സ്ത്രീയുടെ ലൈംഗികശരീരത്തെക്കുറിച്ചുള്ള കെട്ടുകഥകള്‍. സ്ത്രീകള്‍ക്കൊപ്പം പുരുഷന്മാരും സ്ത്രീകളുടെ ലൈംഗികാവയവങ്ങളെക്കുറിച്ചുള്ള ശാസ്ത്രീയ ധാരണ ആര്‍ജ്ജിക്കേണ്ടത് ആവശ്യമാണ്. കന്യാചര്‍മ്മത്തെയും മറ്റും സംബന്ധിച്ച അബദ്ധധാരണകള്‍ ദാമ്പത്യജീവിതത്തെത്തന്നെ ഉലച്ചു കളഞ്ഞേക്കാമെന്നതിനാല്‍ അത്തരം കാര്യങ്ങള്‍ വിവാഹജീവിതത്തിലേക്ക് ചുവടൂന്നുന്നവര്‍ നിര്‍ബന്ധമായും മനസ്സിലാക്കിയിരിക്കേണ്ടതാണ്.

കന്യാചര്‍മ്മം
കന്യാചര്‍മ്മവും കന്യകാത്വവുമായി ബന്ധമേതുമില്ലെന്ന യാഥാര്‍ത്ഥ്യം ഇന്ന് കുറേപ്പേരെങ്കിലും തിരിച്ചറിഞ്ഞിട്ടുണ്ട്. എന്നാല്‍ യോനീകവാടത്തില്‍ (Vaginal Orifice) സ്ഥിതി ചെയ്യുന്ന ഈ സ്തരം നൂറ്റാണ്ടുകളായി കന്യകാത്വത്തിന്റെ ദിവ്യമാനദണ്ഡമായി പരിഗണിക്കപ്പെട്ടുപോന്നു. സാധാരണയായി പ്രഥമ സംഭോഗത്തില്‍ തന്നെ ഇത് പൊട്ടിപ്പോകാറുണ്ട്. സംഭോഗവേളയില്‍ ലിംഗം ഏല്‍പ്പിക്കുന്ന സമ്മര്‍ദ്ദങ്ങളാണ് കന്യാചര്‍മ്മത്തെ ഛേദിക്കുന്നത്. പ്രഥമസംഭോഗത്തില്‍ ലിംഗപ്രവേശം നടത്തുമ്പോള്‍ കന്യാചര്‍മ്മം പല കഷണങ്ങളായി പൊട്ടിപ്പോകുന്നു. എന്നാല്‍ അതിന്റെ അല്പം ചില അംശങ്ങള്‍ അവശേഷിക്കാറുണ്ട്. തുടര്‍ന്നുള്ള സംഭോഗങ്ങളില്‍ അവശേഷിക്കുന്ന കന്യാചര്‍മ്മഭാഗങ്ങള്‍ക്കൂടി നശിപ്പിക്കപ്പെടുമെങ്കിലും കന്യാചര്‍മ്മം പൂര്‍ണ്ണമായും ഇല്ലാതായിത്തീരുന്നുവെന്നു പറയാനാകില്ല. അതിന്റെ അല്പം ചില അവശിഷ്ടങ്ങള്‍ നിലനില്‍ക്കുകതന്നെ ചെയ്യും.

എന്നാല്‍ എല്ലാവരിലും ഇത് ഇങ്ങനെതന്നെ സംഭവിക്കണമെന്നില്ല. ദിവസം പത്തിരുപതുതവണ സംഭോഗം ചെയ്തിട്ടുള്ള സ്ത്രീകളില്‍പ്പോലും കന്യാചര്‍മ്മം ഒരു കേടുപാടുമില്ലാതെ അവശേഷിക്കുന്നതായി കണ്ടെത്തിയിട്ടുണ്ട്. കന്യാചര്‍മ്മത്തിന്റെ ഇലാസ്തികതയാണ് ഈ പ്രതിഭാസത്തിന് കാരണം. ഒട്ടേറെ പ്രസവങ്ങള്‍ നടത്തിയിട്ടുള്ളവരില്‍പ്പോലും കന്യാചര്‍മ്മനാശം സംഭവിക്കാതിരിക്കാന്‍ കാരണം ആ സ്തരത്തിന്റെ ഇത്തരത്തിലുള്ള ഇലാസ്തിക പ്രകൃതമാണ്. ചിലരില്‍ ലിംഗപ്രവേശനസമയത്ത് കന്യാചര്‍മ്മം ഛേദിക്കപ്പെടുന്നതിനു പകരം വളഞ്ഞ് യോനിയുടെ അടിത്തട്ടിനോട് ചേര്‍ന്നു നില്‍ക്കുന്നു. സംഭോഗം അനായാസം തുടരുകയും ചെയ്യാം. പ്രസവസമയത്തും കന്യാചര്‍മ്മം അതിന്റെ വളയുന്ന സ്വഭാവം പ്രകടിപ്പിക്കുന്നു. സംഭോഗവേളയില്‍ അകത്തേക്കു വളഞ്ഞതുപോലെ പ്രസവസമയത്ത് അത് പുറത്തേക്ക് വളയുന്നു. അങ്ങനെ കന്യാചര്‍മ്മം ഛേദിക്കപ്പെടാതെ തന്നെ കുഞ്ഞ് പുറത്തേക്കുവരുന്നു.

നോവലുകളിലെയും മറ്റും കന്യാചര്‍മ്മത്തെക്കുറിച്ചുള്ള അതിഭാവുകത്വം കലര്‍ന്ന വര്‍ണ്ണനകളും പ്രസ്താവനകളുമാകാം സാമാന്യജനങ്ങള്‍ക്കിടയില്‍ തീര്‍ത്തും നിരുപദ്രവകാരിയായ ഈ യോനീസ്തരത്തെക്കുറിച്ച് അതിശയോക്തി പരമായ ധാരണകള്‍ പരക്കാന്‍ കാരണം. ഇത്തരം മിഥ്യാധാരണകളില്‍ കുടുങ്ങുന്ന ചില നവവരന്മാര്‍ ആദ്യരാത്രിയില്‍ സംഭോഗാനന്തരം നവവധുവിന്റെ ’കന്യാരക്ത’ ത്തിനായി കിടക്കയില്‍ പരിശോധന നടത്താറുപോലുമുണ്ട്! ജീവശാസ്ത്രപരമായ ഇത്തരം അജ്ഞതകള്‍ ദാമ്പത്യകലഹത്തിനുവരെ വഴിയൊരുക്കുകയും ചെയ്യുന്നു. കന്യാചര്‍മ്മം കന്യകാത്വത്തിന്റെ സുപ്രധാന ലക്ഷണമാണെന്ന തെറ്റിദ്ധാരണ പാശ്ചാത്യരാജ്യങ്ങളിലാണ് ഏറെയും കാണപ്പെടുന്നതെങ്കിലും നമ്മുടെ നാട്ടിലും അതൊട്ടും കുറവല്ല തന്നെ. പാശ്ചാത്യനാടുകളില്‍ കന്യാചര്‍മ്മം പൊട്ടിച്ചിട്ടില്ലാത്ത കന്യകമാരുമായി വേഴ്ച നടത്തുന്നതില്‍ വിടന്മാരായ പ്രഭുക്കന്മാര്‍ക്കും പ്രമാണിമാര്‍ക്കും പ്രത്യേക താല്‍പ്പര്യം ഉണ്ടായിരുന്നുവത്രേ. ഗണികാഗൃഹനടത്തിപ്പുകാര്‍ ഈ ദൗര്‍ബ്ബല്യം മനസ്സിലാക്കി അവരില്‍ നിന്ന് വന്‍തുക ഈടാക്കി കന്യാചര്‍മ്മഛേദം നടത്തിയിട്ടില്ലാത്ത സ്ത്രീകളെ സമര്‍പ്പിക്കാറുണ്ടായിരുന്നുവത്രേ!

ചില സ്ത്രീകളില്‍ ജന്മനാതന്നെ വളരെ ദുര്‍ബ്ബലമായ കന്യാചര്‍മ്മമായിരിക്കും കാണപ്പെടുക. കായികാദ്ധ്വാനം മൂലവും സ്‌പോര്‍ട്‌സിലും മറ്റും ഏര്‍പ്പെടുന്നതുകൊണ്ടും കന്യാചര്‍മ്മം പൊട്ടിപ്പോകാം. കന്യാചര്‍മ്മം പൊട്ടിപ്പോയതിനാല്‍ ഒരു സ്ത്രീ ഒരിക്കലും വഴിപിഴച്ചവളാണെന്ന് മുദ്ര കുത്തുവാന്‍ പാടുള്ളതല്ല. കന്യാചര്‍മ്മം ഛേദിക്കപ്പെടാത്ത അംഗനമാരെല്ലാം കന്യകമാരാണെന്ന മുന്‍വിധിയും തെറ്റാണ്. എത്രയോ സംഭോഗങ്ങള്‍ക്കും പ്രസവത്തിനും ശേഷം പോലും കന്യാചര്‍മ്മം ഭദ്രമായിത്തന്നെ നിലകൊള്ളുന്നു.

സ്വയംഭോഗത്തിലൂടെയും കന്യാചര്‍മ്മം പൊട്ടിപ്പോകാം. യോനിയിലേക്ക് വിരല്‍ കടത്തിയുള്ള സ്വയംഭോഗത്തിലൂടെ കന്യാചര്‍മ്മത്തിന് ക്ഷതം സംഭവിക്കാം. യോനിയിലേക്ക് പേനയും ഫലമൂലാദികളും മറ്റും കടത്തി ചില കന്യകമാര്‍ നടത്തുന്ന സ്വയംഭോഗത്തിന് കന്യാചര്‍മ്മത്തിന്റെ കാര്യത്തില്‍ ഒരു ഗ്യാരണ്ടിയും നല്‍കാനാവില്ല.

ദ്വാരമേയില്ലാത്ത കന്യാചര്‍മ്മം ചില സ്ത്രീകളില്‍ കണ്ടുവരാറുണ്ട് (Imperforate hymen). എന്നാല്‍ ഇത് പുരുഷന്മാര്‍ക്ക് നേരില്‍ കാണാനാവില്ല. യോനിയെ പൂര്‍ണ്ണമായും അടയ്ക്കുന്ന അസാധാരണമായ ഈ കന്യാചര്‍മ്മം ഡോക്ടര്‍മാര്‍ക്കേ കാണാനാകുകയുള്ളൂ. ഇത്തരക്കാരില്‍ യോനീദ്വാരം പൂര്‍ണ്ണമായും കന്യാചര്‍മ്മത്താല്‍ മൂടപ്പെട്ടിരിക്കും. അതിനാല്‍ ആര്‍ത്തവരക്തത്തിന് പുറത്തേക്ക് നിഗമിക്കാനാവില്ല. ആര്‍ത്തവാരംഭത്തോടെയാണ് ഈ വൈകല്യം രക്ഷിതാക്കള്‍ അറിയുന്നത്. ഇത്തരം പെണ്‍കുട്ടികളില്‍ ആര്‍ത്തവരക്തം യോനിക്കുള്ളില്‍ കെട്ടിനില്‍ക്കുന്നതുമൂലം ചൊറിച്ചിലും അണുബാധയുമുണ്ടാകുന്നു. വിദഗ്ദ്ധനായ ഒരു ഗൈനക്കോളജിസ്റ്റിനെ ഇത്തരം അവസ്ഥയില്‍ സമീപിക്കുവാന്‍ അമാന്തിക്കരുത്. ഒരു ലഘുശസ്ത്രക്രിയയിലൂടെ കന്യാചര്‍മ്മത്തെ ഭേദിച്ച് ദുഷിച്ച രക്തത്തെ പുറത്തേക്കുകളയുവാനാകും.

കൃസരി
സ്ത്രീയുടെ ലൈംഗികാവയവങ്ങളില്‍ ഒട്ടേറെ ചര്‍ച്ചകള്‍ക്ക് വിധേയമായിട്ടുള്ള ഒന്നാണ് കൃസരി അഥവാ ഭഗശിശ്‌നിക. സ്ത്രീയിലെ ഈ വികാരകേന്ദ്രം അവളുടെ ലൈംഗികോത്തേജനത്തില്‍ നിര്‍ണ്ണായക സ്ഥാനം വഹിക്കുന്നുണ്ടെങ്കിലും അതേക്കുറിച്ച് ഒട്ടേറെ അതിശയോക്തിപരമായ കഥകള്‍ പ്രചരിച്ചിട്ടുണ്ടെന്നു പറയാതെ വയ്യ. ജി.സ്‌പോട്ടിന്റെയും (G.Spot) കള്‍-ദി-സാക്കി (Cul-de-Sac) ന്റെയും ലൈംഗികോത്തേജന ശക്തിയെക്കുറിച്ച് ലൈംഗികശാസ്ത്രജ്ഞന്മാര്‍ ബോധവാന്മാരായതിനെത്തുടര്‍ന്ന് കൃസരിയുടെ ലൈംഗികോത്തേജന മഹനീയതയ്ക്ക് ഒട്ടൊക്കെ ഇളക്കം തട്ടിയിട്ടുമുണ്ട്. എന്നാല്‍ സ്ത്രീയില്‍ മറ്റു വികാരകേന്ദ്രങ്ങള്‍ കണ്ടെത്തിക്കഴിഞ്ഞിട്ടും കൃസരിക്ക് ലൈംഗിക പ്രതികരണത്തില്‍ സുപ്രധാന സ്ഥാനം കല്‍പ്പിക്കുവാനാണ് മിക്ക ലൈംഗിക വിദഗ്ദ്ധര്‍ക്കും താല്‍പ്പര്യം.

കൃസരി ലൈംഗികോത്തേജനത്തിലെ സുപ്രധാന കേന്ദ്രമാണെന്ന ധാരണ പരന്നതോടെ അതിന്റെ വലിപ്പത്തെക്കുറിച്ചും മറ്റും തെറ്റിദ്ധാരണകള്‍ പ്രചരിക്കുവാന്‍ തുടങ്ങി. വലിപ്പമുള്ള കൃസരികളോടുകൂടിയ സ്ത്രീകള്‍ക്ക് കാമാസക്തി ഏറിയിരിക്കുമെന്നതാണ് അതിലൊന്ന്. എന്നാല്‍ കൃസരിയുടെ വലിപ്പവും സ്ത്രീയുടെ ലൈംഗികാസക്തിയുമായി ഒരു ബന്ധവുമില്ലെന്നതാണ് സത്യം. ശരീരപ്രകൃതമനുസരിച്ച് കൃസരിയുടെ വലിപ്പം കൂടിയും കുറഞ്ഞുമൊക്കെ ഇരിക്കും. സ്ഥൂലഗാത്രികള്‍ക്ക് വലിയ കൃസരി ഉണ്ടായിരിക്കുമെന്നും മെലിഞ്ഞ പ്രകൃതക്കാര്‍ക്ക് അതിന്റെ വലിപ്പം കുറവായിരിക്കുമെന്നും ഒന്നും പറയുവാനാകില്ല. സ്ഥിരമായ ഉദ്ദീപനങ്ങളിലൂടെ കൃസരിയുടെ വലിപ്പം കൂടുമെന്നു പറയുന്നതില്‍ കഴമ്പില്ല. കൃസരിയുടെ വലിപ്പം ലൈംഗികാസക്തി കൂട്ടുമെന്നു കരുതി ആരെങ്കിലും അതിനു തുനിഞ്ഞാല്‍ അവര്‍ മൂഢസ്വര്‍ഗ്ഗത്തിലാണെന്നു തന്നെ പറയേണ്ടിയിരിക്കുന്നു.

കൃസരിയുടെ ലൈംഗികശാസ്ത്രപരമായ സ്ഥാനത്തെക്കുറിച്ച് വിദഗ്ദ്ധന്മാര്‍ രണ്ടുതട്ടിലാണ്. ചിലര്‍ ഇതിനെ വളര്‍ച്ച പ്രാപിക്കാന്‍ മറന്നുപോയ ഒരു ലിംഗമായിക്കാണുമ്പോള്‍ മറ്റുചിലര്‍ ലിംഗത്തെത്തന്നെ വളര്‍ച്ചപ്രാപിച്ച ഒരു കൃസരിയായി കാണുന്നു. ഇതില്‍ രണ്ടുകൂട്ടരുടെയും വാദത്തില്‍ കുറെയൊക്കെ കഴന്വുണ്ടെന്നു കാണാം. വളര്‍ച്ചയുടെ ആദ്യദശയില്‍ മനുഷ്യഭ്രൂണത്തിന് സ്ത്രീയുടെയും പുരുഷന്റെയും ലൈംഗികാവയവങ്ങള്‍ ഉണ്ട്. എന്നാല്‍ അവ അവ്യക്തമായ അവസ്ഥയിലായിരിക്കുമെന്നു മാത്രം. തുടര്‍ന്ന് ലിംഗങ്ങള്‍ വ്യവച്ഛേദിക്കപ്പെടുകയും വളരേണ്ട ലൈംഗികാവയവങ്ങള്‍ വളരുകയും ചെയ്യുന്നു.

കൃസരി സ്ത്രീയുടെ ലൈംഗികോത്തേജനത്തില്‍ രണ്ടുരീതിയിലാണ് ഭാഗഭാഗിത്വം വഹിക്കുന്നത്. അത് ലൈംഗികോദ്ദീപനത്തെ ഒരേ സമയം സ്വീകരിക്കുകയും പ്രസരിപ്പിക്കുകയും ചെയ്യുന്നു. കൃസരിയിലെ നാഡികളും രക്തവാഹിനികളും ഉദ്ദീപനങ്ങളെ സ്വീകരിക്കുവാന്‍ സഹായിക്കുന്നു. ഇങ്ങനെ സ്വീകരിക്കപ്പെടുന്ന ലൈംഗികാനുഭൂതികളെ ലൈംഗികാവയവങ്ങളിലും ശരീരത്തിന്റെ ഇതരസംവേദന കേന്ദ്രങ്ങളിലും കൃസരി വ്യാപിപ്പിക്കുന്നു. രതിമൂര്‍ച്ഛാവേളയില്‍ ഉപസ്ഥത്തിലെങ്ങും അനുഭവപ്പെടുന്ന സുഖദായകമായ തരിപ്പും യോനിയുടെ അന്തര്‍ഭാഗത്തെ ചൂടും ശരീരമെമ്പാടും അനുഭവപ്പെടുന്ന വൈകാരികവിസ്‌ഫോടനവും കൃസരിയുടെ പ്രതികരണഫലമായാണെന്നാണ് ലൈംഗികവിദഗ്ദ്ധന്മാരുടെ നിഗമനം.

ലൈംഗികപ്രതികരണ ചക്രത്തില്‍ ‘ഒളിച്ചും’ ‘കണ്ടും’ നടക്കുന്ന ഒരു സ്വഭാവസവിശേഷതയും കൃസരി പ്രദര്‍ശിപ്പിക്കാറുണ്ട്. ഉത്തേജനത്തിന്റെ മറ്റു രണ്ട് ഘട്ടങ്ങളിലും ഉദ്ധരിച്ചു നില്‍ക്കുന്ന കൃസരി ഉന്നതഘട്ടത്തില്‍ ശിശ്‌നികാഛദത്തിലേക്കു പിന്‍വലിയുന്നു. അതിനാല്‍ ആ ഘട്ടത്തില്‍ കൃസരി ഏതാണ്ട് അപ്രത്യക്ഷമായതായിപ്പോലും അനുഭവപ്പെടാം. കൃസരിയിലെ ഉദ്ദീപനത്തെക്കുറിച്ച് അതിശയോക്തിപരമായ ധാരണകള്‍ പുലര്‍ത്തുന്ന പുരുഷന്മാരെ കൃസരിയുടെ ഒളിച്ചുകളി തെല്ലു പരിഭ്രാന്തരാക്കിയേക്കാം. പിന്‍വാങ്ങിയ അവസ്ഥയില്‍ ലിംഗത്തിനോ വിരലുകള്‍ക്കോ അതില്‍ നേരിട്ട് ഉദ്ദീപനങ്ങള്‍ സൃഷ്ടിക്കുവാന്‍ കഴിയുകയില്ല. രതിമൂര്‍ച്ഛാഘട്ടത്തില്‍ കൃസരി വീണ്ടും ഉദ്ദീപ്തമാകുകയും സമാപ്തിഘട്ടത്തില്‍ പൂര്‍വ്വസ്ഥിതിയെ പ്രാപിക്കുകയും ചെയ്തുകൊള്ളും.

സംഭോഗത്തെ ഒരു കസര്‍ത്തായി കാണുന്ന ചില വിദഗ്ദ്ധന്മാര്‍ കൃസരിയില്‍ ലിംഗം നേരിട്ട് സ്പര്‍ശിച്ചുകൊണ്ടുള്ള സംഭോഗവ്യായാമങ്ങളും മറ്റും നിര്‍ദ്ദേശിക്കാറുണ്ട്. അതൊക്കെ പരീക്ഷിക്കാന്‍ ശ്രമിച്ചിട്ടുള്ളവര്‍ക്കറിയാം അതിന്റെ പ്രായോഗിക ബുദ്ധിമുട്ടുകള്‍! മൈഥുനവേളയില്‍ ലിംഗം കൃസരിയില്‍ നേരിട്ടുരുമ്മണമെന്ന് ഒരു നിര്‍ബന്ധവുമില്ല. പ്രാരംഭോപചാരത്തില്‍ അതിനെ ലിംഗവും വിരലുകളും കൊണ്ട് ഉത്തേജിപ്പിക്കാവുന്നതേയുള്ളൂ. കൃസരിയില്‍ തന്നെ ശ്രദ്ധയൂന്നിക്കൊണ്ട് നടത്തുന്ന സംഭോഗത്തിന് മറ്റൊരപകടവും സംഭവിക്കാം. സ്തനങ്ങള്‍, യോനി തുടങ്ങി സ്ത്രീയുടെ മറ്റു ലൈംഗികാവയവങ്ങളിലും ഉദ്ദീപനങ്ങള്‍ ഉണര്‍ത്താമെന്നിരിക്കേ കൃസരിയില്‍ മാത്രം പൂര്‍ണ്ണ ശ്രദ്ധയര്‍പ്പിക്കുന്നത് ലൈംഗികാനുഭൂതിയുടെ വ്യാപനത്തെ കുറയ്ക്കുവാന്‍ കാരണമാകാം. ഉന്നതഘട്ടത്തില്‍ കൃസരി പിന്‍വാങ്ങുന്നതിനാല്‍ അത് കണ്ടുപിടിക്കാനുള്ള ശ്രമം വൃഥാവിലാവുകയാകും ചെയ്യുക.

വളരെയേറെ സംവേദനക്ഷമവും മൃദുലവുമായ ഒരവയവമാണ് കൃസരിയെന്നതിനാല്‍ അതില്‍ ശക്തിയായി നടത്തുന്ന ഉദ്ദീപനങ്ങള്‍ സ്ത്രീകളില്‍ അനുഭൂതികള്‍ക്കു പകരം അസ്വാരസ്യമാകും സൃഷ്ടിക്കുക. അതിനാല്‍ കൃസരിയുടെ ശീര്‍ഷത്തില്‍ (Clitoral hood) നേരിട്ട് ഉദ്ദീപനങ്ങള്‍ ഉളവാക്കുന്നതിലും നല്ലത് അതിന്റെ ചുറ്റുപാടുകളില്‍ നല്‍കുന്നതാകും. യോനിയിലെന്നപോലെ കൃസരിയിലും സ്പര്‍ശിക്കുമ്പോള്‍ കൈവിരലുകള്‍ ശുചിയായിരിക്കണം. നഖം കൊണ്ടും മറ്റും കൃസരിയില്‍ ശക്തമായ സമ്മര്‍ദ്ദങ്ങള്‍ സൃഷ്ടിക്കുന്നത് ഗുണത്തേക്കാളേറെ ദോഷമായിരിക്കും ഉളവാക്കുക.

കൗമാരാരംഭത്തോടെ കൃസരിയുടെ ലൈംഗികോദ്ദീപന ശക്തി മിക്ക പെണ്‍കുട്ടികളും തിരിച്ചറിഞ്ഞിട്ടുണ്ടാകും. അതിനാല്‍ സ്വയംഭോഗം ചെയ്തു തുടങ്ങുന്നതോടെ കൃസരി ഉദ്ദീപനങ്ങളും അവര്‍ ശീലമാക്കുന്നു. എന്നാല്‍ സ്വയംഭോഗവേളയിലും കൃസരിയില്‍ ശക്തമായ സമ്മര്‍ദ്ദങ്ങള്‍ ചെലുത്തുവാന്‍ സ്ത്രീകള്‍ ഇഷ്ടപ്പെടുന്നില്ല. ചില സ്ത്രീകള്‍ കൃസരീശീര്‍ഷത്തിലും മറ്റു ചിലര്‍ കൃസരീതനുവിലും (Clitoral Shaft) വിരലോടിച്ച് സ്വയംഭോഗം ചെയ്യുന്നു. മൂന്നാമതൊരു കൂട്ടരാകട്ടെ ഭഗപ്രദേശമാകെ തഴുകിയായിരിക്കും സ്വയംഭോഗം ചെയ്യുക. ഭഗപ്രദേശം ഒന്നാകെ തഴുകി നടത്തുന്ന ഉത്തേജനങ്ങള്‍ രതിമൂര്‍ച്ഛയുടെ തീവ്രത വര്‍ദ്ധിപ്പിക്കുന്നു.

കൃസരീശീര്‍ഷം ശസ്ത്രക്രിയയിലൂടെ ഛേദിച്ചുകളയുന്നത് (Clitoral Circumcision) ലൈംഗികപ്രതികരണം ശക്തമാക്കുമെന്ന് വിശ്വസിക്കുന്നവരുണ്ട്. ശീര്‍ഷം നീക്കംചെയ്യുന്നതിലൂടെ കൃസരിയുടെ ഗ്രന്ഥിഘടന (Clitoral Gland) വ്യക്തമാകുന്നതിനാലാണിത്. ചില ആഫ്രിക്കന്‍ പ്രാകൃത ഗോത്രക്കാര്‍ക്കിടയില്‍ പെണ്‍കുട്ടി യൗവ്വനയുക്തയാകുന്നതോടെ കൃസരീഛേദനം നടത്തുന്ന അനുഷ്ഠാനം നിലനിന്നുവരുന്നുണ്ട്. ഈജിപ്റ്റിലെ പെണ്‍കുട്ടികളില്‍ നല്ലൊരു വിഭാഗത്തിന് അത്യന്തം വേദനാജനകമായ ഈ പ്രാകൃതകര്‍മ്മം ഇന്നും അനുഭവിക്കേണ്ടി വരുന്നുണ്ട്. ഇപ്രകാരം കൃസരീഛേദം നടത്തുന്നത് ലൈംഗികോത്തേജനത്തെ നശിപ്പിക്കുന്നില്ലെങ്കിലും അതിനെ സഹായിക്കുന്നില്ല. 1983-ല്‍ ലൈംഗികശാസ്ത്രജ്ഞന്മാരുടെ ലോകസമ്മേളനത്തില്‍ ഇതിനെതിരായ പ്രമേയം കൊണ്ടുവരപ്പെട്ടെങ്കിലും ഇത്തരം പ്രാദേശികാനുഷ്ഠാനങ്ങളില്‍ ഇടപെടേണ്ടന്നായിരുന്നു ഭൂരിപക്ഷം പേരുടെയും നിലപാട്.

കൃസരീശീര്‍ഷം നീക്കം ചെയ്യുന്നതിലൂടെ ലൈംഗികോത്തേജനം കാര്യമായൊന്നും വര്‍ദ്ധിക്കുന്നില്ലെന്നാണ് മാസ്റ്റേഴ്‌സിന്റെയും ജോണ്‍സന്റെയും നിലപാട്. മാത്രവുമല്ല അതില്‍ ചില ന്യൂനതകളും അവര്‍ കണ്ടെത്തുന്നു. കൃസരിയുടെ ഗ്രന്ഥീഘടന വളരെ മൃദുവായതിനാല്‍ കൃസരീശീര്‍ഷം നീക്കം ചെയ്യുന്നത് കൃസരിയില്‍ നടത്തുന്ന ഉദ്ദീപനങ്ങളെ വേദനാപൂര്‍ണ്ണമാക്കാമെന്നതാണ് ഒന്നാമത്തേത്. സംഭോഗവേളയില്‍ ലിംഗസംവേശനം ലഘുഭഗോഷ്ഠങ്ങളെ ചലിപ്പിക്കുകയും കൃസരീശീര്‍ഷം കൃസരീഗ്രന്ഥി ഘടനയിലൂടെ മുന്നോട്ടും പിന്നോട്ടും ചലിക്കുകയും ചെയ്യുന്നു. കൃസരീശീര്‍ഷം നീക്കം ചെയ്യുപ്പെടുന്നതിലൂടെ ഈ ഉത്തേജനം ഇല്ലാതായിത്തീരുമെന്നതാണ് രണ്ടാമത്തെ ന്യൂനത. കൃസരീശീര്‍ഷത്തിനും കൃസരീഗ്രന്ഥിഘടനയ്ക്കും മധ്യേ കാണപ്പെടുന്ന കട്ടിയായ സ്രാവം (Smegma) ഒരു ശസ്ത്രക്രിയാ ഉപകരണം വഴി നേര്‍പ്പിക്കുന്ന രീതി അപൂര്‍വ്വമായെങ്കിലും പ്രായോഗികമാക്കാറുണ്ട്. എന്നാല്‍ തങ്ങളുടെ മുപ്പതുവര്‍ഷത്തെ ചികിത്സാ ചരിത്രത്തില്‍ ഇപ്രകാരം ലൈംഗികോത്തേജനം കൂട്ടേണ്ടിവന്നിട്ടുള്ള അപൂര്‍വ്വ സന്ദര്‍ഭങ്ങളേ ഉണ്ടായിട്ടുള്ളുവെന്നാണ് മാസ്റ്റേഴ്‌സും ജോണ്‍സണും പറയുന്നത്.